Lucas 23:2 - Chol: I T’an Dios

² Tsa' caji i jop'beñob i mul. Tsi' yʌlʌyob: Tsac taja lojon ili winic mu' bʌ i soc pejtelel winicob x'ixicob ti lac lumal. Mi' tic'ob winicob cha'an ma'anic mi yʌq'ueñob César tojoñel. Mi' sub i bʌ ti Cristo. Mi' sub i bʌ ti rey, che'ob.

Jiñi Tsiji' bʌ Wen T'añ cha'añ Estudio

² Tsa' caji i jop'beñob i mul, tsi' yʌlʌyob: —Tsa' c taja lojon ili wiñic woli' i soc pejtelel wiñicob x'ixicob ti lac lumal, mi' tic'ob wiñicob cha'añ ma'añic mi yʌq'ueñob tojoñel César, mi' su'b i bʌ ti Cristo, mi' su'b i bʌ ti Rey.

Chol de Tumbalá Bible

² Tsa' caji i jop'beñob i mul. Tsi' yʌlʌyob: Tsac taja lojon ili winic mu' bʌ i soc pejtelel winicob x'ixicob ti lac lumal. Mi' tic'ob winicob cha'an ma'anic mi yʌq'ueñob César tojoñel. Mi' sub i bʌ ti Cristo. Mi' sub i bʌ ti rey, che'ob.

Jiñi Tsiji' bʌ Wen T'añ cha'añ Estudio

² Tsa' caji i jop'beñob i mul, tsi' yʌlʌyob: —Tsa' c taja lojon ili wiñic woli' i soc pejtelel wiñicob x'ixicob ti lac lumal, mi' tic'ob wiñicob cha'añ ma'añic mi yʌq'ueñob tojoñel César, mi' su'b i bʌ ti Cristo, mi' su'b i bʌ ti Rey.

Chol Tila

² Ya'i ti queji i jop'eñob i mul Jesús. Ti yʌlʌyob: Ili winiqui tsa'ix c tyaja lojon che' chʌncol i lolon cʌntisañob lojon c pi'ʌlob ti i contra jini yumʌl. Mi yʌl mach yom mi lojon c cha'len tyojoñel ti i tyojlel jini ñuc bʌ yumʌl am bʌ ti Roma. Che' je'el mi yʌle' jiñʌch Cristo jini yajcʌbil bʌ i cha'an Dios yic'ot ñuc bʌ yumʌl. Che' mi yʌle', che'ob.

Lucas 23:2 Iomraidhean Croise

1 Reyob 18:17

Che' bʌ tsi' q'uele, Acab tsi' sube: ¿Jatet ba woli bʌ a tic'lan Israel? che'en.

Salmos 35:11

Tsa'ix caji i jop'ob c mul xlotob. Tsi' jop'oyob jini mach bʌ c'ajalic c cha'an.

Salmos 62:4

Mi' temob i t'an cha'an mi' chilbeñon c ñuclel. Mi' mulañob lot. Mi' cha'leñob uts bʌ t'an yilal, Pero mi' cha'leñob p'ajoñel ti' pusic'al.

Jeremias 20:10

Woliyon ti bʌq'uen. Ti mojt ti mojt mi' mucul temob i t'an tij contra. Mux caj i toj, che'ob. Jini j cʌñʌyo' bʌ ja'el yomob i tic'on ti t'an ame i yʌcoñob tic t'an jini j contrajob, come woli' yʌlob: Tic'ʌl mi mux caj i cha'len bʌq'uen, che'ob. Che' jini mi caj i mʌjlel lac cha'an, che'ob.

Jeremias 38:4

Jini cha'an jini yumʌlob tsa' cha' majli i subeñob jini rey: A wocolic la' chʌmic ili winic Jeremías. Come ti' caj i t'an woli' c'uñ'añob soldadojob yic'ot pejtel winicob che' bajche' jaytiquil tsa' cʌleyob wʌ' ti tejclum. Ili winic ma'anic woli coltañob. Woli' yʌc'ob ti jisʌntel, che'ob.

