Lucas 16:8 - Chol: I T’an Dios

⁸ I yum tsa' caji i sub i ñuclel jini jontol bʌ i yaj choñoñel, come maña jax bajche' tsi' mele. Come i cha'año' bʌ pañimil ñumen maña i melbal ti' tojlel i pi'ʌlob bajche' i cha'año' bʌ i sʌclel pañimil.

Jiñi Tsiji' bʌ Wen T'añ cha'añ Estudio

⁸ I yum tsa' caji i su'b i ñuclel jiñi jontol bʌ i yaj e'tel, come mayajax bajche' tsi' mele. Come i cha'año' bʌ pañimil ñumen mayajax i melbalob ti' tojlel i pi'ʌlob bajche' i cha'año' bʌ i sʌclel pañimil.

Chol de Tumbalá Bible

⁸ I yum tsa' caji i sub i ñuclel jini jontol bʌ i yaj choñoñel, come maña jax bajche' tsi' mele. Come i cha'año' bʌ pañimil ñumen maña i melbal ti' tojlel i pi'ʌlob bajche' i cha'año' bʌ i sʌclel pañimil.

Jiñi Tsiji' bʌ Wen T'añ cha'añ Estudio

⁸ I yum tsa' caji i su'b i ñuclel jiñi jontol bʌ i yaj e'tel, come mayajax che' bajche' tsi' mele. Come i cha'año' bʌ pañimil ñumen mayajax i melbal ti' tojlel i pi'ʌlob bajche' i cha'año' bʌ i sʌclel pañimil.

Chol Tila

⁸ Jini rico bʌ winic ti' subu i ñuclel jini i yajchoñoñel cha'an wen yujil bajche' mi' cha'len. I tyʌlelʌch quixtyañujob mach bʌ ba'an mi' ch'ujbin Dios mi' más ña'tyan bajche' mi' cha'libeñob i bʌ.

Lucas 16:8 Iomraidhean Croise

Genesis 3:1

Ñumen p'ip' i pusic'al jini lucum bajche' pejtelel yan tac bʌ bʌte'el tsa' bʌ i mele lac Yum Dios. Jini lucum tsi' sube jini x'ixic: ¿Isujm ba tsi' yʌlʌ Dios: “Mach yomic mi la' c'uxben i wut pejtel jini te' am bʌ ti jini pʌc'ʌbʌl”? Che' tsi' c'ajtibe x'ixic jini lucum.

2 Samuel 13:3

An juntiquil i yamigo Amnón, i c'aba' Jonadab (i yalobil Simea, i yʌscun David). Awilan wen p'ip'atax i pusic'al jini Jonadab.

2 Reyob 10:19

Jini cha'an pʌyʌla tilel ti ora pejtelel jini x'alt'añob i cha'an Baal, yic'ot i winicob, yic'ot i motomajob. Mach yomic mi' cʌytʌl mi juntiquilic, come ñuc jini majtañʌl mu' bʌ caj cʌq'uen Baal. Majqui jach mi' cʌy i bʌ, wersa mi caj i chʌmel, che'en. Jehú tsi' yʌlʌ ili t'an cha'an mi' yʌc jini winicob, cha'an mi' jisan pejtelel mu' bʌ i ch'ujutesañob Baal.

Salmos 17:14

Woli' tajob i chubʌ'an ti pañimil. On wola' wʌq'ueñob i chubʌ'an ti pañimil. Wen chumulob i yalobilob. Mi' yʌq'ueñob i yalobilob i colobal i chubʌ'an.

Exodo 1:10

La' lac p'ʌtesan lac bʌ ti' contra cha'an ma'anix mi' chʌn p'ojlelob. Mi tsa' tejchi guerra mi caj i coltañob laj contrajob. Che' jini mi caj i contrajiñonla. Mi caj i loq'uelob ti lac lum, che'en.

Proverbios 12:8

Jini wen bʌ i ña'tʌbal mi caj i c'uxbintel, pero mi caj i ts'a'lentel jini leco bʌ i pensar.

Mateo 12:32

Majqui jach mi' cha'len t'an ti' contra i Yalobil Winic mi caj i ñusʌbentel i mul. Majqui jach mi' cha'len t'an ti' contra Ch'ujul bʌ Espíritu mach mejlic i taj i ñusʌbentel i mul, mi wʌle ti ili pañimil, mi ti yambʌ pañimil mu' bʌ i tilel.

