Lucas 18:13 - Chol: I T’an Dios

¹³ Jini xch'ʌm tojoñel ñajt to an. Mach yomic i letsan i wut ti panchan. Tsi' jats'ʌ i tajn. Tsi' yʌlʌ: “Dios, p'untañon, xmulilon”, che'en.

Jiñi Tsiji' bʌ Wen T'añ cha'añ Estudio

¹³ Pero jiñi xch'ʌm tojoñel ñajt to añ, mach yomic i letsan i wut ti panchan, tsi' jats'ʌ i tajñ, tsi' yʌlʌ: “Dios, p'untañon, xmulilon”, che'en.

Chol de Tumbalá Bible

¹³ Jini xch'ʌm tojoñel ñajt to an. Mach yomic i letsan i wut ti panchan. Tsi' jats'ʌ i tajn. Tsi' yʌlʌ: “Dios, p'untañon, xmulilon”, che'en.

Jiñi Tsiji' bʌ Wen T'añ cha'añ Estudio

¹³ Pero jiñi xch'ʌm tojoñel ñajt to añ, mach yomic i letsan i wut ti panchan, tsi' jats'ʌ i tajñ, tsi' yʌlʌ: “Dios, p'untañon, xmulilon.”

Chol Tila

¹³ Pero jini xch'ʌm tyojoñel ñajti wa'al mach'ʌ ba'an ti letsʌ i wut ti chan pero ti' jats'ʌ i tyajn. Ti yʌlʌ: Dios, p'untyañon, xmulilon, che'en.

Lucas 18:13 Iomraidhean Croise

2 Samuel 12:13

David tsi' sube: Tsa'ix c cha'le mulil ti' contra lac Yum, che'en. Natán tsi' sube: Lac Yum tsa'ix i ñusʌbeyet a mul. Ma'anic ma' cajel ti chʌmel.

2 Cronicas 33:19

Laj ts'ijbubil ti' juñilel jini x'alt'añob i yoración Manasés, yic'ot i p'untʌntel ti Dios, yic'ot pejtelel i mul che' bʌ tsi' ñusʌbe i t'an Dios, yic'ot i c'aba' jini tejclum tac ba' tsi' wa'choco pulʌntib, yic'ot ba' tsi' mele jini dios Asera yic'ot yan tac bʌ dioste' che' maxto anic tsi' peq'uesa i bʌ.

2 Cronicas 33:23

Pero ma'anic tsi' peq'uesa i bʌ ti' wut lac Yum che' bajche' i tat. Tsa' caji i yutsi mel chuqui jontol ti' wut lac Yum.

Esdras 9:6

Tsac sube ti oración: C Dios, ch'ijiyem c pusic'al. Quisintic jax woli cubin, come tsa'ix wen p'ojli c mul lojon. Tsa'ix c'ʌlʌ c'oti ti panchan yubil i yonlel c sajtemal lojon.

Job 42:6

Jini cha'an mic ts'a'len c bʌ. Mic tsic c pusic'al cha'an c mul. Mij q'uel c bʌ ti pec'. Mic buchtan lum. Mic mujlan c bʌ ti' tʌñil c'ajc, che'en Job.

Salmos 106:6

Tsa'ix lac cha'le mulil yic'ot lac tat, An lac mul, tsa' lac cha'le jontolil.

Salmos 119:41

C Yum, pʌsbeñon i yutslel a pusic'al. Coltañon che' bajche' tsa' subu.

Salmos 130:7

Israelet bʌ la, pijtan lac Yum, Come an laj c'uxbintel ti lac Yum. Tsi' mʌñʌyonla. Tsi' wen coltayonla.

Salmos 25:11

Cha'an ma' wʌc' ti cʌjñel a c'aba', C Yum, ñusʌbeñon c mul come cabʌl.

Salmos 25:7

Mach a melon cha'an c mul tsa' bʌ c mele che' ch'itoñon to. Mach a melon cha'an tsac ñusa a mandar. Yom ma' ña'tañon ti a c'uxbiya, ti' yutslel a pusic'al.

Salmos 40:12

Tsa' wen p'ojli wocol tic tojlel. Jini c jontolil tsi' yʌc'ʌyon ti wocol. Mach cujilix chuqui yom mic mel. Ñumen on c mul ti tsicol bajche' i tsutsel c jol. Tsiltsilña c pusic'al.

Salmos 41:4

Jixcu joñon, c Yum, a wocolic pʌsbeñon i yutslel a pusic'al. Ñusʌbeñon c mul come tsac cha'le mulil ti a contra.

Exodo 33:10

Che' jini pejtelel jini winicob tsi' q'ueleyob jini wa'al bʌ Tocal ya' bʌ an ti' jini Tabernáculo. Ti pejtelel ora che' mi' q'uelob jini, mi' tejchelob ti' ti' i yotot cha'an mi' ch'ujutesañob lac Yum.

Isaias 1:18

Woli' chʌn al lac Yum: La' cula, la' lac tem cha'len t'an. Anquese wen chʌcts'eran jini la' mul, lajal mi caj i sujtel bajche' ña'al tsʌñal. Anquese wen chʌchʌc jini la' mul, lajal mi caj i sujtel bajche' wen sʌsʌc bʌ tsuts.

