Lucas 2:14 - Chol: I T’an Dios

¹⁴ Tsi' yʌlʌyob: Wen ñuc Dios am bʌ ti panchan. Wʌ' ti pañimil woli' yʌq'uentelob i ñʌch'tilel i pusic'al winicob x'ixicob mu' bʌ i q'uejlelob ti uts'at ti Dios, che'ob.

Jiñi Tsiji' bʌ Wen T'añ cha'añ Estudio

¹⁴ ¡La' sujbic i ñuclel Dios ya' ti panchan. Wʌ' ti pañimil woli' yʌq'ueñtelob i ñʌch'tʌlel i pusic'al wiñicob x'ixicob mu' bʌ i q'uejlelob ti uts'at ti Dios!

Chol de Tumbalá Bible

¹⁴ Tsi' yʌlʌyob: Wen ñuc Dios am bʌ ti panchan. Wʌ' ti pañimil woli' yʌq'uentelob i ñʌch'tilel i pusic'al winicob x'ixicob mu' bʌ i q'uejlelob ti uts'at ti Dios, che'ob.

Jiñi Tsiji' bʌ Wen T'añ cha'añ Estudio

¹⁴ ¡La' sujbic i ñuclel Dios ya' ti panchan. Wʌ' ti pañimil woli' yʌq'ueñtelob i ñʌch'tʌlel i pusic'al wiñicob x'ixicob mu' bʌ i q'uejlelob ti uts'at ti Dios!

Chol Tila

¹⁴ Ti yʌlʌyob: Wen ñuc Dios am bʌ ti panchan. La' ñʌch'lec jini mu' bʌ i mele' chʌ bʌ mi' mulan Dios wʌ' ti mulawil. Che' ti yʌlʌ.

Lucas 2:14 Iomraidhean Croise

Isaias 44:23

C'ʌyinla c ñuclel añet bʌ la ti panchan, come jiñʌch que'tel. Tsictesanla ti c'am bʌ t'an añet bʌ la ti pañimil. Yom tijicña wits tac yic'ot pejtel te'el, yic'ot jujuntejc te'. Come tsac mʌñʌ Jacob. Tsa cʌc'ʌ ti tsictiyel c ñuclel ti' tojlel Israel.

Isaias 49:13

Cha'lenla c'ay añet bʌ la ti pañimil. Yom tijicñayetla ti c'ay añet bʌ la ti wits. Come lac Yum tsa'ix i cha' ñuq'uesʌbeyob i pusic'al i cha'año' bʌ. Mi caj i p'untan jini woliyo' bʌ ti wocol.

Isaias 57:19

La' ñʌch'lec i pusic'al jini ñajt bʌ añob yic'ot jini lʌc'ʌl bʌ añob. Joñon mi caj c lajmesañob.

Miqueas 5:5

Jini xcʌntaya mi caj i yʌq'ueñonla i tijicñʌyel lac pusic'al. Che' mi' tilelob ti lac lumal jini asiriajob cha'an mi' jemob lac tejclum, mi caj i wa'chocon wuctiquil xcʌñañob cha'an mi' q'ueloñob, yic'ot waxʌctiquil ñuco' bʌ i ye'tel cha'an mi' toj'esañoñob.

Mateo 21:9

Jini winicob x'ixicob woli bʌ i majlelob ti' tojel Jesús yic'ot jini woli bʌ i tilelob ti' pat c'am tsi' yʌlʌyob: ¡Cotañet i Yalobilet bʌ David! ¡La' sujbic a ñuclel, jatet mu' bʌ a tilel ti' c'aba' lac Yum! ¡Cotañet añet bʌ ti chan! che'ob.

Lucas 1:79

Che' jini mi caj i yʌq'ueñob i sʌclel pañimil jini chumulo' bʌ ti ic'ch'ipan bʌ pañimil, jini mach bʌ jalic mi caj i chʌmelob. Mi caj i toj'esañonla majlel ba' ñʌch'ʌl mi la cajñel. Che' tsi' yʌlʌ Zacarías.

Lucas 19:38

Tsi' yʌlʌyob: La' sujbic a ñuclel, Reyet mu' bʌ a tilel ti' c'aba' lac Yum. Ñʌch'ʌl i pusic'al jini am bʌ ti panchan. Ñuc jini am bʌ ti chan, che'ob.

Lucas 2:13

Ti ora tsa' tsictiyi yic'ot jini ángel wen cabʌlob ch'oyolo' bʌ ti panchan, woli bʌ i subob i ñuclel Dios.

