Lucas 4:22 - Chol: I T’an Dios

²² Ti pejtelelob uts'at tsi' tajayob ti t'an Jesús. Tsa' toj sajtiyob i pusic'al cha'an uts'at i t'an Jesús. Tsi' yʌlʌyob: ¿Mach ba jinic i yalobil José? che'ob.

Jiñi Tsiji' bʌ Wen T'añ cha'añ Estudio

²² Ti pejtelelob tsi' yʌlʌyob cha'añ uts'at Jesús, tsa' toj sajtiyob i pusic'al cha'añ uts'at i t'añ. Tsi' yʌlʌyob: —¿Mach ba jiñic i yalobil José?

Chol de Tumbalá Bible

²² Ti pejtelelob uts'at tsi' tajayob ti t'an Jesús. Tsa' toj sajtiyob i pusic'al cha'an uts'at i t'an Jesús. Tsi' yʌlʌyob: ¿Mach ba jinic i yalobil José? che'ob.

Jiñi Tsiji' bʌ Wen T'añ cha'añ Estudio

²² Ti pejtelelob tsi' yʌlʌyob cha'añ uts'at Jesús, tsa' toj sajtiyob i pusic'al cha'añ uts'at i t'añ. Tsi' yʌlʌyob: —¿Mach ba jiñic i yalobil José?

Chol Tila

²² Ti pejtyelelob weñʌch ti' tyajayob ti t'an Jesús. Tyoj bʌc'ñʌjelob cha'an ti c'otyajax bʌ t'an tsa' bʌ subentiyob ti Jesús. Ti' c'ajtibeyob i bʌ: ¿Mach ba jin i yalobil José? che'ob.

Lucas 4:22 Iomraidhean Croise

Salmos 45:2

Ñumen a t'ojol jax bajche' pejtel winicob. Awujil uts bʌ t'an. Jini cha'an Dios tsa'ix i yʌq'ueyet i yutslel i t'an ti pejtelel ora.

Salmos 45:4

Cha'len marcha ti' wut a contrajob, come tsa' mʌjli a cha'an Cha'an ti caj a sujmlel yic'ot a wutslel yic'ot a tojel. Pʌsʌ ñuc tac bʌ a we'tel cha'an p'ʌtʌlet.

Proverbios 10:32

Jini tojo' bʌ wen yujilob i jac'ol t'an, pero sojquem i t'an jini jontolo' bʌ.

Proverbios 16:21

Cʌñʌl jini wen bʌ i pusic'al cha'an toj bʌ i ña'tʌbal. Jini uts bʌ i t'an mi' yʌc' ti p'ojlel i ña'tʌbal.

Proverbios 25:11

Lajalʌch jini wen albil bʌ t'an bajche' i t'ojol jax bʌ manzana melbil bʌ ti oro, am bʌ i ts'ijbal melbil bʌ ti plata.

Eclesiastes 10:12

Uts'at ti jac'ol i t'an jini am bʌ i ña'tibal, pero i t'an jini tonto mu' jach i yʌc' ti cʌjñel i yum.

Cantares 5:16

Ña'tanla, x'ixicob, chumulet bʌ la ti Jerusalén, uts'atax i yej, tsaj i t'an, uts'atax i pusic'al. Che'ʌch yilal jini c'uxbibil bʌ c cha'an, che'en.

Isaias 50:4

Lac Yum Dios tsi' yʌq'ueyon c ña'tʌbal cha'an mic ñuq'uesʌbeñob i pusic'al jini lujbo' bʌ. Mi' ñijcañon ch'ojyel ti jujump'ejl sʌc'ajel. Mi' jambeñon c chiquin cha'an mic wen ubin.

Lucas 2:47

Tsa' toj sajtiyob i pusic'al pejtelel jini tsa' bʌ i yubibeyob i t'an jini ch'iton, come cabʌl i ña'tʌbal. Uts'at bajche' tsi' jac'beyob i t'an.

Lucas 2:48

Tsa' toj sajtiyob i pusic'al i tat i ña' che' bʌ tsi' q'ueleyob. María tsi' sube: Calobil, ¿chucoch che' tsa' melbeyon lojon? Awilan, jini a tat yic'ot joñon ti' ch'ijiyemlel lojon c pusic'al tsac sʌclayet lojon, che'en.

Lucas 21:15

Come joñon mi caj cʌq'ueñetla t'an mu' bʌ caj la' sub yic'ot la' ña'tʌbal mach bʌ mejlic i contrajintel.

Lucas 4:21

Jesús tsa' caji i subeñob: Ts'ʌctiyemix wʌle i ts'ijbujel Dios, tsa' bʌ la' wubi, che'en.

Juan 1:45

Felipe tsi' taja Natanael. Tsi' sube: Tsa'ix c taja lojon jini Cristo, ña'tʌbil bʌ ti jini mandar tsa' bʌ i ts'ijba Moisés, yic'ot ti' ts'ijbujel jini x'alt'añob. Jiñʌch Jesús ch'oyol bʌ ti Nazaret, i yalobil José, che'en.

Juan 6:42

Tsi' yʌlʌyob: ¿Mach ba jinic Jesús? ¿Mach ba i yalobilic José? Cʌmbil lac cha'an i tat i ña'. ¿Bajche' mi' yʌl: “Tsa' jubiyon tilel ti panchan”? che'ob.

Juan 7:46

Jini xcʌntayajob tsi' jac'beyob: Ma'anic winic ti pejtelel ora mu' bʌ i cha'len t'an che' bajche' jini winic, che'ob.

Hechos 6:10

Ma'anic tsa' mejli i contrajiñob i ña'tʌbal yic'ot jini Espíritu tsiquil bʌ ti' t'an.

Tito 2:8

Yom toj a t'an ti pejtelel cha'an mi' yubin quisin a contra che' ma'anic chuqui mi' taj ti a tojlel.