Lucas 2:36 - Chol: I T’an Dios

³⁶ Ya'an x'ixic bʌ x'alt'an ja'el i c'aba' Ana (i yalobil Fanuel i p'olbal Aser). Wen cabʌl i jabilel. Che' xch'oc to tsa' chumle yic'ot i ñoxi'al wucp'ejl jab.

Jiñi Tsiji' bʌ Wen T'añ cha'añ Estudio

³⁶ Ya'añ x'ixic bʌ x'alt'añ ja'el i c'aba' Ana, i yalobil Fanuel, i p'olbal Aser, wen ca'bʌlix i ja'bilel; che' xch'oc to tsa' chumle yic'ot i ñoxi'al wucp'ejl ja'b.

Chol de Tumbalá Bible

³⁶ Ya'an x'ixic bʌ x'alt'an ja'el i c'aba' Ana (i yalobil Fanuel i p'olbal Aser). Wen cabʌl i jabilel. Che' xch'oc to tsa' chumle yic'ot i ñoxi'al wucp'ejl jab.

Jiñi Tsiji' bʌ Wen T'añ cha'añ Estudio

³⁶ Ya'añ x'ixic bʌ x'alt'añ ja'el i c'aba' Ana, i yalobil Fanuel, i p'olbal Aser, wen ca'bʌlix i ja'bilel; che' xch'oc to tsa' chumle yic'ot i ñoxi'al wucp'ejl ja'b.

Chol Tila

³⁶ Ya'an je'el juntiquil x'ixic mu' bʌ yʌle' chʌ bʌ mi xiq'ue' yʌle' Dios i c'aba' Ana. I yalobil Fanuel loq'uem ti junmujch' quixtyañujob i jiñʌjlel Aser. Wen ñejep'ix. Ti' tyaja i ñoxi'al che' ñac wen xc'alʌl tyo. Che' anix siete jabil i tyajbal i ñoxi'al ti sajti i ñoxi'al.

Lucas 2:36 Iomraidhean Croise

Genesis 30:13

Lea tsi' yʌlʌ: Tijicñayon. Jini xch'ocob mi caj i yʌlob tijicñayon. Tsi' yotsʌbe i c'aba' Aser, “Tijicña”.

2 Reyob 22:14

Jini cha'an tsa' majli jini motomaj: Hilcías, Ahicam, Acbor, Safán yic'ot Asaía cha'an mi' pejcañob jini x'ixic bʌ x'alt'an i c'aba' Hulda. Jiñʌch i yijñam Salum (i yalobil Ticva, i yalobil bʌ Harhas) jini xcʌnta bujcʌl ti' yotot rey. Tsi' tajayob ti Jerusalén ti junwejl Templo ba' mi' bʌjlel q'uin.

Job 5:26

Che' bajche' mi' cujchel tilel ixim ba' mi' lʌjt'el ti' yorajlel c'ajbal, che'ʌch mi caj a tilel ti mucoñibʌl che' wen ñoxetix.

Salmos 92:14

C'ʌlʌl che' ñoxobix mi caj i chʌn ac'ob i wut. Che'ʌch añob bajche' wen yʌx bʌ te' am bʌ i yetsel. Cabʌl i yopol.

Exodo 15:20

Miriam jini x'alt'an, i yijts'in Aarón, tsi' ñijca jini música am bʌ ti' c'ʌb. Jini yaño' bʌ x'ixicob tsi' tʌp'leyob majlel ti son yic'ot música.

Ezequiel 13:17

I yalobil winic, subeñob i mul jini x'ixic bʌ x'alt'añob ya' ti tejclum, mu' bʌ i bajñel alob chuqui mi' ña'tañob ti' pusic'al.

Lucas 2:35

Wen ch'ijiyem a pusic'al mi caj a wubin che' mi' tsictiyel bajche' woli' ña'tañob ti' pusic'al cabʌlob, che'en Simeón.

Lucas 2:38

Ti jini jach bʌ ora tsa' tili Ana ba'an alʌl. Tsi' sube wocolix i yʌlʌ Dios. Tsi' subeyob i sujmlel jini alʌl ti' tojlel pejtel año' bʌ ti Jerusalén woli bʌ i pijtañob i coltʌntel.

Hechos 2:18

Isujm ti jim bʌ ora mi caj cʌq'ueñob quEspíritu c winicob. Mi caj i cha'leñob alt'an.

Hechos 21:9

An chʌntiquil i yixic'al mach bʌ anic i ñoxi'al. Tsi' cha'leyob alt'an.

1 Corintios 11:5

Che' mach mosolic i jol x'ixic woli bʌ ti oración yic'ot subt'an mi' ts'a'len i yum, come lajal yilal mi tsa' jujchinti i jol.

1 Corintios 12:1

Hermanojob, com mi la' ña'tan i sujmlel laj c'ʌjñibal tsa' bʌ aq'uentiyonla ti jini Espíritu.

1 Timoteo 3:2

Mach yomic mi' cha'len mulil jini xcʌntaya. Yom juntiquil jach i yijñam. Yom mi' wen ña'tan pañimil. Yom mi' tic' i bʌ. Yom mi' mel chuqui toj. Yom mi' cha'len p'untaya. Yom mi' wen cha'len cʌntesa.

1 Timoteo 5:9

Mach ma' chucben i c'aba' ti jun jini meba' x'ixic maxto bʌ anic uxc'al i jabilel. Yom jini tsa' bʌ ajni yic'ot i ñoxi'al ti xuc'ul.

Josue 19:24

I jo'pejtlel lum tsa' bʌ yajcʌnti ti alas i cha'añʌch Aser che' bajche' c'amel i yotot tac.

Apocalipsis 7:6

lajchʌmp'ejl mil i p'olbal Aser, lajchʌmp'ejl mil i p'olbal Neftalí, lajchʌmp'ejl mil i p'olbal Manasés,

Juezob 4:4

Jini yumʌl ti Israel ti jim bʌ ora jiñʌch Débora, jini x'ixic bʌ x'alt'an, i yijñam bʌ Lapidot.

1 Samuel 1:2

An cha'tiquil i yijñam. Juntiquil i c'aba' Ana, jini yambʌ i c'aba' Penina. An i yalobilob Penina pero Ana ma'anic i cha'an.