Lucas 16:3 - Chol: I T’an Dios

³ Jini i yaj choñoñel tsa' caji i yʌl ti' pusic'al: “¿Chuqui mi caj c mel? C yum mi caj i loc'sañon ti que'tel. Mach mejlicon ti top' lum, mij quisñin j c'ajtin taq'uin.

Jiñi Tsiji' bʌ Wen T'añ cha'añ Estudio

³ Jiñi cha'añ i yaj e'tel tsa' caji i yʌl ti' pusic'al: ¿Chuqui mi caj c mel? C yum mi caj i loc'sañon ti que'tel. Mach mejlicon ti top' lum, quisintic jax che' mi caj c'ajtin taq'uiñ.

Chol de Tumbalá Bible

³ Jini i yaj choñoñel tsa' caji i yʌl ti' pusic'al: “¿Chuqui mi caj c mel? C yum mi caj i loc'sañon ti que'tel. Mach mejlicon ti top' lum, mij quisñin j c'ajtin taq'uin.

Jiñi Tsiji' bʌ Wen T'añ cha'añ Estudio

³ Jiñi cha'añ i yaj e'tel tsa' caji i yʌl ti' pusic'al: ¿Chuqui mi caj c mel? C yum mi caj i loc'sañon ti que'tel. Mach mejlicon ti top' lum, quisintic jax che' mi caj c'ajtin taq'uiñ.

Chol Tila

³ Che' jini, jini ajchoñoñel ti wen queji ti pensal: ¿Chuquiyes mi quejel c cha'len wale mi ti' chilbon c troñel jini c yum? Ma'ix c wersa cha'an mic cha'len tsʌts bʌ troñel. Mic quisnin j c'ajtin majtyan tyaq'uin.

Lucas 16:3 Iomraidhean Croise

Ester 6:6

Jini cha'an tsa' ochi Amán. Jini rey tsi' sube: ¿Bajche' yom mic tsictesʌben i ñuclel jini winic c'uxbibil bʌ c cha'an? che'en. Tsi' lon ña'ta Amán: ¿Majqui jini c'uxbibil bʌ i cha'an rey? ¿Mach ba joñonic?

Proverbios 13:4

Jini ts'ubo' bʌ ma'anic mi' tajob chuqui yom i pusic'al. Jini bʌxo' bʌ on mi' tajob chuqui tac yomob.

Proverbios 15:19

Che' yilal i bijlel jini ts'u' bʌ bajche' pim bʌ ch'ixol, pero chʌcʌch i bijlel jini tojo' bʌ.

Proverbios 18:9

Jini ts'u' bʌ ti e'tel i pi'ʌlʌch jini mu' bʌ i yʌc' ti jilel i chubʌ'an.

Proverbios 19:15

Tam mi' yochel i wʌyel jini ts'u' bʌ. Jini mach bʌ anic mi' cha'len e'tel wersa mi caj i yubin wi'ñal.

Proverbios 20:4

Jini ts'u' bʌ ma'anic mi' cha'len cholijel che' i yorajlelix. Mi' lon c'ajtin tac ñumel che' ti' yorajlel c'ajbal.

Proverbios 29:21

Jini mozo che' jach bʌ mi' colel ti' yotot i yum mux i yʌq'uentel i chubʌ'an i yum che' mi' chʌmel.

Isaias 10:3

¿Chuqui mi caj la' mel ti' q'uiñilel wocol che' mic choc tilel wocol tilem bʌ ti ñajtʌl? ¿Majqui mi caj la' pejcan cha'an mi' coltañetla? ¿Baqui mi mejlel la' cʌntan la' chubʌ'an?

Jeremias 5:31

Jini x'alt'añob mi' cha'leñob lot. Jini motomajob mi' melob che' bajche' bajñel yomob. Tijicñayob winicob x'ixicob, come che'ʌch mi' mulañob. Pero ¿chuqui mi caj i melob che' ti' jilibal?

