Lucas 2:7 - Chol: I T’an Dios

⁷ Tsi' yʌc'ʌ ti pañimil ch'iton bʌ yʌx alʌl. Tsi' bʌc'ʌ ti' majts. Tsi' ñolchoco ti' buc'ujib alʌc'ʌl, come ma'anic tsi' taja i yajñib ti' yotlel wʌyibʌl.

Jiñi Tsiji' bʌ Wen T'añ cha'añ Estudio

⁷ Tsi' yʌc'ʌ ti pañimil ñaxan bʌ ch'itoñ bʌ i yalobil, tsi' bʌc'ʌ ti' majts, tsi' ñolchoco ti' buc'ujib alʌc'ʌl, come ma'añic tsi' taja i yajñib ti' yotlel wʌyibʌl.

Chol de Tumbalá Bible

⁷ Tsi' yʌc'ʌ ti pañimil ch'iton bʌ yʌx alʌl. Tsi' bʌc'ʌ ti' majts. Tsi' ñolchoco ti' buc'ujib alʌc'ʌl, come ma'anic tsi' taja i yajñib ti' yotlel wʌyibʌl.

Jiñi Tsiji' bʌ Wen T'añ cha'añ Estudio

⁷ Tsi' yʌc'ʌ ti pañimil ñaxan bʌ ch'itoñ bʌ i yalobil, tsi' bʌc'ʌ ti' majts, tsi' ñolchoco ti' buc'ujib alʌc'ʌl, come ma'añic tsi' taja i yajñib ti' yotlel wʌyibʌl.

Chol Tila

⁷ Ti ch'ocʌ ñaxan bʌ yalobil i cha'an María. Alob. Ti' bʌc'ʌ ti bʌjq'uil. Ti tyots' choco ti buq'uijib alʌq'uil. Como mach'an ba' ti' tyajayob ba' mi yochelob ti wʌyel.

Lucas 2:7 Iomraidhean Croise

Genesis 42:27

Ya' ba' tsa' wʌyiyob ti ac'ʌlel juntiquil tsa' caji' jitben i ti' i coxtal cha'an mi' yʌq'uen i buc'bal i burro. Tsi' q'uele i taq'uin ti mal coxtal.

Genesis 43:21

Che' ujtemix c mʌn lojon, che' majlemonix lojon ba' tsa' jijliyon lojon, tsac jiti lojon i ti' tac coxtal. Awilan, cha' ya'ix an c taq'uin lojon ti jujuntiquilon lojon ti' ti' j coxtal. Jini cha'an ts'ʌcʌl tsa'ix c cha' ch'ʌmʌ tilel.

Salmos 22:6

Pero t'uchtʌbilon che' bajche' motso'. Mach winiconix yilal. Wajlebilon cha'an winicob x'ixicob. Mi' ts'a'leñoñob.

Exodo 4:24

Ya' ba' tsa' jijliyob ti bij, lac Yum tsi' taja Moisés cha'an mi' tsʌnsan, come an ch'iton bʌ i yalobil mach bʌ tsepbilic i pʌchʌlel.

Isaias 7:14

Jini cha'an lac Yum mi caj i wersa pʌsbeñet i yejtal i p'ʌtʌlel. Juntiquil xch'oc mi caj i cʌntan alʌl. Mi caj i yʌc' ti pañimil ch'iton. Mi caj i yotsʌben i c'aba' Emanuel mu' bʌ i yʌl ti lac t'an, “Dios la quic'ot”.

Mateo 1:25

Pero ma'anic tsi' pi'le jinto tsi' yila pañimil ch'iton bʌ i yalobil. Tsi' yotsʌbe i c'aba' Jesús.

Mateo 13:55

¿Mach ba jinic i yalobil jini xjuc'te'? ¿Mach ba jinic María i ña'? ¿Mach ba i yijts'iñobic Jesús jini Jacobo, yic'ot José, Simón yic'ot Judas?

Mateo 8:20

Jesús tsi' sube: An i met wax. An i c'u' te'lemut, pero ma'anic ba' mi' ñoltʌl i Yalobil Winic cha'an mi' c'aj i yo, che'en.

Lucas 10:34

Tsa' tili i pixben i lojwel. Tsi' yotsʌbe aceite yic'ot vino. Tsi' c'ʌchchoco ti' c'ʌchlib. Tsi' pʌyʌ majlel ti' yotlel wʌyibʌl ba' tsi' cʌnta.

Lucas 2:6

Che' ya' añob tsa' c'oti i yorajlel cha'an mi' yilan pañimil i yalobil.

Lucas 2:8

Ti jini jach bʌ lum an xcʌnta tiñʌme'ob ti jamil. Woli' cʌntañob i tiñʌme' ti ac'ʌlel.

Juan 1:14

Jini T'an tsi' ch'ʌmʌ i bʌc'tal. Tsa' chumle la quic'ot, but'ul ti' yutslel i pusic'al yic'ot i sujmlel. Tsaj q'uele lojon i ñuclel tilem bʌ ti' Tat. Jiñʌch i ñuclel cojach bʌ i Yalobil Dios.

2 Corintios 8:9

Come cʌñʌlix la' cha'an i yutslel i pusic'al lac Yum Jesucristo. Jini wen chumul bʌ tsa' ochi ti pobre, come c'ux tsi' yubiyetla. Tsa' ochi ti pobre cha'an wen chumul mi la' wajñel.

Gálatas 4:4

Pero Dios tsi' choco tilel i Yalobil che' bʌ tsa' c'oti i yorajlel. Tsi' yila pañimil ti x'ixic. Tsa' ochi ti' wenta mandar