Lucas 24:47 - Chol: I T’an Dios

⁴⁷ Wersa mi' subentelob winicob x'ixicob ti pejtelel lum cha'an mi' cʌyob i mul ti' c'aba' Cristo cha'an mi' ñusʌbentelob i mul. Ya' ti Jerusalén mi caj i tejchel ti sujbel jini t'an.

Jiñi Tsiji' bʌ Wen T'añ cha'añ Estudio

⁴⁷ yic'ot wersa mi' su'bentelob wiñicob x'ixicob ti pejtelel pañimil cha'añ mi' cʌyob i mul ti' c'aba' Cristo cha'añ mi' ñusʌbentelob i mul. Ya' ti Jerusalén mi caj i tejchel ti sujbel jiñi t'añ.

Chol de Tumbalá Bible

⁴⁷ Wersa mi' subentelob winicob x'ixicob ti pejtelel lum cha'an mi' cʌyob i mul ti' c'aba' Cristo cha'an mi' ñusʌbentelob i mul. Ya' ti Jerusalén mi caj i tejchel ti sujbel jini t'an.

Jiñi Tsiji' bʌ Wen T'añ cha'añ Estudio

⁴⁷ yic'ot wersa mi' su'bentelob wiñicob x'ixicob ti pejtelel pañimil cha'añ mi' cʌyob i mul ti' c'aba' Cristo cha'añ mi' ñusʌbentelob i mul. Ya' ti Jerusalén mi caj i tejchel ti sujbel jiñi t'añ.

Chol Tila

⁴⁷ Ti i c'aba' Cristo mi wersa quejel i sub majlel t'an ba'an jujunmujch' quixtyañujob. Mi quejel i subob ñaxan wʌ' ti Jerusalén. Mi subentyel cha'an yom i q'uextyan i pensal i cʌyob i mul cha'an mi ñusʌbentyel i mul. Chʌ'ʌch ts'ijbubil ti ñoj oniyix. Che' ti' tyaja i bʌ ti t'an Jesús.

Lucas 24:47 Iomraidhean Croise

Genesis 12:3

Mi caj c wen pejcan jini mu' bʌ i wen pejcañet. Mi caj c ts'a'len jini mu' bʌ i ts'a'leñet. Cha'añet mi caj i tajob i wenlel winicob x'ixicob ti jujunmojt ti pañimil, che'en lac Yum.

Salmos 22:27

Ti pejtelel pañimil mi caj i ña'tañob lac Yum. Mi caj i sutq'uiñob i bʌ ba'an lac Yum. Pejtel winicob ti mojt ti mojt Mi caj i ch'ujutesañob ti' tojel i wut.

Salmos 67:7

Dios mi caj i pʌsbeñonla i yutslel. Mi caj i bʌc'ñañob Dios winicob x'ixicob c'ʌlʌl ti ñajt tac bʌ pañimil.

Salmos 86:9

Pejtel winicob x'ixicob tsa' bʌ a mele mi caj i tilelob ti mojt ti mojt. Mi caj i ñocchocoñob i bʌ ti a tojlel, c Yum, Cha'an mi' subob i ñuclel a c'aba'.

Isaias 11:10

Ti jim bʌ q'uin mi caj i wa'tʌl i p'olbal David mu' bʌ caj i cha'len coltaya ti pejtelel pañimil. Cabʌl winicob x'ixicob mi caj i jac'ob. Wen uts'atax mi caj i q'uelob i lumal jini Ñuc Bʌ.

Isaias 49:22

Lac Yum Dios woli' yʌl: Mi caj cʌq'ueñob mandar jini gentilob año' bʌ ti ñajtʌl cha'an mi' mec'ob tilel ch'iton bʌ a walobilob yic'ot cha'an mi' cuchob tilel xch'oc bʌ a walobilob.

Isaias 49:6

Woli' subeñon: “Mach jinic jach israelob mi caj a pʌyob tic tojlel. Mi caj cʌq'uet che' bajche' i sʌclel pañimil ti' tojlel jini ñajt bʌ chumulob ti mojt ti mojt cha'an mi' tajob i coltʌntel tic tojlel c'ʌlʌl ti petol pañimil”, che'en.

Isaias 5:4

¿Chuqui to yom mic mel ya' tic ts'usubil? ¿Anto ba chuqui ma'anic tsac melbe? ¿Chucoch wen paj tsi' yʌc'ʌ i wut? ¿Chucoch ma'anic tsi yʌq'ueyon tsaj bʌ i wut?

Isaias 52:10

Lac Yum tsa'ix i pʌsʌ ch'ujul bʌ i c'ʌb ti' wut pejtelel tejclum. Ti pejtelel pañimil mi' caj ti tsictiyel laj coltʌntel tilem bʌ ti lac Dios.

