Lucas 4:18 - Chol: I T’an Dios

¹⁸ “An i yEspíritu lac Yum tic pusic'al. Tsi' yajcayon cha'an mic subeñob jini wen t'an p'umpuño' bʌ. Tsi' chocoyon tilel cha'an mic lajmesʌbeñob i ch'ijiyemlel jini ch'ijiyemo' bʌ, cha'an mic subeñob loq'uel jini ñup'ulo' bʌ, cha'an mij c'oq'uesʌbeñob i wut jini xpots'ob, cha'an mi cʌc' ti colel jini tic'lʌbilo' bʌ.

Jiñi Tsiji' bʌ Wen T'añ cha'añ Estudio

¹⁸ “Añ i yEspíritu lac Yum tic pusic'al. Tsi' yajcayon cha'añ mic su'beñob wen t'añ jiñi p'ump'uño' bʌ. [Tsi' chocoyon tilel cha'añ mic lajmesʌbeñob i ch'ijiyemlel jiñi ch'ijiyemo' bʌ i pusic'al,] cha'añ mic su'beñob loq'uel jiñi ñup'ulo' bʌ, cha'añ mij cambeñob i wut jiñi xpots'ob, cha'añ mi cʌc'ob ti colel jiñi tic'lʌbilo' bʌ,

Chol de Tumbalá Bible

¹⁸ “An i yEspíritu lac Yum tic pusic'al. Tsi' yajcayon cha'an mic subeñob jini wen t'an p'umpuño' bʌ. Tsi' chocoyon tilel cha'an mic lajmesʌbeñob i ch'ijiyemlel jini ch'ijiyemo' bʌ, cha'an mic subeñob loq'uel jini ñup'ulo' bʌ, cha'an mij c'oq'uesʌbeñob i wut jini xpots'ob, cha'an mi cʌc' ti colel jini tic'lʌbilo' bʌ.

Jiñi Tsiji' bʌ Wen T'añ cha'añ Estudio

¹⁸ “Añ i yEspíritu lac Yum tic pusic'al. Tsi' yajcayon cha'añ mic su'beñob wen t'añ jiñi p'ump'uño' bʌ. [Tsi' chocoyon tilel cha'añ mic lajmesʌbeñob i ch'ijiyemlel jiñi ch'ijiyemo' bʌ i pusic'al,] cha'añ mic su'beñob loq'uel jiñi ñup'ulo' bʌ, cha'añ mij cambeñob i wut jiñi xpots'ob, cha'añ mi cʌc'ob ti colel jiñi tic'lʌbilo' bʌ,

Chol Tila

¹⁸ I Ch'ujlel lac Yum an quic'ot como tsa'ix i yajcʌyon cha'an mic suben wen bʌ t'an p'ump'uño' bʌ. Ti xijq'uiyon c lajmisan jini ch'ʌjyem bʌ i pusic'al. Ti aq'uentiyon c subeñob t'an cha'an i tyajob i librejlel jini cʌchʌlo' bʌ yubil cha'an mi c'otyel i wut jini muts'ulo' bʌ i wut cha'an mi lajmel i tyʌc'lʌntyel jini tyʌc'lʌbilo' bʌ.

Lucas 4:18 Iomraidhean Croise

Genesis 3:15

Mi caj cʌq'ueñet la' contrajin la' bʌ jatet yic'ot jini x'ixic. Che' ja'el mi caj i contrajiñob i bʌ i p'olbal jini x'ixic yic'ot a p'olbal. I p'olbal jini x'ixic mi caj i low a jol. Jatet mi caj a lowben i tun'oc, che'en Dios.

2 Cronicas 34:27

Tsa' mele a pusic'al. Tsa' peq'uesa a bʌ ti' tojlel Dios che' bʌ tsa' wubibe i t'an ti contra ili lum yic'ot i winicob. Tsa' tsili a pislel, tsa' cha'le uq'uel tic tojlel. Jini cha'an tsa'ix c ñich'tʌbeyet a t'an, che'en lac Yum.

Salmos 102:20

Tsa'ix i yubibeyob i yajcʌn jini ñup'ulo' bʌ. Tsa'ix i ña'ta i yʌc'ob ti libre jini woli bʌ i chʌmelob.

Salmos 147:3

Mi' lajmesʌbeñob i ch'ijiyemlel i pusic'al. Mi' lajmesʌbeñob i tsoy.

