Lucas 22:19 - Chol: I T’an Dios

¹⁹ Jesús tsi' ch'ʌmʌ waj. Tsi' sube wocolix i yʌlʌ Dios. Tsi' xet'e. Tsi' yʌq'ueyob. Tsi' yʌlʌ: Jiñʌch c bʌc'tal, mu' bʌ cʌc' cha'añetla. Che'ʌch yom mi la' mel cha'an c ña'tʌntel, che'en.

Jiñi Tsiji' bʌ Wen T'añ cha'añ Estudio

¹⁹ Jesús tsi' ch'ʌmʌ waj, tsi' su'be wocolix i yʌlʌ Dios, tsi' xet'e, tsi' yʌq'ueyob, tsi' yʌlʌ: —Jiñʌch c bʌc'tal, mu' bʌ cʌc' cha'añetla. Che'ʌch yom mi la' mel cha'añ mi la' chʌn ña'tañon, —che'en.

Chol de Tumbalá Bible

¹⁹ Jesús tsi' ch'ʌmʌ waj. Tsi' sube wocolix i yʌlʌ Dios. Tsi' xet'e. Tsi' yʌq'ueyob. Tsi' yʌlʌ: Jiñʌch c bʌc'tal, mu' bʌ cʌc' cha'añetla. Che'ʌch yom mi la' mel cha'an c ña'tʌntel, che'en.

Jiñi Tsiji' bʌ Wen T'añ cha'añ Estudio

¹⁹ Jesús tsi' ch'ʌmʌ waj, tsi' su'be wocolix i yʌlʌ Dios, tsi' xet'e, tsi' yʌq'ueyob, tsi' yʌlʌ: —Jiñʌch c bʌc'tal, mu' bʌ cʌc' cha'añetla. Che'ʌch yom mi la' mel cha'añ mi la' chʌn ña'tañon.

Chol Tila

¹⁹ Ti wi'il ti' ch'ʌmʌ waj. Ti' cha'le oración. Che' jini ti' xet'e. Ti yʌq'ueyob. Ti yʌlʌ: Jiñʌch c bʌc'tyal mu' bʌ quejel cʌc' cha'añetla. C'ajtisañon che' mi la' cha'len jini uch'el, che'en.

Lucas 22:19 Iomraidhean Croise

Salmos 111:4

Tsi' yʌc'ʌ ti chʌn ña'tʌntel jini ñuc tac bʌ i melbal. Uts lac Yum, mi' p'untañonla.

Cantares 1:4

Pʌyʌyon majlel quic'otet. Yom majliconla ti ora. Pʌyʌyon ochel ti malil a wotot, c rey. Añonix ti' yotot rey. Tsi' pʌyʌyon ochel. Tijicña mi caj lac tem ajñel. Ñumen uts'at a c'uxbiya bajche' vino. Jini cha'an mi' laj c'uxbiñetob xch'ocob.

Ezequiel 37:11

Lac Yum tsi' cha' subeyon: I yalobil winic, pejtel ili bac jiñobʌch israelob. Come mi' lon alob: “Tiquinix jini lac bʌquel. Ma'anix laj cuxtilel. Ma'anix lac pijtaya. Chocbilonixla”, che'ob.

Ezequiel 5:5

Lac Yum Dios woli' yʌl: Jiñʌch i yejtal chuqui mi caj i yujtel ti Jerusalén, come tsi' q'uextayob c mandar cha'an mi' socob i bʌ che' bajche' yambʌ tejclumob. Ñumen jontol tsi' meleyob bajche' yaño' bʌ año' bʌ ti' joytʌlel. Ma'anic tsi' subeyoñob wocolix cʌlʌ.

Daniel 2:38

Wola' yumʌntel baqui jach chumulob winicob yic'ot bʌte'el yic'ot xwejlel mut. Dios tsi' laj otsʌbeyet ti a p'ʌtʌlel. Jini cha'an mi' yumañetob. Jini cha'an i wentajet i jol jini melbil bʌ i yejtal winic. Melbil i jol ti oro.

Mateo 14:19

Jesús tsi' sube winicob x'ixicob cha'an mi' buchtʌlob ti jam. Tsi' ch'ʌmʌ jini jo'q'uejl waj yic'ot cha'cojt chʌy. Tsi' letsa i wut ti panchan. Tsi' cha'le oración. Tsi' xet'e jini waj. Tsi' yʌq'ue xcʌnt'añob i cha'an. Jini xcʌnt'añob tsi' pucbeyob winicob x'ixicob.