Isaias 52:15

Che' jini mi caj i mulbeñob ti' ch'ich'el cabʌl winicob x'ixicob ti yan tac bʌ lum. Jini yumʌlob ñʌch'ʌlix mi caj i cʌytʌlob ti' tojlel jini winic. Come ma'anic tsa' subentiyob chucoch tsa' tic'lʌnti, pero che' mi' q'uelob mi caj i ch'ʌmbeñob isujm jini mach bʌ anic tsi' yubiyob.

Jeremias 31:34

Ma'anix mi caj i chʌn cha'leñob cʌntesa cha'an mi' yʌc'oñob ti cʌjñel, come cʌmbilonix i cha'an pejtelelob, jini ñuco' bʌ yic'ot jini ch'o'ch'oco' bʌ, che'en lac Yum, come joñon mi caj c ñusʌbeñob i mul. Ma'anic mi caj c chʌn ña'tʌbeñob i mul.

Daniel 9:24

Mu' to caj i ñusañob wocol a pi'ʌlob yic'ot i tejclum lujump'ejl i chʌnc'al (70) semana jinto mi' laj cʌyob i mul, jinto mi' cha' sʌq'uesʌntelob. Che' jini mi caj i tejchel i yumʌntel jini toj bʌ mu' bʌ caj i yajñel ti pejtelel ora che' bajche' tsi' wʌn subuyob jini x'alt'añob. Mi caj i cha' sʌq'uesʌntel jini C'ax Ch'ujul bʌ Ajñibʌl am bʌ ti Templo.

Oseas 11:8

¿Bajche' mi mejlel j cʌyet, Efraín? ¿Mejl ba c choquet, Israel? Mach comic j cʌyet che' bajche' Adma yic'ot Zeboim, come wolic wen mel c pusic'al. Com j coltañet.

Oseas 2:23

Ti jim bʌ ora joñon mi caj c pʌc' israelob yilal. Mi caj c cha' p'untan jini mach bʌ p'untʌbilobic. Mi caj c subeñob jini mach bʌ calobilobic: “Calobiletixla”, cho'on. Mi caj i jac'ob: “C Yumet lojon, c Dioset lojon”. Che' mi caj i yʌlob, che'en lac Yum.

Miqueas 4:2

Mi caj i yʌlob: Conla. Yom mi lac letsel majlel ya' ti' wits lac Yum, ya' ba'an i Templo i Dios Jacob. Jini mi caj i cʌntesañonla pejtel i bijlel cha'an mi lac cha'len xʌmbal bajche' yom, che'ob. Come ti jim bʌ q'uin lac Yum mi caj i cha'len yumʌl ti Sion. Ya' ti Jerusalén mi caj i choc majlel i t'an cha'an mi' toj'esan winicob.

Malaquias 1:11

Pero jini mach bʌ israelobic mi caj i q'uelob ti ñuc j c'aba' c'ʌlʌl ti' pasibal q'uin c'ʌlʌl ti' bʌjlibal q'uin. Ti pejtelel pañimil mi caj i yʌq'ueñoñob xojocña bʌ pom yic'ot uts'at bʌ c majtan, come j c'aba' mi' q'uejlel ti ñuc ti pejtelel pañimil, che'en i Yum Panchan yic'ot Pañimil.

Mateo 28:19

Cucula che' jini. Sutq'uiñob ti xcʌnt'añob winicob x'ixicob ti pejtelel pañimil. Aq'uenla ch'ʌmja' ti' c'aba' lac Tat, ti' c'aba' i Yalobil, ti' c'aba' Ch'ujul bʌ Espíritu.

Mateo 3:2

Tsi' yʌlʌ: Cʌyʌx la' mul come lʌc'ʌlix i yumʌntel jini am bʌ ti panchan, che'en.

Mateo 9:13

Cucula. Ñopola i sujmlel jini t'an: “Com mi la' cha'len p'untaya, mach comic mi la' wʌq'ueñon c majtan”. Come ma'anic tsa' tili c pʌy jini tojo' bʌ i pusic'al. Tsa' tili c pʌy xmulilob cha'an mi' cʌyob i mul. Che' tsi' yʌlʌ Jesús.

Lucas 13:34

Jerusalén, Jerusalén, mu' bʌ a tsʌnsan x'alt'añob, mi la' jul ti xajlel jini chocbilo' bʌ tilel ba' añetla. Anix jayyajl com c tempan la' walobilob che' bajche' mi' luts' i yal jini ña'a mut, pero mach la' womic.

Hechos 10:43

Pejtel x'alt'añob tsi' yʌlʌyob mi caj i ñusʌbentelob i mul ti' c'aba' Jesús pejtelel mu' bʌ i ñopob. Che' tsi' yʌlʌ Pedro.

Hechos 11:18

Che' bʌ tsi' yubibeyob i t'an, ñʌch'ʌl tsa' cʌleyob. Tsi' subuyob i ñuclel Dios. Tsi' yʌlʌyob: Dios tsa'ix i yʌq'ueyob gentilob ja'el i cʌyob i mul cha'an mi' tajob i cuxtʌlel, che'ob.