Salmos 2:2

Jini reyob ti pañimil mi' chajpañob i bʌ. Jini yumʌlob mi' temob i t'an Cha'an mi' contrajiñob lac Yum, Yic'ot jini Rey Yajcʌbil bʌ i cha'an.

Salmos 2:6

Lac Yum mi caj i yʌl: Ya' ti Jerusalén, jini ch'ujul bʌ c tejclum, Tsa'ix c wa'choco c Rey, jini yajcʌbil bʌ c cha'an, che'en.

Salmos 34:18

Lʌc'ʌl an lac Yum ba'an ch'ijiyemo' bʌ i pusic'al. Mi' coltan jini woli bʌ i melob i pusic'al.

Salmos 45:7

Tsa'ix a c'uxbi chuqui tac toj. Tsa'ix a ts'a'le jontolil. Jini cha'an Dios, jini a Dios, tsa'ix i muluyet ti aceite yilal, Cha'an mi' yʌq'ueñet i tijicñʌyel a pusic'al ñumen bajche' a pi'ʌlob.

Salmos 51:17

Jini mu' bʌ a mulan jiñʌch ju'sʌbilix bʌ c pusic'al lojon, I wenta tsʌnsʌbil bʌ a majtan. Dios, ma'anic ma' ts'a'len jini ju'sʌbilix bʌ i pusic'al mu' bʌ i cʌy i mul.

Isaias 32:3

Tal i yorajlel mux i cajñel i wut israelob. Mi caj i q'uelob lac Yum. Mi caj i yubibeñob i t'an.

Isaias 35:5

Mi caj i cha' c'otel i wut jini xpots'ob. Mi caj i jajmel i chiquin jini xcojcob.

Isaias 42:7

Mi caj a camben i wut jini xpots'ob. Mi caj a loc'san jini ñup'ulo' bʌ ti ñujp'ibʌl ba' chuculob ti ic'yoch'an bʌ pañimil.

Isaias 45:13

Joñon tsac yajca Ciro cha'an com cʌc' ti tsictiyel c tojel. Mi caj c toj'esʌben majlel pejtel i bijlel. Ciro mi caj i cha' wa'chocobeñon c tejclum. Mi caj i yʌc' ti colel c cha'año' bʌ tsa' bʌ cʌjchiyob majlel. Ma'anic mi caj i c'ajtibeñob tojoñel, che'en i Yum Panchan yic'ot Pañimil.

Isaias 49:9

Mi caj a subeñob jini ñup'ulo' bʌ año' bʌ ti ic'ch'ipan bʌ pañimil: “Loq'uenla ti libre”, che' yom ma' subeñob. Mi caj i yajñelob che' bajche' tiñʌme' c cha'an. Ya' ba' tiquin pañimil mi caj i c'uxob jam. Jasʌl mi' cajelob ti buc'bal.

Isaias 50:4

Lac Yum Dios tsi' yʌq'ueyon c ña'tʌbal cha'an mic ñuq'uesʌbeñob i pusic'al jini lujbo' bʌ. Mi' ñijcañon ch'ojyel ti jujump'ejl sʌc'ajel. Mi' jambeñon c chiquin cha'an mic wen ubin.

Isaias 57:15

Jini cuxul bʌ ti pejtelel ora, Ch'ujul Bʌ i c'aba', woli i yʌl: Joñon chumulon ti chan ti Ch'ujul bʌ Cajñib, pero wʌ' chumulon ja'el yic'ot jini mu' bʌ i mel i bʌ ti pec', yic'ot jini am bʌ i wocol. Mic ñuq'uesʌben i pusic'al jini uts bʌ. Mi cʌq'uen i tijicñʌyel jini am bʌ ti c'oj'ol.

Isaias 59:21

Jiñʌch jini t'an mu' bʌ cʌq'ueñob: Jini quEspíritu mu' bʌ cʌq'ueñetla ma'anic mi caj i cʌyetla. Mi caj la' mulan chuqui tac uts'at. Mi caj la' ts'a'len chuqui tac mach uts'atic, jatetla yic'ot la' walobilob ti pejtelel ora. Che' tsi' yʌlʌ lac Yum.