Lucas 2:15

Che' bʌ tsa' cha' majliyob ángelob ti panchan, jini xcʌnta tiñʌme'ob tsi' subeyob i bʌ: Conixla ti Belén cha'an mi laj q'uel ili tsa' bʌ ujti tsa' bʌ subentiyonla cha'an lac Yum, che'ob.

Lucas 3:22

Tsa' jubi tilel jini Ch'ujul bʌ Espíritu ba'an Jesús. Che' yilal che' bajche' x'ujcuts. Tsa' tili t'an ch'oyol bʌ ti panchan. Tsi' subu: Jatet Calobilet mu' bʌ j c'uxbin. Wen uts'at mij q'uelet, che'en.

Juan 14:27

Mic ñʌch'chocobeñetla la' pusic'al. Jiñʌch i ñʌch'tilel c pusic'al mu' bʌ cʌq'ueñetla. Mach lajalic bajche' mi la' taj ti pañimil. Mach la' mel la' pusic'al. Mach la' cha'len bʌq'uen.

Juan 17:4

Tsac pʌsʌ a ñuclel ila ti pañimil. Tsa'ix c ts'ʌctesa jini e'tel tsa' bʌ a wʌq'ueyon cha'an mic mel.

Juan 3:16

Come che'i tsi' wen c'uxbi jini año' bʌ ti pañimil Dios. Tsi' yʌc'ʌ cojach bʌ i Yalobil. Majqui jach mi' ñop i Yalobil, ma'anic mi' sajtel. Mi' taj i cuxtʌlel mach bʌ anic mi' jilel.

Hechos 10:36

Dios tsi' choco tilel i t'an ba'an israelob. Tsi' subeyob jini wen t'an cha'an mi' tajob i ñʌch'tilel i pusic'al ti Jesucristo, jiñʌch i Yum pejtelel winicob.

Romanos 5:1

Dios tsa'ix i ñusʌbeyonla lac mul. Tsa'ix i yotsayonla ti' wenta cha'an tsa' lac ñopo Cristo. Ma'anix woli laj contrajin Dios, come tsi' yuts'esayonla lac Yum Jesucristo.

Efesios 1:6

La' lac sub i ñuclel Dios cha'an i yutslel i pusic'al tsa' bʌ i yʌq'ueyonla ti lac majtan ti' tojlel c'uxbibil bʌ i Yalobil.

Efesios 1:9

Tsi' mele ti pejtelel che' bajche' yom i pusic'al. Tsi' tsictesʌbeyonla chuqui wʌn ña'tʌbil i cha'an mach bʌ tsictiyemic ti yambʌ ora tsa' bʌ i bajñel ña'ta i yujtesan ti Cristo.

Efesios 2:4

Pero cabʌl tsi' p'untayonla Dios, cabʌl tsi' c'uxbiyonla.

Efesios 2:7

cha'an mi' pʌs ti pejtelel ora bajche' tsi' p'untayonla ti on bʌ i yutslel i pusic'al, che' bʌ tsi' pʌsbeyonla i c'uxbiya ti Cristo Jesús.

Filipenses 2:11

Ti pejtelelob mi caj i yʌlob Yumʌlʌch Jesucristo cha'an mi' tsictesañob i ñuclel Dios lac Tat.

Filipenses 2:13

Come Dios woli' mel i ye'tel ti la' pusic'al cha'an mi la' mulan yic'ot cha'an mi la' mel chuqui yom Dios.

Colosenses 1:20

Cha'an ti' caj i ye'tel Cristo, Dios tsi' yuts'esa pejtelel chuqui an ti pañimil yic'ot panchan. Cristo tsi' ñʌch'choco pejtelel mu' bʌ i contrajin Dios che' bʌ tsa' bejq'ui i ch'ich'el ti cruz.

2 Tesalonicenses 2:16

Jini lac Yum Jesucristo, yic'ot Dios lac Tat tsa' bʌ i c'uxbiyonla, jini tsa' bʌ i yʌq'ueyonla i ñuclel lac pusic'al mach bʌ anic mi' jilel yic'ot wen bʌ lac pijtaya ti' yutslel i pusic'al,

Apocalipsis 5:13

Tsa cubi woli ti t'an pejtelel melbil tac bʌ am bʌ i cuxtʌlel ti panchan yic'ot ti pam lum, yic'ot ti yebal lum, yic'ot ti colem ñajb, yic'ot pejtelel chuqui tac an ti pañimil. Tsi' yʌlʌyob: La' lac sub i ñuclel yic'ot i c'uxbintel yic'ot i sʌclel, yic'ot i p'ʌtʌlel, ti pejtelel ora, jini buchul bʌ ti' yumʌntel yic'ot jini Tiñʌme', che'ob.