Hechos 13:46

Ch'ejl i pusic'al Pablo yic'ot Bernabé, tsi' subuyob: Wersa tsa' ñaxan subentiyetla i t'an Dios. Tsa'ix la' to'ol juch'teq'ue jini t'an. Woli la' ñusan la' cuxtʌlel mach bʌ anic mi' jilel. Jini cha'an mic majlel lojon ba'an gentilob.

Hechos 2:38

Pedro tsi' subeyob: Cʌyʌ la' mul, ch'ʌmʌla ja' ti jujuntiquiletla ti' c'aba' Jesucristo, cha'an mi' ñusʌntel la' mul. Che'i mi caj la' wʌq'uentel Ch'ujul bʌ Espíritu ti la' majtan.

Hechos 20:21

Tsa'ix c subeyob judíojob yic'ot gentilob cha'an mi' cʌyob i mul cha'an mi' ñopob Dios. Tsac subeyob cha'an mi' ñopob lac Yum Jesucristo.

Hechos 26:18

cha'an ma' cambeñob i wut, cha'an mi' sutq'uiñob i bʌ ti ic'yoch'an bʌ pañimil, cha'an mi' yajñelob ti' sʌclel pañimil. Mic choquet majlel cha'an mi' loq'uelob ti' p'ʌtʌlel Satanás, cha'an mi' yochelob ti' p'ʌtʌlel Dios, cha'an mi' ñusʌbentelob i mul che' mi' ñopoñob, cha'an i ten cha'añob jach jini mu' bʌ caj i yʌq'uentelob yic'ot jini sʌq'uesʌbilo' bʌ”. Che' tsi' subeyon Jesús.

Hechos 26:20

Ñaxan tsac subeyob jini año' bʌ ti Damasco yic'ot ti Jerusalén yic'ot ti pejtelel Judea, yic'ot gentilob cha'an mi' cʌyob i mul cha'an mi' sutq'uiñob i bʌ cha'an mi' ñopob Dios. Tsac subeyob cha'an mi' cha'leñob chuqui wen, cha'an mi' tsictiyel tsa'ix i cʌyʌyob i mul.

Hechos 28:28

Ña'tanla, che' jini, wolix i sujbel ba'an gentilob laj coltʌntel ch'oyol bʌ ti Dios. Jini gentilob mi caj i ñich'tañob, che'en Pablo.

Hechos 3:19

Jini cha'an cʌyʌ la' mul. Sutq'uin la' bʌ cha'an mi' yajpel la' mul, cha'an mi la' taj la' p'ʌtʌlel ti Espíritu yic'ot tijicña bʌ la' pusic'al ti lac Yum. Dios mi caj i chocbeñetla tilel Jesús jini Cristo wa'chocobil bʌ i cha'an.

Hechos 4:12

Ma'anic laj coltʌntel ti yambʌ, cojach ti' c'aba' Jesús. Ma'anic yambʌ ti yebal panchan aq'uebilo' bʌ winicob mu' bʌ mejlel i coltañonla. Che' tsi' yʌlʌ Pedro.

Hechos 5:31

Dios tsi' yʌq'ue i ñuclel ya' ti' ñoj. Colem yumʌlʌch, Xcoltayajʌch. Mi' yʌq'ueñob i cʌy i mul jini israelob cha'an mi' ñusʌbeñob i mul.

Romanos 5:20

Tsa' tili mandar ja'el cha'an mi' tsictiyel woli' p'ojlel lac mul, pero che' bʌ tsa' p'ojli mulil, ñumen cabʌl tsa' p'ojli i yutslel i pusic'al Dios.

Efesios 1:6

La' lac sub i ñuclel Dios cha'an i yutslel i pusic'al tsa' bʌ i yʌq'ueyonla ti lac majtan ti' tojlel c'uxbibil bʌ i Yalobil.

Efesios 3:8

Anquese mach ñuconic che' bajche' yaño' bʌ i cha'año' bʌ Dios, tsa' aq'uentiyon que'tel cha'an mic subeñob gentilob jini wen t'an yic'ot i yutslel Cristo, cha'an mi' cʌñob i ñuclel Cristo mach bʌ lu' cʌmbilic lac cha'an.

Colosenses 1:27

Dios yom i yʌc' ti cʌjñel ti' tojlel pejtelel winicob x'ixicob jini c'ax ñuc bʌ i sujmlel mach bʌ tsictiyemic ti yambʌ ora. Jini ñuc bʌ ti cʌñol jiñʌch Cristo woli bʌ i yajñel ti la' pusic'al. Jiñʌch mu' bʌ i yʌq'ueñetla la' pijtan la' ñuclel.

1 Juan 2:12

Wolic ts'ijbubeñetla alobob, come ñusʌbilix la' mul cha'an i c'aba' Jesús.