Lucas 18:11 - Chol: I T’an Dios

¹¹ Wa'al jini fariseo woli ti oración ti' bajñelil. Tsi' yʌlʌ: “Wocolix a wʌlʌ Dios, come mach lajalonic bajche' yaño' bʌ. Xujch'ob, mach tojobic i pusic'al. Mi' cha'leñob i ts'i'lel. Mach lajalonic ja'el bajche' jini xch'ʌm tojoñel.

Jiñi Tsiji' bʌ Wen T'añ cha'añ Estudio

¹¹ Wa'al jiñi fariseo woli ti oración ti' bajñelil, tsi' yʌlʌ: “Wocolix a wʌlʌ Dios, come mach lajaloñic bajche' yaño' bʌ wiñicob: Xujch'o' bʌ, mach bʌ tojobic i pusic'al, xts'i'lelob, mach lajaloñic ja'el bajche' jiñi xch'ʌm tojoñel,

Chol de Tumbalá Bible

¹¹ Wa'al jini fariseo woli ti oración ti' bajñelil. Tsi' yʌlʌ: “Wocolix a wʌlʌ Dios, come mach lajalonic bajche' yaño' bʌ. Xujch'ob, mach tojobic i pusic'al. Mi' cha'leñob i ts'i'lel. Mach lajalonic ja'el bajche' jini xch'ʌm tojoñel.

Jiñi Tsiji' bʌ Wen T'añ cha'añ Estudio

¹¹ Wa'al jiñi fariseo woli ti oración ti' bajñelil, tsi' yʌlʌ: “Wocolix a wʌlʌ Dios, come mach lajaloñic bajche' yaño' bʌ wiñicob: xujch'o' bʌ, mach bʌ tojobic i pusic'al, xts'i'lelob, mach lajaloñic ja'el bajche' jiñi xch'ʌm tojoñel,

Chol Tila

¹¹ Jini fariseo bʌ winic ti wa'le ya' ti templo. Ti oración ti yʌlʌ: Dios, mic subeñet wocox a wʌlʌ como mach che'ic añon bajche' yaño' bʌ mu' bʌ i cha'leñob xujch', simaronlel yic'ot mu' bʌ i pejcan yambʌ x'ixic mi añonic bajche' ili xch'ʌm tyojoñel, che'en.

Lucas 18:11 Iomraidhean Croise

Salmos 134:1

La'la, ch'ujutesan lac Yum pejtel i winicob Mu' bʌ la' wa'tʌl ti' tojlel lac Yum che' ti ac'ʌlel.

Salmos 135:2

C'uxbinla jatetla mu' bʌ la' c'otel ti wa'tʌl ti' yotot lac Yum.

Proverbios 20:6

Cabʌlob mi poj pʌsob i bʌ ti uts, pero ¿am ba juntiquil uts bʌ i pusic'al ti pejtelel ora? Wocol ti tajol.

Proverbios 30:12

An mu' bʌ i lon q'uelob i bʌ ti sʌc anquese mach pocbilic loq'uel i bibi'lel.

Isaias 1:15

Che mi la' lon letsan la' c'ʌb tic tojlel cha'an mi la' pejcañon ti oración, mux caj c mʌy c wut. Anquese cabʌl mi la' cha'len oración, mi wisilic mi caj c jac'beñetla cha'an ti' caj stsʌnsajetla, xbec' ch'ich'etla.

Isaias 58:2

Ti jujump'ejl q'uin mi' sʌclañoñob yilal. Tijicñayob cha'an cʌntesʌbilob tic bijlel. Mi' lon pʌsob i bʌ che' bajche' winic toj bʌ i melbal xuc'ul bʌ i pusic'al quic'ot. Mi' c'ajtibeñoñob i cʌntesʌntel ti mandar. Tijicñayob mi' ñochtañoñob.

Isaias 65:5

Mi' lon subeñob i bʌ: “Cʌlen ya'i, mach a tʌlon, come wen sʌcon. Bibi'et”, che'ob. Jini winicob mi' techbeñoñob c mich'ajel.