Isaias 61:1

An i yEspíritu lac Yum Dios tic pusic'al, come lac Yum tsi' yajcayon cha'an mic subeñob jini wen t'an jini utso' bʌ. Tsi' chocoyon tilel cha'an mic lajmesʌbeñob i ch'ijiyemlel i pusic'al jini ch'ijyemo' bʌ, cha'an mic subeñob loq'uel jini ñup'ulo' bʌ, cha'an mic jambeñob i ti' mʌjquibʌl ba' ñup'ulob,

Isaias 66:2

Pejtelel iliyi joñon tsac mele yic'ot j c'ʌb. Tsa' jach caji ti ajñel cha'an jach com, che'en lac Yum. Majqui jach uts i pusic'al mi caj j q'uel ti uts'at. Che' ju'sʌbilix i pusic'al mi' bʌc'ñañon, mi' jac'beñon c t'an.

Ezequiel 9:4

Tsi' sube: Yom ma' ñumel ti' yojlil Jerusalén cha'an ma' wʌq'ueñob i marcajlel ya' ti' pam jini winicob mu' bʌ i cha'leñob uq'uel yic'ot tsic pusic'al cha'an i jontolil i pi'ʌlob, che'en.

Daniel 9:24

Mu' to caj i ñusañob wocol a pi'ʌlob yic'ot i tejclum lujump'ejl i chʌnc'al (70) semana jinto mi' laj cʌyob i mul, jinto mi' cha' sʌq'uesʌntelob. Che' jini mi caj i tejchel i yumʌntel jini toj bʌ mu' bʌ caj i yajñel ti pejtelel ora che' bajche' tsi' wʌn subuyob jini x'alt'añob. Mi caj i cha' sʌq'uesʌntel jini C'ax Ch'ujul bʌ Ajñibʌl am bʌ ti Templo.

Sofonias 3:12

Pero jini utso' bʌ i pusic'al yic'ot p'ump'uño' bʌ mu' bʌ i ñopoñob mi caj c p'untañob come i Yumon.

Zacarias 11:11

Ti jim bʌ ora tsa' jejmi jini trato ti' tojel i wut jini tsa' bʌ i mʌñʌyob tiñʌme' yic'ot jini tsa' bʌ i choñoyob. Che' jini tsi' ña'tayob i cʌntesʌntel ti Dios cha'an jini tsa' bʌ c mele.

Malaquias 4:2

Pero mach che'ic jatetla mu' bʌ la' bʌc'ñan j c'aba'. Mi caj i pasel ti la' tojlel jini Q'uin mu' bʌ i yʌq'ueñetla toj bʌ la' pusic'al. Mi caj i lajmesañetla. Libre mi caj la' loq'uel che' bajche' i yal wacax mu' bʌ i colel ba' cʌchʌl. Mi caj la' wubin i tijicñʌyel la' pusic'al.

Mateo 11:5

Wolix ti c'otel i wut xpots'ob. Woliyobix ti xʌmbal jini mach bʌ añobic i c'ʌjñibal i yoc. Lajmesʌbilob jini año' bʌ leco bʌ i tsoy. Jini xcojcob wolix i yubiñob t'an. Woli' tejchelob ch'ojyel jini chʌmeño' bʌ. Jini p'umpuño' bʌ woli' subentelob jini wen t'an.

Mateo 12:18

“Q'uelela x'e'tel c cha'an tsa' bʌ c yajca, jini mu' bʌ j c'uxbin. Tijicña c pusic'al mij q'uel. Mi caj c bujt'esan ti quEspíritu. Jini mi caj i subeñob gentilob chuqui toj.

Mateo 12:20

Ma'anic mi caj i c'ʌs jini pets' t'uchtʌbil bʌ chiquib jam. Ma'anic mi caj i junyajlel yʌp unjax bʌ ya wistʌl i c'ʌc'al i pislel cas jinto mi' yujtel ti uts'at toj bʌ i meloñel.

Mateo 4:16

jini winicob x'ixicob año' bʌ ti ic'ch'ipan bʌ pañimil tsi' q'ueleyob colem bʌ i sʌclel pañimil. Tsa' caji ti tilel i sʌclel pañimil ba'an jini año' bʌ ti ac'ʌlel woli bʌ i chʌmelob”, che'en.

Mateo 5:3

Tijicña jini mu' bʌ i ña'tañob ma'anic i bajñel wenlel ti' pusic'al, come i cha'añob i yumʌntel jini am bʌ ti panchan.

