Lucas 18:14 - Chol: I T’an Dios

¹⁴ Mic subeñetla: Dios tsi' q'uele ti toj ili winic che' bʌ tsa' jubi majlel ti' yotot. Pero ma'anic tsi' q'uele ti toj jini yambʌ. Come majqui jach chan mi' mel i bʌ mi caj i peq'uesʌntel. Majqui jach pec' mi' mel i bʌ, mi caj i chan'esʌntel, che'en Jesús.

Jiñi Tsiji' bʌ Wen T'añ cha'añ Estudio

¹⁴ Mic su'beñetla: Dios tsi' q'uele ti toj ili wiñic che' bʌ tsa' ju'bi majlel ti' yotot. Pero ma'añic tsi' q'uele ti toj jiñi yam bʌ. Come majqui jach chañ mi' mel i bʌ mi caj i peq'uesʌntel, majqui jach pec' mi' mel i bʌ, mi caj i chañ-esʌntel, che'en Jesús.

Chol de Tumbalá Bible

¹⁴ Mic subeñetla: Dios tsi' q'uele ti toj ili winic che' bʌ tsa' jubi majlel ti' yotot. Pero ma'anic tsi' q'uele ti toj jini yambʌ. Come majqui jach chan mi' mel i bʌ mi caj i peq'uesʌntel. Majqui jach pec' mi' mel i bʌ, mi caj i chan'esʌntel, che'en Jesús.

Jiñi Tsiji' bʌ Wen T'añ cha'añ Estudio

¹⁴ Mic su'beñetla: Dios tsi' q'uele ti toj ili wiñic che' bʌ tsa' ju'bi majlel ti' yotot. Pero ma'añic tsi' q'uele ti toj jiñi yam bʌ. Come majqui jach chañ mi' mel i bʌ mi caj i peq'uesʌntel, majqui jach pec' mi' mel i bʌ, mi caj i chañ-esʌntel.

Chol Tila

¹⁴ Mic subeñetla: Jini xch'ʌm tyojoñel ti q'uejli ti tyoj ti Dios che' ñac ti sujti majlel ti yotyot. Pero mach che'ic jini fariseo. Como jini mu' bʌ i pʌt i bʌ ti ñuc mi quejel i ju'sʌntyel. Pero jini mu' bʌ i ju'san i bʌ mi quejel i ñuc isʌntyel. Che' ti' cha'le cʌntisʌ Jesús.

Lucas 18:14 Iomraidhean Croise

Job 22:29

Come Dios mi' ju'sʌben i pusic'al jini chaño' bʌ yic'ot p'ʌtʌlo' bʌ. Pero mi' yʌq'uen i ñuclel jini uts bʌ i pusic'al. Dios mi caj i coltan.

Job 25:4

¿Tojo' ba ti' wut Dios winicob tilemo' bʌ ti x'ixicob? ¿Mach ba lu' anic i mul tsa' bʌ i yilayob pañimil?

Job 9:20

Tsa'ic cʌ'le tsac taja c mul, anquese ma'anic c mul. Cujil tojon pero mach tojonic tsa'ic c tiq'ui.

Salmos 138:6

Anquese wen ñuc lac Yum ti chan, mi' ña'tan jini mu' bʌ i peq'uesañob i bʌ, Pero mi' ñajti q'uel jini chan bʌ mi' melob i bʌ.

Salmos 143:2

A winicon, mach a melon. Come awujil ma'anic toj bʌ winic.

Exodo 18:11

Cujilix ñuc lac Yum, mach ñuquic dioste' tac, come ñuc tsi' pʌsʌ i bʌ lac Yum ti' tojlel jini egiptojob tsa' bʌ i chañ'esayob i bʌ, che'en.

Proverbios 15:33

Cʌntesʌbil i pusic'al jini mu' bʌ i bʌc'ñan lac Yum. Yujil bajche' yom i mel. Jini uts bʌ i pusic'al mi caj i c'uxbintel.

Proverbios 18:12

Ñuc mi' lon q'uel i bʌ jini mu' bʌ caj i yʌjq'uel ti quisin. Utsʌch i pusic'al jini mu' bʌ caj i wa'chocontel.

Proverbios 25:7

Uts'at mi tsa' subentiyet buchtʌl ya'i. Quisintic jax mi tsa' subentiyet loq'uel ti' tojlel i yalobil rey che' bʌ tsa'ix ochi a q'uel.

Proverbios 29:23

Jini mu' bʌ i chañ'esan i bʌ mi cajel i q'uejlel ti pec'. Jini mu' bʌ i peq'uesan i bʌ mi cajel i q'uejlel ti ñuc.

Proverbios 3:34

Lac Yum mi' ts'a'len jini sts'a'leya. Mi' pʌsben i yutslel i pusic'al jini uts bʌ.

Eclesiastes 9:7

Jini cha'an, cucu, cha'len we'el yic'ot uch'el yic'ot i tijicñʌyel a pusic'al. Come tsa'ix i q'uele Dios pejtel a melbal.

Isaias 45:25

Mi caj j q'uel ti toj pejtel mero isujm bʌ i p'olbal Israel. Mi caj i mʌjlel i cha'añob, che'en lac Yum.

Isaias 53:11

Mi caj i taj i tijicñʌyel i pusic'al cha'an tsi' colta cabʌlob, cha'an tsa' mʌjli i cha'an che' bʌ tsi' yubi wocol. C winicʌch jini toj bʌ. Che' cʌmbilix i cha'an winicob mi caj i yʌc'ob ti q'uejlel ti toj, come i bajñel mi caj i cuchbeñob i mul.

