Lucas 5:25 - Chol: I T’an Dios

²⁵ Ti ora tsa' ch'ojyi jini winic ti' tojel i wutob. Tsi' teche i wʌyib ba' tsa' ñole. Tsa' majli ti' yotot. Tsi' tsictesa i ñuclel Dios.

Jiñi Tsiji' bʌ Wen T'añ cha'añ Estudio

²⁵ Ti ora tsa' ch'ojyi jiñi wiñic ti' tojel i wutob, tsi' teche i wʌyib ba' tsa' ñole, tsa' majli ti yotot, tsi' su'bu majlel i ñuclel Dios.

Chol de Tumbalá Bible

²⁵ Ti ora tsa' ch'ojyi jini winic ti' tojel i wutob. Tsi' teche i wʌyib ba' tsa' ñole. Tsa' majli ti' yotot. Tsi' tsictesa i ñuclel Dios.

Jiñi Tsiji' bʌ Wen T'añ cha'añ Estudio

²⁵ Ti ora tsa' ch'ojyi jiñi wiñic ti' tojel i wutob, tsi' teche i wʌyib ba' tsa' ñole, tsa' majli ti yotot, tsi' su'bu majlel i ñuclel Dios.

Chol Tila

²⁵ Ti ora jach jini mach'ʌ ba'an i c'ʌjnibal yoc i c'ʌb ti wa' tyejchi ya' ti' tyojlelob. Ti' ch'ʌmʌ majlel i yab. Ti sujti majlel ti yotyot. Chʌncol i sub i ñuclel lac Yum.

Lucas 5:25 Iomraidhean Croise

Genesis 1:3

Dios tsi' yʌlʌ: La' tsictiyic i sʌclel pañimil, che'en. Tsa' tsictiyi i sʌclel pañimil.

Salmos 33:9

Che' bʌ tsi' cha'le t'an, tsa' mejli chuqui tsi' yʌlʌ. Tsi' cha'le mandar, xuc'ulʌch tsa' cʌle.

Salmos 50:23

Majqui jach mi' subeñon wocolix cʌlʌ woli' yʌq'ueñon tsʌnsʌbil bʌ c majtan yilal. Mi caj c pʌsben i coltʌntel majqui jach mi' sajcan wen bʌ c bijlel, che'en Dios.

Mateo 9:8

Tsa' cajiyob ti bʌq'uen jini winicob x'ixicob che' bʌ tsi' q'ueleyob. Tsi' tsictesʌbeyob i ñuclel Dios tsa' bʌ i yʌq'ueyob winicob ñuc bʌ i p'ʌtʌlel.

Marcos 2:12

Tsa' bʌc' ch'ojyi. Tsi' teche i wʌyib. Tsa' loq'ui majlel ti' wut pejtelelob. Che' jini, tsa' toj sajtiyob i pusic'al ti pejtelelob. Tsi' tsictesayob i ñuclel Dios. Tsi' yʌlʌyob: Ma'anic ba' tsa' laj q'uele bajche' jini, che'ob.

Lucas 13:13

Tsi' yʌc'ʌ i c'ʌb ti jini x'ixic. Ti ora, tsa' toj'esʌbenti i pat. Tsi' tsictesa i ñuclel Dios.

Lucas 18:43

Tsa' bʌc' c'oti i wut. Tsi' tsajca majlel Jesús. Tsi' tsictesa i ñuclel Dios. Pejtelel tsa' bʌ i q'ueleyob, tsi' subuyob i ñuclel Dios.

Lucas 5:13

Jesús tsi' sʌts'ʌ i c'ʌb. Tsi' tʌlʌ. Tsi' yʌlʌ: Com cu. La' lajmiquet, che'en. Tsa' bʌc' lajmi leco bʌ i tsoy.

Juan 9:24

Jini cha'an jini judíojob tsi' cha' pʌyʌyob tilel jini mach bʌ anic tsa' c'oti i wut ti yambʌ ora. Tsi' subeyob: Subu i ñuclel Dios. Cujil lojon xmulilʌch jini Jesús, che'ob.