Isaias 6:5

Joñon tsa cʌlʌ: Obol jax c bʌ come sajtemon. Come tsa'ix j q'uele tic wut c Rey, i Yum Panchan yic'ot Pañimil. Xmulilon, bibi' c t'an, tem chumulon quic'ot winicob bibi' bʌ i t'an, cho'on.

Isaias 66:2

Pejtelel iliyi joñon tsac mele yic'ot j c'ʌb. Tsa' jach caji ti ajñel cha'an jach com, che'en lac Yum. Majqui jach uts i pusic'al mi caj j q'uel ti uts'at. Che' ju'sʌbilix i pusic'al mi' bʌc'ñañon, mi' jac'beñon c t'an.

Ezequiel 16:63

Che' ma' ña'tañon mi caj i toj sajtel a pusic'al. Ma'anix chuqui mi caj a wʌl come cabʌl mi caj a wubin quisin che' mic subeñet pejtelel a mul”. Che' yom ma' subeñob, che'en lac Yum Dios.

Daniel 9:5

Tsa'ix c cha'le lojon mulil yic'ot jontolil. Tsac ñusa lojon a t'an.

Mateo 10:3

Felipe, Bartolomé, Tomás, Mateo jini xch'ʌm tojoñel, Jacobo i yalobil Alfeo, yic'ot Lebeo, jini am bʌ i jol i c'aba' Tadeo,

Mateo 6:5

Che' ma' cha'len oración, mach a cha'len che' bajche' jini cha'chajp jax bʌ i pusic'al mu' bʌ i mulan i cha'leñob oración che' wa'alob ti sinagoga tac yic'ot ti' xujc calle cha'an mi' q'uejlelob. Isujm mic subeñetla tsa'ix i tajayob i chobejtʌbal.

Mateo 9:13

Cucula. Ñopola i sujmlel jini t'an: “Com mi la' cha'len p'untaya, mach comic mi la' wʌq'ueñon c majtan”. Come ma'anic tsa' tili c pʌy jini tojo' bʌ i pusic'al. Tsa' tili c pʌy xmulilob cha'an mi' cʌyob i mul. Che' tsi' yʌlʌ Jesús.

Marcos 11:25

Che' woliyetla ti oración, mi an chuqui lotol ti la' pusic'al ti' contra juntiquil, ñusʌben i mul cha'an mi' ñusʌbeñetla la' mul la' Tat am bʌ ti panchan.

Lucas 17:12

Che' bʌ tsa' ochi ti jump'ejl tejclum, awilan tsa' tili i tajob Jesús lujuntiquil winicob año' bʌ leco bʌ i tsoy. Ñajt to tsa' wa'leyob.

Lucas 22:41

Tsi' ts'ita' xʌñʌ majlel che' i ñajtlel bajche' mi' chojquel xajlel. Tsa' ñocle. Tsi' cha'le oración.

Lucas 23:48

Che' bʌ tsi' q'ueleyob pejtelel winicob x'ixicob ya' bʌ tempʌbilob, ch'ijiyemob i pusic'al cha'an chuqui tsa' ujti. Tsa' sujtiyob.

Lucas 5:8

Che' bʌ tsi' q'uele Simón Pedro, tsi' ñocchoco i bʌ ba'an Jesús. Tsi' sube: Loq'uen tic tojlel c Yum, come xmulilon, che'en.

Hechos 2:37

Che' bʌ tsa'ix ujti i yubiñob jini t'an, ch'ijiyem i pusic'al tsa' cʌleyob. Tsi' c'ajtibeyob Pedro yic'ot yambʌ apóstolob: Winicob, c pi'ʌlob, ¿chuqui yom mic cha'len lojon? che'ob.

Romanos 5:8

Pero tsa' chʌmi Cristo cha'añonla che' xmulilon tola. Che' jini, Dios tsi' pʌsbeyonla c'ux mi' yubiñonla.

2 Corintios 7:11

La' wilan, uts'at tsa' ujtiyetla cha'an ti' ch'ijiyemlel la' pusic'al ch'oyol bʌ ti Dios. Tsa' la' toj'esa la' bʌ ti jump'ejl la' pusic'al. Tsa' caji la' ts'a'len mulil. Tsa' la' cha'le bʌq'uen. Cabʌl tsa' caji la' cha' c'uxbiñon. Tsa' bʌx'ayetla. Tsa' la' ju'sʌbeyob i pusic'al jini año' bʌ i mul. Ti pejtelel tsa' bʌ la' cha'le tsa' la' pʌsʌ la' bʌ ti toj.

1 Timoteo 1:15

Cristo Jesús tsa' tili wʌ' ti pañimil cha'an mi' coltan xmulilob. Isujm ili t'an. Uts'at mi' ñojpel ti pejtelel pañimil. Joñon ñumen xmulilon bajche' yaño' bʌ.

Hebreos 4:16

Jini cha'an yom ch'ejl lac pusic'al mi lac lʌc'tesan lac bʌ ba'an i buchlib Dios ba' mi' pʌsbeñonla i yutslel i pusic'al. Ya'i mi caj lac p'untʌntel. Mi caj laj coltʌntel ti' yutslel i pusic'al che' an wocol ti lac tojlel.

Hebreos 8:12

come mi caj c ñusʌbeñob i mul. Ma'anic mi caj c chʌn ña'tʌbeñob i jontolil”. Che' tsi' yʌlʌ Dios.