Lucas 4:17

Tsa' aq'uenti i jun jini x'alt'an Isaías. Che' bʌ tsi' tili jini bʌlbil bʌ jun tsi' taja ba' ts'ijbubil ili t'an:

Lucas 6:20

Jesús tsa' caji i q'uel xcʌnt'añob i cha'an. Tsi' yʌlʌ: Tijicñayetla mach bʌ anic la' chubʌ'an, come la' cha'añʌch i yumʌntel Dios.

Lucas 7:22

Jesús tsi' subeyob: Cucula. Subenla Juan chuqui tsa' la' q'uele yic'ot chuqui tsa' la' wubi, che'en. Wolix ti cha' c'otelob i wut jini xpots'ob. Woliyobix ti xʌmbal jini mach bʌ añobic i c'ʌjñibal i yoc. Lajmesʌbilobix jini año' bʌ leco bʌ i tsoy. Jini xcojcob wolix i yubiñob t'an. Woli' cha' tejchelob ch'ojyel jini chʌmeño' bʌ. Jini p'umpuño' bʌ woli' yubiñob jini wen t'an.

Juan 1:41

Andrés tsi' ñaxan taja i yʌscun i c'aba' Simón. Tsi' sube: Tsac taja lojon jini Mesías, che'en. (Mi' yʌl ti lac t'an, jini Cristo, jini Yajcʌbil bʌ.)

Juan 12:46

Joñon i sʌclelon pañimil. Tsa' tiliyon ti pañimil cha'an ma'anic mi' cʌytʌl ti ic'ch'ipan bʌ pañimil jini mu' bʌ i ñopon.

Juan 3:34

Come jini tsa' bʌ chojqui tilel cha'an Dios mi' sub i t'an Dios. Ma'anic i p'isol bajche' mi' yʌc' i yEspíritu.

Hechos 10:38

Dios tsi' yajca Jesús, jini loq'uem bʌ ti Nazaret. Tsi' yʌq'ue Ch'ujul bʌ Espíritu yic'ot i p'ʌtʌlel. Baqui jach tsa' ñumi tsi' cha'le uts'at bʌ i ye'tel. Tsi' lajmesa pejtelel jini tic'lʌbilo' bʌ cha'an xiba, come an Dios yic'ot.

Hechos 26:18

cha'an ma' cambeñob i wut, cha'an mi' sutq'uiñob i bʌ ti ic'yoch'an bʌ pañimil, cha'an mi' yajñelob ti' sʌclel pañimil. Mic choquet majlel cha'an mi' loq'uelob ti' p'ʌtʌlel Satanás, cha'an mi' yochelob ti' p'ʌtʌlel Dios, cha'an mi' ñusʌbentelob i mul che' mi' ñopoñob, cha'an i ten cha'añob jach jini mu' bʌ caj i yʌq'uentelob yic'ot jini sʌq'uesʌbilo' bʌ”. Che' tsi' subeyon Jesús.

Hechos 4:26

Jini reyob ti pañimil tsi' chajpayob i bʌ, jini yumʌlob tsi' tempayob i bʌ cha'an mi' contrajiñob lac Yum yic'ot Cristo, jini yajcʌbil bʌ i cha'an Dios”, che'en.

Hechos 4:27

Isujm ti jini tejclum, tsi' tempayob i bʌ Herodes yic'ot Poncio Pilato yic'ot jini gentilob yic'ot israelob ti' contra Jesús, jini ch'ujul bʌ a Walobil, jini yajcʌbil bʌ a cha'an.

Colosenses 1:13

Dios tsi' loc'sayonla ti' yumʌntel ic'ch'ipan bʌ pañimil. Tsi' yotsayonla ti' yumʌntel jini c'uxbibil bʌ i Yalobil

Santiago 2:5

C'uxbibilo' bʌ quermanojob, ubinla. Dios tsi' yajca jini mach bʌ añobic i chubʌ'an ti pañimil cha'an mi' wen chumtʌlob cha'an jini mu' bʌ lac ñop, come mi caj i yajñelob ti' yumʌntel Dios yic'ot pejtel mu' bʌ i c'uxbiñob Dios che' bajche' albil i cha'an.

1 Pedro 2:9

Pero i yalobiletla, yajcʌbiletla. Ñuc bʌ motomajetla ti' tojlel jini Rey. Ch'ujul bʌ tejclumetla. I cha'añetla Dios cha'an mi la' sub majlel jini ñuc tac bʌ i melbal Dios, tsa' bʌ i pʌyʌyetla loq'uel ti ic'yoch'an bʌ pañimil. Tsi' yotsayetla ti' sʌclel i yumʌntel.