Lucas 5:33 - Chol: I T’an Dios

³³ Winicob tsa' caji i subeñob: Cabʌl mi' cha'leñob ch'ajb yic'ot oración jini xcʌnt'añob i cha'an Juan. Che'ʌch mi' melob ja'el jini xcʌnt'añob i cha'an fariseojob. Pero jini xcʌnt'añob a cha'an mi' cha'leñob we'el uch'el, che'ob.

Jiñi Tsiji' bʌ Wen T'añ cha'añ Estudio

³³ Jiñi cha'añ jiñi wiñicob tsi' c'ajtibeyob: —¿Chucoch jiñi xcʌnt'añob i cha'añ Juan ca'bʌl mi' cha'leñob ch'ajb yic'ot oración, che'ʌch mi' melob ja'el jiñi xcʌnt'añob i cha'añ fariseojob, pero jiñi xcʌnt'añob a cha'añ mi' c'uxob waj mi' japob chuqui yom?

Chol de Tumbalá Bible

³³ Winicob tsa' caji i subeñob: Cabʌl mi' cha'leñob ch'ajb yic'ot oración jini xcʌnt'añob i cha'an Juan. Che'ʌch mi' melob ja'el jini xcʌnt'añob i cha'an fariseojob. Pero jini xcʌnt'añob a cha'an mi' cha'leñob we'el uch'el, che'ob.

Jiñi Tsiji' bʌ Wen T'añ cha'añ Estudio

³³ Jiñi cha'añ jiñi wiñicob tsi' c'ajtibeyob: —¿Chucoch jiñi xcʌnt'añob i cha'añ Juan ca'bʌl mi' cha'leñob ch'ajb yic'ot oración, che'ʌch mi' melob ja'el jiñi xcʌnt'añob i cha'añ fariseojob, pero jiñi xcʌnt'añob a cha'añ mi' c'uxob waj mi' japob chuqui yom?

Chol Tila

³³ An quixtyañujob chʌncol bʌ i poj cʌyob uch'el cha'an ti caj tsa' bʌ i ch'ujbiyob. Jini ti queji i c'ajtibeñob Jesús: ¿Chucoch cabʌl mi' cʌñʌtyañob i bʌ yic'ot cabʌl mi' cha'leñob oración jini mu' bʌ i cʌmbeñob i t'an Juan yic'otyob mu' bʌ i cʌmbeñob i t'an fariseojob? Pero jini ajcʌnt'añob a cha'an mi' bele' cha'leñob uch'el. Che' ti' c'ajtibeyob Jesús.

Lucas 5:33 Iomraidhean Croise

Proverbios 28:9

Jini mach bʌ anic mi' ñoj jac' i cʌntesʌntel mux i ts'a'libentel i yoración ja'el.

Isaias 1:15

Che mi la' lon letsan la' c'ʌb tic tojlel cha'an mi la' pejcañon ti oración, mux caj c mʌy c wut. Anquese cabʌl mi la' cha'len oración, mi wisilic mi caj c jac'beñetla cha'an ti' caj stsʌnsajetla, xbec' ch'ich'etla.

Zacarias 7:6

Wʌle ja'el che' an chuqui mi la' jap mi la' c'ux, ma'anic mi la' ña'tañon. Mi la' c'ux mi la' jap bajche' jach la' wom ti la' bajñel pusic'al.

Mateo 23:13

¡Mi caj la' taj wocol sts'ijbayajob yic'ot fariseojob! ¡Cha'p'ejl jax la' pusic'al! Come woli la' mʌctʌbeñob winicob x'ixicob i ti' ba' mi' yochelob ti' yumʌntel jini am bʌ ti panchan. Jatetla ma'anic mi la' wochel. Che' ja'el, ma'anic mi la' wʌc'ob ti ochel jini yomo' bʌ ochel.

Marcos 12:40

Mi' chilbeñob i yotot tac meba' x'ixicob. Cha'an mi' lon q'uejlelob ti uts'at mi' melob tam bʌ oración. Ñumen wocol mi caj i tajob tojmulil, che'en Jesús.

Lucas 11:1

Tsa' majli Jesús ba' tsi' pejca Dios. Che' bʌ tsa' ujti ti oración, juntiquil xcʌnt'an i cha'an tsi' sube: C Yum, cʌntesañon lojon bajche' yom mic pejcan lojon Dios, che' bajche' Juan tsi' cʌntesa xcʌnt'añob i cha'an ja'el, che'en.

Lucas 18:12

Cha'yajl ti semana mic cha'len ch'ajb. Mi cʌq'uen Dios i diezmojlel pejtel c chubʌ'an mu' bʌ c taj”. Che' tsi' yʌlʌ jini fariseo.

Lucas 2:37

C'ʌlʌl meba'ix che' bʌ tsi' taja chʌmp'ejl i jo'c'al (84) i jabilel. Ma'anic tsi' wis cʌyʌ i bʌ ti Templo ba' tsi' melbe i ye'tel Dios ti q'uiñil yic'ot ti ac'ʌlel yic'ot ch'ajb yic'ot oración.

Lucas 20:47

Mi' chilbeñob i yotot meba' x'ixicob. Mi' melob tam bʌ oración cha'an mi' lon q'uejlelob ti uts'at.

Lucas 5:32

Ma'anic tsa' tili c pʌy jini tojo' bʌ, jini jach xmulilob, cha'an mi' cʌyob i mul, che'en.

Lucas 5:34

Jesús tsi' subeyob: ¿Mejl ba la' suben jini xmel q'uiñob wersa mi' cha'leñob ch'ajb che' ya'to an jini xñujpuñijel yic'otob?

Juan 1:35

Ti yijc'ʌlal cha' ya'an Juan yic'ot cha'tiquil xcʌnt'añob i cha'an.

Juan 3:25

Tsa' caji i pejcañob i bʌ judíojob yic'ot xcʌnt'añob i cha'an Juan. Ti chajp ti chajp woliyob ti t'an cha'an bajche' yom mi' pocob i bʌ.

Hechos 9:11

Lac Yum tsi' sube: Ch'ojyen. Cucu ti bij, i c'aba' Toj. Ya' ti' yotot Judas, sajcan juntiquil winic i c'aba' Saulo, ch'oyol bʌ ti Tarso. Awilan, woli' pejcan Dios.