Lucas 6:41 - Chol: I T’an Dios

⁴¹ ¿Chucoch ma' q'uel che' bʌ ya wistʌl sajte' am bʌ ti' wut a pi'ʌl pero ma'anic ma' q'uel cucujl am bʌ ti a wut?

Jiñi Tsiji' bʌ Wen T'añ cha'añ Estudio

⁴¹ ¿Chucoch ma' q'uel che' bʌ ya' wistʌl sajl te' am bʌ ti' wut a wermañu che' ma'añic ma' q'uel cucujl am bʌ ti a wut?

Chol de Tumbalá Bible

⁴¹ ¿Chucoch ma' q'uel che' bʌ ya wistʌl sajte' am bʌ ti' wut a pi'ʌl pero ma'anic ma' q'uel cucujl am bʌ ti a wut?

Jiñi Tsiji' bʌ Wen T'añ cha'añ Estudio

⁴¹ ¿Chucoch ma' q'uel che' bʌ ya' wistʌl sajl te' am bʌ ti' wut a wermañu che' ma'añic ma' q'uel cucujl am bʌ ti a wut?

Chol Tila

⁴¹ ¿Bajche'qui isujm che' ch'ujbi a wilan i ts'ubil tye' ti wut a wermañu che' mach'an ma' pensalin mi an colem xujc'u' tye' ti a wut yubil?

Lucas 6:41 Iomraidhean Croise

1 Reyob 2:32

Lac Yum mi caj i q'uextʌben i jontolil cha'an tsi' tsʌnsa cha'tiquil winicob ñumen uts'at bʌ i pusic'al yic'ot i melbal. Ma'anic tsi' sube c tat David, pero Joab to'ol jach tsi' tsʌnsa Abner (i yalobil Ner), i yum soldadojob ti Israel, yic'ot Amasa (i yalobil Jeter), i yum soldadojob ti Judá.

1 Cronicas 21:6

Jini levíjob ma'anic tsa' ch'ʌjmiyob ti tsic yic'ot jini benjamiñob, come ch'ijiyem i pusic'al Joab cha'an i t'an jini rey.

Salmos 36:2

Come mi' bajñel chañ'esan i bʌ. Mi' lon ña'tan mach cʌmbilic i mul, ma'anic mi' caj ti ts'a'lentel.

Jeremias 17:9

Wen yujilob lot i pusic'al winicob. Cabʌl i sajtemal. ¿Majqui mi' lu' c'ʌn?

Ezequiel 18:28

Ba' ora tsi' ña'ta che' bʌ jontol bajche' woli' mel, tsi' sutq'ui i bʌ cha'an mi' cʌy jontolil. Jini cha'an cuxul mi caj i yajñel jini winic. Ma'anic mi caj i chʌmel.

Mateo 7:1

Mach mi la' wʌl ti la' pusic'al mi an i mul la' pi'ʌlob. Che' jini, ma'anic mi caj i yʌlob ti' pusic'al mi an la' mul.

Marcos 8:7

An i cha'añob ja'el ts'ita' chʌy. Jesús tsi' cha'le oración. Tsi' subeyob cha'an mi yʌq'ueñob ja'el.

Lucas 6:40

Mach ñuquic xcʌnt'an bajche' i maestro. Che' tsa'ix i laj ñopo, lajal mi yajñel bajche' i maestro.

Lucas 6:42

¿Bajche' mi mejlel a suben a pi'ʌl: “C pi'ʌl, la' to c loc'san sajte' ti a wut”, che'et, pero ma'anic ma' q'uel jini cucujl am bʌ ti a wut? Jatet, cha'chajp jax bʌ a pusic'al, ñaxan loc'san jini cucujl am bʌ ti a wut. Ti wi'il mi mejlel a wen q'uel cha'an ma' loc'san jini sajte' am bʌ ti' wut a pi'ʌl.

Juan 8:7

Che' bʌ tsi' chʌn c'ajtibeyob Jesús jini winicob, tsa' wa'le Jesús. Tsi' subeyob: Jini mach bʌ anic i mul, la' i ñaxan jul ti xajlel, che'en.

Romanos 2:1

Jini cha'an mi wola' q'uel ti xmulil a pi'ʌlob, an a mul come mach a wentajic cha'an ma' melob. Come majqui jach mi' sub i mul i pi'ʌlob woli' bajñel tsictesan i mul, come lajalʌch i mul yic'ot.

Santiago 1:24

Mi' yujtel i q'uel i wut, mi' majlel. Mi' bʌc' ñajʌyel ti' pusic'al bajche' yilal i wut.