Isaias 57:15

Jini cuxul bʌ ti pejtelel ora, Ch'ujul Bʌ i c'aba', woli i yʌl: Joñon chumulon ti chan ti Ch'ujul bʌ Cajñib, pero wʌ' chumulon ja'el yic'ot jini mu' bʌ i mel i bʌ ti pec', yic'ot jini am bʌ i wocol. Mic ñuq'uesʌben i pusic'al jini uts bʌ. Mi cʌq'uen i tijicñʌyel jini am bʌ ti c'oj'ol.

Isaias 66:2

Pejtelel iliyi joñon tsac mele yic'ot j c'ʌb. Tsa' jach caji ti ajñel cha'an jach com, che'en lac Yum. Majqui jach uts i pusic'al mi caj j q'uel ti uts'at. Che' ju'sʌbilix i pusic'al mi' bʌc'ñañon, mi' jac'beñon c t'an.

Daniel 4:37

Jini cha'an, joñon Nabucodonosor, mic ch'ujutesan, mic ñuq'uesan, mij q'uel ti ñuc jini Yumʌl am bʌ ti panchan. Pejtelel chuqui mi' mel utsat, toj ja'el. An i p'ʌtʌlel cha'an mi' peq'uesan jini mu' bʌ i chañ'esañob i bʌ. Che' tsi' yʌlʌ Nabucodonosor.

Habacuc 2:4

Jini jontolo' bʌ mi' bajñel q'uelob i bʌ ti ñuc. Mi' lon chañ'esañob i bʌ, pero mi caj i jilelob. Pero jini toj bʌ mi' q'uelon ti ñuc. Mi caj i cuxtʌyel.

Mateo 23:12

Majqui jach chan mi' mel i bʌ mi caj i peq'uesʌntel. Majqui jach pec' mi' mel i bʌ, mi caj i chañ'esʌntel.

Mateo 5:3

Tijicña jini mu' bʌ i ña'tañob ma'anic i bajñel wenlel ti' pusic'al, come i cha'añob i yumʌntel jini am bʌ ti panchan.

Lucas 1:52

Tsi' chilbeyob i ye'tel jini tsa' bʌ buchleyob ti ñuc bʌ i ye'tel. Tsi' yʌq'ueyob i ñuclel jini mach bʌ ñucobic.

Lucas 10:29

Jini winic yom i q'uel i bʌ ti toj, jini cha'an tsi' sube: ¿Majqui c pi'ʌlob? che'en.

Lucas 14:11

Majqui jach chan mi' mel i bʌ mi caj i peq'uesʌntel. Majqui pec' mi' mel i bʌ mi caj i chañ'esʌntel. Che' tsi' yʌlʌ Jesús.

Lucas 16:15

Jesús tsi' subeyob: Jatetla, la' wom la' q'uejlel ti toj cha'an winicob. Dios mi' cʌn la' pusic'al. Chuqui tac mi' q'uelob ti ñuc winicob x'ixicob, ts'a' mi' q'uel Dios, che'en.

Romanos 3:20

Jini cha'an mach cha'anic i jac'ol mandar mi' ñusʌbeñonla lac mul Dios che' mi' yotsañonla ti' wenta. Come jini mandar mi' yʌq'ueñonla lac ña'tan lac mul.

Romanos 4:5

Pero Dios mi' ñusʌbeñob i mul jini mach bʌ tojobic mu' bʌ i ñopob. Mi' yotsañob ti' wenta. Dios mi' q'uelob ti toj cha'an jach tsi' ñopoyob, mach cha'anic ti wen bʌ i melbal.

Romanos 5:1

Dios tsa'ix i ñusʌbeyonla lac mul. Tsa'ix i yotsayonla ti' wenta cha'an tsa' lac ñopo Cristo. Ma'anix woli laj contrajin Dios, come tsi' yuts'esayonla lac Yum Jesucristo.

Romanos 8:33

¿Majqui mi mejlel i sub i mul jini yajcʌbilo' bʌ i cha'an Dios? Ma'anic majqui. Jini mu' bʌ i ñusʌbeñonla lac mul, mu' bʌ i yotsañonla ti' wenta jiñʌch Dios.

Gálatas 2:16

Pero la cujil che' mi' ñopob Cristo mi' ñusʌbentelob i mul. Dios mi' yotsañob ti' wenta cha'an tsi' ñopoyob, mach cha'anic i jac'ol mandar. Mi' yotsañonla ti' wenta ja'el che' mi lac ñop Cristo. Mi' ñusʌbeñonla lac mul cha'an tsa' lac ñopo, mach cha'anic i jac'ol mandar.

Santiago 4:10

Mele la' bʌ ti pec' ti' wut lac Yum. Che' jini mi caj i chañ'esañetla.

Santiago 4:6

Cabʌl mi' yʌq'ueñonla lac p'ʌtʌlel cha'an mi' mʌjlel lac cha'an. Jini cha'an mi' yʌl: “Dios mi' contrajin jini mu' bʌ i chañ'esañob i bʌ, pero mi' p'ʌt'esan jini mu' bʌ i peq'uesañob i bʌ”, che'en.

1 Samuel 1:18

Che' jini Ana tsi' yʌlʌ: La' c taj i yutslel a pusic'al. Che' jini tsa' majli. Tsi' c'uxu waj, lajmenix i ch'ijiyemlel i pusic'al.