Lucas 17:20 - Chol: I T’an Dios

²⁰ Jini fariseojob tsi' c'ajtibeyob Jesús baqui ora mi caj i tilel i yumʌntel Dios. Jesús tsi' subeyob: Mach tsiquilic mi caj i tilel i yumʌntel Dios.

Jiñi Tsiji' bʌ Wen T'añ cha'añ Estudio

²⁰ Jiñi fariseojob tsi' c'ajtibeyob Jesús baqui ora mi caj i tilel i yumʌntel Dios. Jesús tsi' jac'beyob, tsi' yʌlʌ: —Mach tsiquilic mi caj i tilel i yumʌntel Dios.

Chol de Tumbalá Bible

²⁰ Jini fariseojob tsi' c'ajtibeyob Jesús baqui ora mi caj i tilel i yumʌntel Dios. Jesús tsi' subeyob: Mach tsiquilic mi caj i tilel i yumʌntel Dios.

Jiñi Tsiji' bʌ Wen T'añ cha'añ Estudio

²⁰ Jiñi fariseojob tsi' c'ajtibeyob Jesús baqui ora mi caj i tilel i yumʌntel Dios. Jesús tsi' jac'beyob, tsi' yʌlʌ: —Mach tsiquilic mi caj i tilel i yumʌntel Dios.

Chol Tila

²⁰ Jini fariseojob ti' c'ajtibeyob Jesús baqui bʌ ora mi quejel i cha'len yumʌl Dios. Jesús ti' subeyob: Mach tsiquil ti la' wut mi quejel i cha'len yumʌl Dios.

Lucas 17:20 Iomraidhean Croise

Daniel 2:44

Che' woliyob ti yumʌntel, jini Dios am bʌ ti panchan mi caj i wa'chocon yambʌ Yumʌl, mach bʌ yujilic jilel. Mi caj i mʌjlel i cha'an. Mi caj i laj jisan pejtel jini yumʌlob. Mi caj i yajñel ti pejtelel ora.

Zacarias 4:6

Che' jini tsi' yʌlʌ: Jiñʌch i t'an lac Yum tsa' bʌ i sube Zorobabel. Woli' yʌl: “Mach ti' p'ʌtʌlelic winicob, mi ti' ña'tibalic winicob mi caj i mejlel que'tel, pero ti' p'ʌtʌlel quEspíritu”. Che' tsi' yʌlʌ i Yum Panchan yic'ot Pañimil.

Lucas 10:11

“Jini ts'ubejn tsa' bʌ i toybeyon lojon coc ti la' tejclum mic tijcan loq'uel cha'an i yejtal la' contrajintel. Ña'tanla lʌc'ʌlix i yumʌntel Dios”. Che' yom mi la' sub.

Lucas 14:1

Ti jump'ejl i q'uiñilel c'aj o che' bʌ tsa' ochi Jesús ti c'ux waj ti' yotot fariseo am bʌ i ye'tel ti yumʌl, jini winicob tsi' chʌcʌ q'ueleyob.

Lucas 16:16

Tsa' sujbi mandar yic'ot i t'an tac x'alt'añob jinto tsa' tili Juan. Wʌle wolix i sujbel i yumʌntel Dios. Pejtelel winicob x'ixicob mi' cha'leñob wersa cha'an mi' yochelob.

Lucas 19:11

Che' bʌ tsi' yubibeyob i t'an Jesús che' lʌc'ʌlix an ti Jerusalén, Jesús tsa' caji i subeñob lajiya, come tsi' lon ña'tayob mux caj i tsictiyel i yumʌntel Dios ti ora.

Juan 18:36

Jesús tsi' jac'ʌ: Mach wʌ'ic ch'oyol c yumʌntel ti pañimil. Wʌ'ic ch'oyol tsa'ʌch i cha'leyob guerra c winicob cha'an ma'anic mi cʌjq'uel ti' c'ʌb judíojob. Pero mach wʌ'ic ch'oyol c yumʌntel, che'en Jesús.