Oseas 9:5

¿Chuqui mi caj la' mel che' ti' yorajlel q'uiñijel? Mach mejlix la' cha'len ñuc bʌ q'uiñijel cha'an mi' la' ch'ujutesan la' Yum, come mi caj la' cʌjchel majlel ti Asiria. Jini año' bʌ ti Egipto mi caj i chilbeñetla la' chubʌ'an mu' bʌ i cʌytʌl. Mi caj la' chʌmel ti ñajt bʌ pañimil. Mi caj la' mujquel ya' ti Menfis am bʌ ti Egipto. Mi caj i pim'an la' lumal.

Mateo 20:8

Che' iq'uix cajel, i yum ts'usubil tsi' sube xq'uel e'tel i cha'an: “Pʌyʌ tilel x'e'telob. Aq'ueñob i tojol. Ñaxan ma' toj jini wi'ilix bʌ tsa' juliyob. Ti wi'il ma' toj jini ñaxan bʌ tsa' juliyob”, che'en.

Marcos 10:46

Tsa' tiliyob ti Jericó. Che' bʌ tsa' loq'ui majlel ti Jericó yic'ot xcʌnt'añob i cha'an yic'ot cabʌl winicob x'ixicob, tsi' taja jini xpots' Bartimeo i yalobil Timoteo, buchul ti' ti' bij. Woli' c'ajtin taq'uin.

Lucas 12:17

Jini winic tsa' caji i bajñel ña'tan ti' pusic'al: “¿Chuqui mi caj c mel? Come ma'anix i yotlel ba' mic lot i wut c pʌc'ʌb.

Lucas 16:2

Jini i yum tsi' pʌyʌ tilel jini i yaj choñoñel. Tsi' sube: “¿Chuqui woli a mel? Subeñon bajche' tsa' c'ʌñʌ jini tsa' bʌ cotsa ti a wenta come mach chʌn mejlic a cha'libeñon que'tel”, che'en.

Lucas 16:20

An ja'el juntiquil xc'ajtiya taq'uin i c'aba' Lázaro tsa' bʌ ajq'ui ti' ti' i yotot jini wen chumul bʌ. Cabʌl jax i tsoy.

Lucas 16:22

Ti wi'il tsa' chʌmi jini xc'ajtiya taq'uin. Jini ángelob tsi' pʌyʌyob majlel Lázaro ya' ti' tajn Abraham. Tsa' chʌmi ja'el jini wen chumul bʌ winic. Tsa' mujqui.

Lucas 16:4

Cujil chuqui mi caj c mel cha'an mi' pʌyoñob ochel ti' yotot c pi'ʌlob ba' ora loq'uemonix ti que'tel”, che'en jini xchoñoñel ti' pusic'al.

Lucas 18:4

Tsa' ñumi cabʌl ora cha'an mach yomic i coltan jini x'ixic. Ti wi'il tsa' caji i bajñel al ti' pusic'al: “Ma'anic mic bʌc'ñan Dios. Ma'anic mij c'uxbin winicob.

Juan 9:8

I pi'ʌlob ti chumtʌl yic'ot jini tsa' bʌ i cʌñʌyob che' xpots' to tsa' caji i yʌlob: ¿Mach ba jinic tsa' bʌ i c'ajti taq'uin ya' ba' buchul? che'ob.

Hechos 3:2

Juntiquil winic mach bʌ wenic i yoc c'ʌlʌl che' bʌ tsi' yila pañimil tsa' pʌjyi tilel. Ti jujump'ejl q'uin tsi' yʌc'ʌyob ti' ti' Templo, i c'aba' I T'ojol Bʌ, cha'an mi' c'ajtibeñob taq'uin jini mu' bʌ i yochelob ti Templo.

Hechos 9:6

Saulo, tsiltsilña ti bʌq'uen, tsi' sube: C Yum, ¿chuqui a wom mic cha'len? che'en. Lac Yum tsi' sube: Ch'ojyen. Ochen ti tejclum. Mi caj a subentel chuqui yom ma' cha'len, che'en.

2 Tesalonicenses 3:11

Come woli cubin lojon che' jach woli' to'ol ñusañob q'uin lamital. Ma'anic mi' cha'leñob e'tel. Mi' to'ol bajñel otsañob i bʌ ba' mach i wentajic.