Lucas 6:21 - Chol: I T’an Dios

²¹ Tijicñayetla mu' bʌ la' wubin wi'ñal wʌle, come mi caj la' ñaj'an. Tijicñayetla mu' bʌ la' cha'len uq'uel, come mi caj la' cha'len tse'ñal.

Jiñi Tsiji' bʌ Wen T'añ cha'añ Estudio

²¹ Tijicñayetla am bʌ la' wi'ñal wʌle, come mi caj la' ñaj-añ. Tijicñayetla mu' bʌ la' cha'len uq'uel wʌle, come mi caj la' cha'len tse'ñal.

Chol de Tumbalá Bible

²¹ Tijicñayetla mu' bʌ la' wubin wi'ñal wʌle, come mi caj la' ñaj'an. Tijicñayetla mu' bʌ la' cha'len uq'uel, come mi caj la' cha'len tse'ñal.

Jiñi Tsiji' bʌ Wen T'añ cha'añ Estudio

²¹ Tijicñayetla am bʌ la' wi'ñal wʌle, come mi caj la' ñaj-añ. Tijicñayetla mu' bʌ la' cha'len uq'uel wʌle, come mi caj la' cha'len tse'ñal.

Chol Tila

²¹ Tijicñayetla am bʌ la' wi'ñal wale iliyi como mi quejel la' ñaj'an. Tijicñayetla mu' bʌ la' cha'len uq'uel cha'an ch'ʌjyemlel como mu' tyo quejel la' cha'le tse'ñal.

Lucas 6:21 Iomraidhean Croise

Genesis 17:17

Abraham tsi' pʌcchoco i bʌ. Tsi' cha'le tse'ñal. Tsi' yʌlʌ ti' pusic'al: ¿Mejl ba i tilel calobil che' anix jo'c'al c jabilel? ¿Mejl ba i tilel i yalobil Sara che' anix lujump'ejl i jo'c'al i jabilel? Che'ʌch tsi' ña'ta.

Genesis 21:6

Sara tsi' yʌlʌ: Dios tsi' yʌc'ʌyon ti tijicña bʌ tse'ñal cha'an wen tijicñayon. Pejtel mu' bʌ i yubiñob mi' cajelob ti tse'ñal cha'an tijicñayob, che'en.

Salmos 107:9

Come mi' yʌq'uen ja' jini am bʌ i tiquin ti'. Mi' yʌq'uen chuqui uts'at jini am bʌ i wi'ñal cha'an mi' tijicñesʌben i ch'ujlel.

Salmos 119:136

Woli ti wen loq'uel i ya'lel c wut cha'an i mul winicob x'ixicob Come ma'anic mi' jac'ob a t'an.

Salmos 143:6

Mic letsan j c'ʌb ya' ba' añet. Comet ti pejtelel c pusic'al che' bajche' yom ja' jini tiquin lum.

Salmos 17:15

Jixcu joñon, mi caj j q'uel a wut cha'an tsa' wʌq'ueyon a tojel. Tijicña mi caj cubin che' mic cha' ch'ojyel, come mi caj j q'uel a wut.

Salmos 28:7

Lac Yum, c p'ʌtʌlelʌch, c mʌctʌjibʌch. Tsa'ix c ñopo c Yum ti jump'ejl jach c pusic'al. Tsi' xuc'chocoyon. Jini cha'an ñuquix c pusic'al. Mi caj c ch'ujutesan tij c'ay.

Salmos 65:4

Tijicña mu' bʌ a yajcan. Ma' pʌy cha'an mi' chumtʌl ti awotot. Cabʌlix lojon c wenlel ya' ba' mic ch'ujutesañet lojon ti ch'ujul bʌ a Templo.

Isaias 25:6

I Yum Panchan yic'ot Pañimil mi caj i chajpan q'uiñijel wʌ' ti Jerusalén ti Sion wits. Mi caj i pʌy tilel jini ñajt bʌ ch'oyolob cha'an mi' c'uxob sumuc bʌ i bʌl i ñʌc' yic'ot yajcʌbil bʌ we'elʌl, cha'an mi' japob vino am bʌ i jabilel.

Isaias 30:19

Winicob x'ixicob c cha'año' bʌ ti Jerusalén, ma'anix mi caj la' chʌn cha'len uq'uel. Mi caj i pʌsbeñetla i yutslel che' mi' yubin la' wuq'uel. Mi caj i jac'beñetla.

Isaias 66:10

Yom tem tijicñayetla yic'ot Jerusalén. La' ñuc'ac la' pusic'al pejteletla mu' bʌ la' c'uxbin. Wen tijicñayetla pejteletla tsa' bʌ la' wuc'ta.

Jeremias 13:17

¿Maxto ba anic mi caj la' jac'? Mi tsʌts to la' pusic'al, mi caj c cha'len uq'uel ti mucul. Wen ch'ijiyem c pusic'al cha'an chan woli la' mel la' bʌ. Cabʌl mic cha'len uq'uel cha'an cʌchʌl mi caj i pʌjyel majlel i tejclum lac Yum.

Jeremias 31:25

Come joñon mi caj c cha' p'ʌtesan jini lujbobix bʌ. Mi caj cʌq'ueñob i tijicñʌyel i pusic'al jini ch'ijiyemo' bʌ, che'en lac Yum.

Jeremias 31:9

Che' talob jini woliyo' bʌ ti uq'uel, mi caj c toj'esañob tilel ti wen bʌ bij ame i jats'ob i yoc. Mi caj c pʌyob tilel ba'an cuxul bʌ ja', come i taton Israel. Jiñʌch yʌx alʌl bʌ calobil Efraín.

