Lucas 20:36 - Chol: I T’an Dios

³⁶ Mach chʌn mejlobix ti chʌmel, come lajalob bajche' ángelob. I yalobilobʌch Dios. Mi tejchelob ch'ojyel ba'an chʌmeño' bʌ.

Jiñi Tsiji' bʌ Wen T'añ cha'añ Estudio

³⁶ Come mach chʌn mejlobix ti chʌmel, lajalobix che' bajche' ángelob, yic'ot yalobilobʌch Dios, come tsa'ix tejchiyob ch'ojyel ba'añ chʌmeño' bʌ.

Chol de Tumbalá Bible

³⁶ Mach chʌn mejlobix ti chʌmel, come lajalob bajche' ángelob. I yalobilobʌch Dios. Mi tejchelob ch'ojyel ba'an chʌmeño' bʌ.

Jiñi Tsiji' bʌ Wen T'añ cha'añ Estudio

³⁶ Come mach chʌn mejlobix ti chʌmel, lajalobix che' bajche' ángelob, yic'ot yalobilobʌch Dios, come tsa'ix tejchiyob ch'ojyel ba'añ chʌmeño' bʌ.

Chol Tila

³⁶ Como mach ch'ujbi i cha' sajtyel. Mi quejel i yajñel bajche' ajtroñelob i cha'an Dios ch'oyolo' bʌ ti panchan. Cha'an ti tyejchiyob loq'uel ba'an sajtyemo' bʌ mi yajñelob ti i yalobil Dios.

Lucas 20:36 Iomraidhean Croise

Isaias 25:8

Lac Yum mi caj i junyajlel jisan jini p'ʌtʌl bʌ mu' bʌ i yʌc'onla ti chʌmel. Che' jini ma'anix majqui mi caj i chʌmel ti pejtelel ora. Lac Yum Dios mi caj i sujcubeñonla i ya'lel lac wut. Ma'anix mi caj i ts'a'lentelob i cha'año' bʌ. Mi caj i yʌc'ob ti ñuc ti' tojlel pejtelel winicob ti pejtelel pañimil. Lac Yum tsa'ix i yʌc'ʌ i t'an.

Oseas 13:14

¿Yom ba mij coltañob cha'an ma'anic mi' tojob i mul ti' yajñib chʌmeño' bʌ? Ma'anic mi caj c loc'sañob ba' woliyob ti chʌmel. La' i cha'leñob bʌq'uen che' colel i chʌmel. La' i ña'tañob mux caj i mujquelob ti mucoñibʌl. Ma'anic mij q'uex c t'an, che'en lac Yum.

Mateo 22:30

Come ti' yorajlel che' mi' tejchelob ch'ojyel, ma'anic mi' pʌyob i pi'ʌl, ma'anic mi' sijintelob. Come lajalob bajche' i yángelob Dios ti panchan.

Marcos 12:25

Che' mi' ch'ojyelob ba'an chʌmeño' bʌ, ma'anix mi' chʌn pʌyob i pi'ʌl, ma'anic mi' sijintelob ja'el. Come lajalob bajche' ángelob ya' ti panchan.

Romanos 8:16

Jini Espíritu mi' subeñonla i yalobilonla Dios. Che'ʌch mi' yʌl lac pusic'al ja'el.

1 Corintios 15:26

Mi caj i jisan ja'el jini cojix bʌ laj contra mu' bʌ i yʌc' ti chʌmel lac bʌc'tal.

1 Corintios 15:42

Che'ʌch ja'el che' mi' cha' ch'ojyelob jini chʌmeño' bʌ. Jini mu' bʌ i mujquel mi' yoc'mʌl. Jini mu' bʌ i cha' ch'ojyel mach yujilic oc'mʌl.

1 Corintios 15:49

Wʌle lajalonla ti q'uelol bajche' Adán. Pero lajal mi caj la cajñel che' bajche' Cristo.

Filipenses 3:21

Jini mi caj i q'uextʌbeñonla lac bʌc'tal am bʌ i tsuculel cha'an lajal mi' yajñel bajche' i bʌc'tal lac Yum am bʌ i ñuclel, come an i p'ʌtʌlel cha'an mi' ch'ʌm ti' wenta pejtelel chuqui tac an.

Apocalipsis 20:6

Tijicñayob mu' bʌ i tejchelob ch'ojyel ti ñaxan. Ch'ujulob. Ma'anic mi caj i chʌmelob ti' cha'yajlel. Mi caj i yochelob ti motomaj ti' tojlel Dios yic'ot ti' tojlel Cristo. Mi caj i tem cha'leñob yumʌl yic'ot Cristo lujunc'al i yuxbajc' jab.

Apocalipsis 21:4

Dios mi caj i sujcubeñob i ya'lel i wut. Ma'anix majch mi' caj ti chʌmel. Ma'anix uc'taya mi uq'uel mi wocol ti pejtelel ora. Come tsa'ix ñumi jini ñaxan tac bʌ, che'en.

Apocalipsis 22:9

Tsi' subeyon: Q'uele mach che'ic yom ma' cha'len, come i winicon Dios lajal bajche'et yic'ot a wermanojob jini x'alt'añob, yic'ot jini mu' bʌ i jac'beñob i t'an jini jun. Ch'ujutesan Dios, che'en.