Jeremias 2:28

Sʌclan a diosob tsa' bʌ a mele. ¿Baqui añob che' ti' yorajlel a wocol? La' ch'ojyicob che' woliyet ti wocol, mi yujilob coltaya. Tsiqui a diosob, Judá. Wen cabʌlob ti tsic che' bajche' a tejclumob.

Jeremias 2:35

Pero wola' chʌn al: “Uts'at añon. Mach talic i mich'ajel Dios tic tojlel”, lon che'et. Awilan mi caj c pʌyet ti meloñel cha'an tsa' wʌlʌ ma'anic a mul.

Ezequiel 33:31

Che' jini motocña mi' tilelob ti a tojlel. Mi' buchtʌlob cha'an mi' yubiñob a t'an, pero ma'anic mi' jac'ob. Mach yomobic i mel chuqui mic subeñob. “Uts'at i t'an”, lon che'ob, pero ti' pusic'alob woli jach i ña'tañob bajche' mi' tajob taq'uin.

Miqueas 3:11

Mi la' tempan la' chubʌ'an ya' ti Jerusalén ti' caj la' xujch'. Jini am bʌ i ye'tel mi' to'ol ñusan jontolil che' on mi' yʌq'uentel taq'uin. Jini motomajob yic'ot jini x'alt'añob mi' cha'leñob cʌntesa cha'an jach i mulʌntel taq'uin. Pero mi' lon alob: “Añonla ti' wenta lac Yum. Mach talic wocol ti lac tojlel”, lon che'ob.

Mateo 10:3

Felipe, Bartolomé, Tomás, Mateo jini xch'ʌm tojoñel, Jacobo i yalobil Alfeo, yic'ot Lebeo, jini am bʌ i jol i c'aba' Tadeo,

Mateo 5:20

Come mic subeñetla, mi mach ñumen tojic la' pusic'al bajche' sts'ijbayajob yic'ot fariseojob, ma'anic mi caj la' wochel ti' yumʌntel jini am bʌ ti panchan.

Mateo 6:5

Che' ma' cha'len oración, mach a cha'len che' bajche' jini cha'chajp jax bʌ i pusic'al mu' bʌ i mulan i cha'leñob oración che' wa'alob ti sinagoga tac yic'ot ti' xujc calle cha'an mi' q'uejlelob. Isujm mic subeñetla tsa'ix i tajayob i chobejtʌbal.

Marcos 11:25

Che' woliyetla ti oración, mi an chuqui lotol ti la' pusic'al ti' contra juntiquil, ñusʌben i mul cha'an mi' ñusʌbeñetla la' mul la' Tat am bʌ ti panchan.

Lucas 20:47

Mi' chilbeñob i yotot meba' x'ixicob. Mi' melob tam bʌ oración cha'an mi' lon q'uejlelob ti uts'at.

Lucas 22:41

Tsi' ts'ita' xʌñʌ majlel che' i ñajtlel bajche' mi' chojquel xajlel. Tsa' ñocle. Tsi' cha'le oración.

Gálatas 3:10

Come pejtelel mu' bʌ i ñopob i coltañob i bʌ ti' jac'ol jini mandar mi caj i chojquelob ti Dios. Come ts'ijbubil: “Mux i chojquelob ti Dios pejtelel mu' bʌ i wis cʌyob i mel ti ts'ʌcʌl chuqui tac ts'ijbubil ti' juñilel jini mandar”.

Filipenses 3:6

Cabʌl tsac tic'la xñopt'añob mu' bʌ i tempañob i bʌ. Ma'anic c mul ti' tojlel jini mandar.

Apocalipsis 3:17

Mi la' lon al: Wen chumulon lojon. Cabʌl tsa' p'ojli c chubʌ'an. Ma'anic chuqui an to yom c cha'an lojon, che'etla. Ma'anic mi la' ña'tan mach wen chumuleticla, c'ax p'ump'uñetla, ma'anic la' chubʌ'an, xpots'etla, pits'iletla yilal.