Lucas 2:4 - Chol: I T’an Dios

⁴ Tsa' loq'ui José ti Nazaret ya' ti Galilea. Tsa' letsi majlel ti Judea ti' tejclum David i c'aba' Belén, come loq'uem ti' p'olbal David jini José.

Jiñi Tsiji' bʌ Wen T'añ cha'añ Estudio

⁴ Tsa' loq'ui José ti Nazaret am bʌ ti' wenta Galilea. Tsa' majli ti Judea ti' tejclum David i c'aba' Belén, come José loq'uem ti' p'olbal David.

Chol de Tumbalá Bible

⁴ Tsa' loq'ui José ti Nazaret ya' ti Galilea. Tsa' letsi majlel ti Judea ti' tejclum David i c'aba' Belén, come loq'uem ti' p'olbal David jini José.

Jiñi Tsiji' bʌ Wen T'añ cha'añ Estudio

⁴ Tsa' loq'ui José ti Nazaret am bʌ ti' wenta Galilea. Tsa' majli ti Judea ti' tejclum David i c'aba' Belén, come José loq'uem ti' p'olbal David.

Chol Tila

⁴ Jin cha'an ti loq'ui majlel José ya' ti lum Nazaret bʌ i c'aba' ya' ti Galilea bʌ pañimil cha'an mi majlel ti lum Belén bʌ i c'aba' ya' ti Juda bʌ pañimil ba' ti ch'ocʌ David ti ñoj oniyix. Como José i jiñʌjlel David.

Lucas 2:4 Iomraidhean Croise

Genesis 35:19

Tsa' chʌmi Raquel. Tsa' mujqui ya' ti' bijlel Efrata, ya' ti Belén.

Genesis 48:7

Che' bʌ tsa' loq'uiyon ti Padanaram, tsa' chʌmi Raquel ti' lumal Canaán ya' ti bij che' ñajt to an Efrata. Tsac mucu ya' ti' bijlel Efrata, jiñʌch Belén, che'en.

Miqueas 5:2

Jatet Belén Efrata wen ch'o'ch'oquet ti' tojlel pejtelel tejclum tac ti Judá, pero ya' mi caj i q'uel pañimil jini Rey mu' bʌ caj i cha'len yumʌl ti Israel, jini Rey cuxul bʌ c'ʌlʌl ti oñiyi.

Mateo 1:20

Che' bʌ woli' ña'tan ti' pusic'al, awilan, tsa' tsictiyi i yángel lac Yum ti' ñajal. Jini ángel tsi' yʌlʌ: José i yalobilet bʌ David, mach ma' bʌc'ñan a pʌy María cha'an a wijñam, come jiñʌch Ch'ujul bʌ Espíritu tsa' bʌ i yʌq'ue i yalobil María mu' bʌ caj ti tsictiyel.

Mateo 2:23

Tsa' c'oti ti chumtʌl ti jump'ejl tejclum i c'aba' Nazaret cha'an mi' ts'ʌctiyel i t'an jini x'altañob: “Mi caj i sujbel ti nazareno, che'ob”.

Lucas 2:3

Ti pejtelelob tsa' letsiyob majlel ti tejclum tac ba' chucbil i c'aba' i tat i ña' cha'an mi' yʌc'ob tojoñel.

Lucas 2:5

Ya' tsa' majli José cha'an mi' yʌc' tojoñel yic'ot i yijñam i c'aba' María tsa' bʌ i c'ajti. Cʌntʌbil i cha'an alʌl.

Lucas 4:16

Tsa' majli Jesús ya' ti Nazaret ba' tsa' coli. Tsa' ochi ti sinagoga ti' q'uiñilel c'aj o che' bajche' i tilel. Tsa' wa'le cha'an mi' q'uel jun.

Juan 1:46

Natanael tsi' sube: ¿Am ba chuqui wen ch'oyol bʌ ti Nazaret? che'en. Felipe tsi' sube: La' q'uele, che'en.

Juan 7:42

¿Mach ba anic tsi' yʌlʌ i Ts'ijbujel Dios tal jini Cristo ti' p'olbal David ya' ti Belén, jini tejclum ba' tsa' ajni David? che'ob.

xRut 1:19

Jini cha'an jini cha'tiquil tsa' tem cajiyob ti xʌmbal majlel. Tsa' c'otiyob ti Belén. Che' bʌ tsa' ochiyob ti Belén, tsa' cajiyob ti t'an pejtel winicob x'ixicob. Che' bʌ tsi' q'ueleyob tsi' yʌlʌyob: ¿Isujm ba jiñʌch Noemí jini? che'ob.

xRut 2:4

Awilan tsa' c'oti Booz loq'uem bʌ ti Belén. Tsi' sube stsep cebadajob: La' ajnic lac Yum la' wic'ot, che'en. Jini stsep cebadajob tsi' cha' sutq'uibeyob cortesía: La' i yʌq'ueñet i yutslel lac Yum, che'ob.

xRut 4:11

Pejtel ya' bʌ tempʌbilob ti' ti' tejclum yic'ot xñoxob año' bʌ i ye'tel tsi' subeyob: Testigojon lojon. La' i yʌq'uen lac Yum i p'olbal jini x'ixic woli bʌ a pʌy ti a wotot. La' ajñic che' bajche' Raquel yic'ot Lea, jini cha'tiquil tsa' bʌ i cosʌbeyob i yalobilob Israel. La' p'ojlic a chubʌ'an ti Efrata. La' tsictiyic a ñuclel ti Belén.

1 Samuel 16:1

Lac Yum tsi' sube Samuel: ¿Jayp'ejl to q'uin mi caj a chʌn mel a pusic'al cha'an Saúl, cha'an tsa'ix c chilbe i yumʌntel ti' tojlel israelob? But'u a xulub ti aceite. Ch'ʌmʌ majlel a wic'ot. Mi caj c choquet majlel ba'an Isaí ti Belén, come tsa'ix c yajca juntiquil i yalobil Isaí cha'an mi' yochel ti rey, che'en.

1 Samuel 16:4

Che'ʌch tsi' mele Samuel che' bajche' tsi' sube lac Yum. Che' bʌ tsa' c'oti ti Belén, jini xñoxob ti tejclum tsa' loq'ui i tajob, tsiltsilñayob ti bʌq'uen. Tsi' yʌlʌyob: ¿Tsa' ba tili a wʌq'ueñon lojon i yutslel a t'an? che'ob.

1 Samuel 17:12

Mach ya'ic an David i yalobil jini efrateo i c'aba' Isaí chumul bʌ ti Belén ti Judá. An waxʌctiquil i yalobilob Isaí. Ñoxix Isaí che' woli ti yumʌntel Saúl.

1 Samuel 17:58

Saúl tsi' c'ajtibe: Calobil, ¿majqui a tat? che'en. David tsi' jac'ʌ: I yalobilon Isaí chumul bʌ ti Belén, che'en.

1 Samuel 20:6

Mi tsi' ña'tayon a tat, yom ma' suben: “Tsi' c'ajtibeyon ti wocol t'an David cha'an yom sujtel ti Belén ti' yotot i tat, come ya' woli' tempañob i bʌ i pi'ʌlob cha'an mi' melob jini q'uin cha'an tsʌnsʌbil bʌ majtañʌl che' bajche' i tilel ti jujump'ejl jab”. Che'ʌch yom ma' suben.