Mateo 15:36

Tsi' ch'ʌmʌ jini wucq'uejl waj yic'ot jini chʌy. Che' bʌ tsa' ujti i suben Dios wocolix i yʌlʌ tsi' xet'e. Tsi' yʌq'ue xcʌnt'añob i cha'an. Jini xcʌnt'añob tsi' pucbeyob winicob x'ixicob.

Lucas 22:17

Jesús tsi' ch'ʌmʌ vaso. Tsi' sube wocolix i yʌlʌ Dios. Tsi' yʌlʌ: Ch'ʌmʌla. Aq'uen la' bʌ.

Lucas 22:20

Che' ja'el tsi' ch'ʌmʌ jini vaso che' bʌ tsa' ujtiyob ti we'el. Tsi' yʌlʌ: Jini vaso jiñʌch tsiji' bʌ trato cha'an c ch'ich'el mu' bʌ i bejq'uel cha'añetla.

Lucas 24:30

Che' bʌ buchul yic'otob ti' t'ejl mesa Jesús tsi' ch'ʌmʌ waj. Tsi' sube wocolix i yʌlʌ Dios. Tsi' xut'u jini waj. Tsi' yʌq'ueyob.

Juan 6:23

Tsa' tili barco tac ch'oyol bʌ ti Tiberias, lʌc'ʌl ba' tsi' c'uxuyob waj che' bʌ tsa' ujti i suben wocolix i yʌlʌ lac Yum.

Juan 6:51

Joñon cuxul bʌ Wajon tsa' bʌ jubiyon tilel ti panchan. Mi an majqui mi' c'ux jini Waj, chʌn cuxul ti pejtelel ora. Jini Waj mu' bʌ cʌc' jiñʌch c bʌc'tal mu' bʌ cʌc' cha'an i cuxtʌlel jini año' bʌ ti pañimil. Che' tsi' yʌlʌ Jesús.

1 Corintios 10:16

Che' mi lac tem ch'ʌm jini vaso che' mi lac suben Dios wocolix i yʌlʌ, ¿mach ba wolic lac tem taj lac wenlel ti' ch'ich'el Cristo? Che' mi lac tem c'ux jini waj mu' bʌ lac xut', ¿mach ba wolic lac tem taj lac wenlel ti' bʌc'tal Cristo?

Gálatas 1:4

Tsi' yʌc'ʌ i bʌ ti chʌmel cha'an lac mul che' bajche' yom Dios lac Tat cha'an mi' loc'sañonla ti' p'ʌtʌlel jontolil am bʌ ti pañimil wʌle.

Gálatas 4:25

Jini Agar i yejtalʌch wits ya' ti Arabia i c'aba' Sinaí yic'ot jini tejclum Jerusalén ba chuculob ti to'ol e'tel jini ya' bʌ chumulob mu' bʌ i ñopob i taj i coltʌntel ti' jac'ol mandar.

Efesios 5:2

Ti pejtelel chuqui mi la' mel c'uxbin la' bʌ che' bajche' tsi' c'uxbiyonla Cristo. Tsi' yʌc'ʌ i bʌ ti chʌmel cha'añonla che' bajche' tsʌnsʌbil bʌ i majtan Dios, che' bajche' ofrenda xojocña bʌ i yujts'il.

1 Tesalonicenses 5:18

Subenla Dios wocolix i yʌlʌ ti pejtelel chuqui jach mi' yujtel. Come che' yom Dios ti Cristo Jesús.

Tito 2:14

Tsi' yʌc'ʌ i bʌ ti chʌmel cha'añonla cha'an mi' mʌñonla loq'uel ti pejtelel lac jontolil, cha'an mi' sʌq'uesañonla, cha'an mi' yotsañonla ti' cha'an, cha'an mi lac bʌx'an ti' melol pejtelel chuqui wen.

1 Pedro 2:24

I bajñel jach tsi' cuchu lac mul ti' bʌc'tal che' bʌ tsa' chʌmi ti te', cha'an mi' jilel i p'ʌtʌlel mulil ti lac tojlel. Cuxulonixla cha'an yom mi lac mel chuqui toj. Lajmesʌbiletla cha'an tsa' lojwi lac Yum.