Amos 7:10

Amasías jini motomaj chumul bʌ ti Betel tsi' choco majlel jini t'an ba'an Jeroboam i rey Israel. Tsi' yʌlʌ: Amós woli' tem i t'an ti a contra ti' tojlel israelob. Mach cujchic lac cha'an i t'an.

Zacarias 11:8

Ti jump'ejl jach uw tsac choco loq'uel uxtiquil jontol bʌ xcʌntayajob tsa' bʌ i ts'a'leyoñob, come tsac wen mich'leyob.

Mateo 17:27

Pero cucu ti colem ñajb ame mi lac techbeñob i mich'ajel. Choco ochel luquijib. Ch'ʌmʌ jini ñaxan bʌ chʌy mu' bʌ a chuc. Che' ma' cawben i yej mi caj a taj jump'ejl estatero. Ch'ʌmʌ majlel. Aq'ueñob cha'añon cha'añet. Che' tsi' yʌlʌ Jesús.

Mateo 22:21

Tsi' jac'beyob: I cha'an César, che'ob. Jesús tsi' subeyob: Jini cha'an aq'uenla César i cha'an bʌ César. Aq'uenla Dios i cha'an bʌ Dios, che'en Jesús.

Mateo 27:11

Ya' wa'al Jesús ti' wut jini gobernador. Jini gobernador tsi' c'ajtibe: ¿Jatet ba i Reyet judíojob? che'en. Jesús tsi' sube: Joñon cu, che'en.

Marcos 12:17

Jesús tsi' subeyob: Aq'uenla César chuqui i cha'an César. Aq'uenla Dios chuqui i cha'an Dios, che'en. Tsa' toj sajtiyob i pusic'al cha'an Jesús.

Marcos 15:2

Pilato tsi' c'ajtibe: ¿Jatet ba i Reyet judíojob? che'en. Jesús tsi' sube: Isujm bajche' ma' wʌl, che'en.

Lucas 23:14

Tsi' subeyob: Tsa'ix la' pʌyʌ tilel ili winic ba' añon, come mi la' wʌl woli' soc winicob x'ixicob. Awilan, joñon tsa'ix j c'ajtibe ti' la' tojlel chuqui tac tsi' mele. Tsac ña'ta ma'anic mi junchajpic i mul woli bʌ la' wʌl ti' contra ili winic.

Lucas 23:5

Ñumen tsʌts tsi' yʌlʌyob: Woli' ñijcan winicob x'ixicob ti cabʌl t'an. Mi' cha'len cʌntesa ti pejtelel Judea c'ʌlʌl ti Galilea c'ʌlʌl ilayi, che'ob.

Juan 18:29

Jini cha'an Pilato tsa' loq'ui i pejcañob. Tsi' c'ajtibeyob: ¿Chuqui i mul jini winic? Subula, che'en.

Juan 18:30

Tsi' jac'beyob: Machic xjontolil jini winic, ma'anic tsa cʌc'ʌ lojon ti a c'ʌb, che'ob.

Juan 19:12

Jini cha'an Pilato tsi' ñopo i col. Jini judíojob c'am tsi' yʌlʌyob: Mi tsa' colo Jesús, mach i pi'ʌletic César. Jini mu' bʌ i sub i bʌ ti Rey, mi' contrajin César, che'ob.

Hechos 24:13

Ma'anic mi mejlel i tsictesañob ti isujm i t'an woli bʌ i jop'ob tij contra wʌle.

Hechos 24:5

Come tsa'ix j q'uele lojon cabʌl woli' tic'lañon lojon jini winic. Mi' tech leto ti pejtelel pañimil baqui jach an judíojob. Jini winic ñumen ch'ejl mi' mel i bʌ bajche' yaño' bʌ tsa' bʌ i tsajcʌbeyob i cʌntesʌbal jini winic ch'oyol bʌ ti Nazaret.

Romanos 13:7

Aq'ueñob ti pejtelelob chuqui an ti la' wenta. Aq'uenla tojoñel ti chajp ti chajp jini mu' bʌ i ch'ʌmob tojoñel. Bʌc'ñanla jini yom bʌ mi la' bʌc'ñan. Q'uelela ti ñuc jini yom bʌ mi la' q'uel ti ñuc.