Jeremias 9:1

La' c cha'len uq'uel. Mach ma' tic'on. La' tilic i ya'lel c wut ti q'uiñil yic'ot ti ac'ʌlel che' bajche' i loq'uib ja' cha'an woli' tsʌnsʌntelob jini c'uxbibilo' bʌ c pi'ʌlob.

Ezequiel 7:16

Jini mu' bʌ i mejlelob ti puts'el majlel ti chan tac bʌ wits che' bajche' x'ujcuts mi caj i yuc'tañob i mul.

Ezequiel 9:4

Tsi' sube: Yom ma' ñumel ti' yojlil Jerusalén cha'an ma' wʌq'ueñob i marcajlel ya' ti' pam jini winicob mu' bʌ i cha'leñob uq'uel yic'ot tsic pusic'al cha'an i jontolil i pi'ʌlob, che'en.

Mateo 5:4

Tijicñayob jini woliyo' bʌ ti uq'uel, come muq'uix i ñuq'uesʌbentelob i pusic'al.

Mateo 5:6

Tijicñayob jini año' bʌ i wi'ñal i pusic'al yic'ot i tiquin ti' cha'an chuqui toj, come mi caj i bujt'esʌntelob i pusic'al.

Lucas 1:53

Tsi' lajmesʌbeyob i wi'ñal jini wi'ñayo' bʌ yic'ot cabʌl chuqui tac wen. To'ol che jach tsi' choco majlel jini wen chumulo' bʌ.

Lucas 6:20

Jesús tsa' caji i q'uel xcʌnt'añob i cha'an. Tsi' yʌlʌ: Tijicñayetla mach bʌ anic la' chubʌ'an, come la' cha'añʌch i yumʌntel Dios.

Lucas 6:22

Tijicñayetla che' mi' ts'a'leñetla winicob, che' mi' choquetla, che' mi wajleñetla, che' mi' p'ajob la' c'aba' cha'an tsa' la' ñopo i Yalobil Winic.

Lucas 6:25

Mi caj la' taj wocol ñajetix bʌ la, come mi caj la' wubin wi'ñal. Mi caj la' taj wocol mu' bʌ la' cha'len tse'ñal wʌle, come mi caj la' tsic la' pusic'al. Mi caj la' cha'len uq'uel.

Juan 11:35

Tsi' cha'le uq'uel Jesús.

Juan 4:10

Jesús tsi' jac'be: Tsa'ic a cʌñʌ a majtan ch'oyol bʌ ti Dios, tsa'ic a cʌñʌ jini woli' bʌ i c'ajtibeñet ja', tsa'ix a c'ajtibeyon ja' cha'an mi cʌq'ueñet cuxul bʌ ja', che'en.

Juan 6:35

Jesús tsi' subeyob: Joñon Wajon mu' bʌ i yʌq'ueñetla la' cuxtʌlel. Jini mu' bʌ i tsajcañon ma'anic ba' ora mi caj i yubin wi'ñal. Jini mu' bʌ i ñopon ma'anic ba' ora mi caj i tiquin i ti'.

1 Corintios 4:11

C'ʌlʌl wʌle mi cubin lojon wi'ñal yic'ot tiquin ti'. Pits'ilon lojon, lojwemon lojon ti asiyal. Ma'anic cotot lojon ba' mic chumtʌl.

2 Corintios 11:27

Tsac cha'le e'tel, tsa' lujb'ayon. Cabʌl ac'ʌlel ma'anic tsa' wʌyiyon. Tsa cubi wi'ñal yic'ot tiquin ti', tsac cha'le ch'ajb, tsa cubi tsʌñal, pits'ilon.

2 Corintios 12:10

Jini cha'an tijicñayon che' an j c'unlel yic'ot c ts'a'lentel yic'ot che' anto chuqui yom c cha'an yic'ot c tic'lʌntel yic'ot wocol mu' bʌ cubin cha'an ti' c'uxbintel Cristo, come che' ba' ora c'uñon p'ʌtʌlon.

2 Corintios 6:10

Ch'ijiyem lojon c pusic'al pero chʌn tijicñayon lojon. Ma'anic c chubʌ'an lojon, pero wen chumulob yaño' bʌ cha'an que'tel ti subt'an. Ma'anic mi ts'ita'ic c chubʌ'an lojon, pero c cha'añʌch lojon pejtelel chuqui tac an.

Santiago 1:12

Tijicña jini mu' bʌ i cuch wocol ti uts'at, come che' ñumenix i yilʌbentel i pusic'al, mi caj i yʌq'uentel i cuxtʌlel i wenta corona che' bajche' albil i cha'an Dios. Dios mi caj i yʌq'ueñob pejtelel mu' bʌ i c'uxbiñob.

Apocalipsis 21:3

Tsa cubi c'am bʌ t'an tsa' bʌ loq'ui ti panchan. Tsi' yʌlʌ: Awilan, wʌ'ix an i chumlib Dios yic'ot winicob x'ixicob. Mi caj i chumtʌl yic'otob. Winicob x'ixicob mi caj i yochelob ti' cha'an bʌ Dios. Mi caj i yajñel Dios yic'otob.

Apocalipsis 7:16

Ma'anix mi caj i chʌn ubiñob wi'ñal mi tiquin ti'. Jini q'uin ma'anix mi caj i pulob. Ma'anix mi caj i yubiñob ticwal.