Mateo 17:26

Pedro tsi' sube: Jini yaño' bʌ, che'en. Jesús tsi' sube: Che' jini, mach i wentajic i yalobilob cha'an mi' yʌc'ob tojoñel.

Lucas 16:10

Jini mu' bʌ i c'ʌn i chubʌan ti xuc'ul che' ts'ita', xuc'ul mi caj i c'ʌn che' cabʌl. Jini mach bʌ tojic mi' c'ʌn che' ts'ita', mach tojic mi caj i c'ʌn cabʌl.

Lucas 16:4

Cujil chuqui mi caj c mel cha'an mi' pʌyoñob ochel ti' yotot c pi'ʌlob ba' ora loq'uemonix ti que'tel”, che'en jini xchoñoñel ti' pusic'al.

Lucas 16:7

Ti wi'il tsi' sube yambʌ: “Jixcu jatet, ¿bajche' c'amel an a bet?” che'en. Tsi' jac'ʌ: “An c bet jo'c'al ti p'is jini trigo”, che'en. Jini xchoñoñel tsi' sube: “Ch'ʌmʌ i juñilel a bet. Cha' ts'ijban ti chʌnc'al”, che'en.

Lucas 18:6

Tsi' yʌlʌ lac Yum: Ubinla chuqui mi' yʌl jini mach bʌ tojic bʌ xmel mulil.

Lucas 20:34

Jesús tsi' subeyob: Jini cuxulo' bʌ ti ili ora mi' pʌyob i pi'ʌl. Mi' sijintelob.

Lucas 20:35

Pero jini mu' bʌ i q'uejlelob ti uts'at cha'an mi' tajob i cuxtʌlel ti jini yambʌ ora yic'ot cha'an mi' cha' ch'ojyelob ba'an chʌmeño' bʌ ma'anic mi' pʌyob i pi'ʌl. Ma'anic mi' sijintelob.

Juan 12:36

Che' anto i sʌclel pañimil la' wic'ot, ñopola i sʌclel pañimil. Che' jini, i yalobiletla i sʌclel pañimil. Tsa' ujti ti t'an Jesús. Tsa' majli. Tsi' mʌcʌ i bʌ.

1 Corintios 3:18

Mach a jac' a lotintel. Mi an majch mi lon al ti' pusic'al an cabʌl i ña'tʌbal ti jini pañimil, la' i q'uel i bʌ ti tonto cha'an mi mejlel i taj wen bʌ i ña'tʌbal.

Efesios 5:8

Ti yambʌ ora añetla ti ic'ch'ipan bʌ pañimil. Wʌle añetla ti' sʌclel pañimil yic'ot lac Yum. Ajñenla che' bajche' jini año' bʌ ti' sʌclel pañimil.

Filipenses 3:19

Mi caj i jisʌntelob come woli' diosiñob chuqui yom i bʌc'tal. Mi' lon q'uelob i bʌ ti ñuc cha'an i melbalob anquese quisintic. Mi' yʌc'ob ti' pusic'al chuqui jach an ti pañimil.

1 Tesalonicenses 5:5

Come ti pejteletla añetla ti' sʌclel pañimil, i cha'añetla i sʌclel. Ma'añetixla ti ac'ʌlel yic'ot ic'yoch'an bʌ pañimil.

1 Pedro 2:9

Pero i yalobiletla, yajcʌbiletla. Ñuc bʌ motomajetla ti' tojlel jini Rey. Ch'ujul bʌ tejclumetla. I cha'añetla Dios cha'an mi la' sub majlel jini ñuc tac bʌ i melbal Dios, tsa' bʌ i pʌyʌyetla loq'uel ti ic'yoch'an bʌ pañimil. Tsi' yotsayetla ti' sʌclel i yumʌntel.

1 Juan 3:10

Che' jini, tsiquil majqui i yalobilob Dios yic'ot majqui i yalobilob xiba. Jini mach bʌ anic mi' cha'len chuqui toj, mach i cha'anic Dios. Che' ja'el jini mach bʌ anic mi' c'uxbin i yermano, mach i cha'anic Dios.