Lucas 16:19 - Chol: I T’an Dios

¹⁹ An wen chumul bʌ winic, lʌpʌl bʌ i cha'an chʌccojan bʌ i pislel, wen uts'at bʌ. Ti jujump'ejl q'uin tsi' mele ñuc bʌ q'uiñijel.

Jiñi Tsiji' bʌ Wen T'añ cha'añ Estudio

¹⁹ Añ juntiquil wen chumul bʌ wiñic, mu' bʌ i lʌp chʌccojan bʌ yic'ot wen tac bʌ i pislel, ti jujump'ejl q'uiñ tsi' mele ñuc tac bʌ q'uiñijel.

Chol de Tumbalá Bible

¹⁹ An wen chumul bʌ winic, lʌpʌl bʌ i cha'an chʌccojan bʌ i pislel, wen uts'at bʌ. Ti jujump'ejl q'uin tsi' mele ñuc bʌ q'uiñijel.

Jiñi Tsiji' bʌ Wen T'añ cha'añ Estudio

¹⁹ Añ juntiquil wen chumul bʌ wiñic, mu' bʌ i lʌp chʌccojan bʌ yic'ot wen tac bʌ i pislel, ti jujump'ejl q'uiñ tsi' mele ñuc tac bʌ q'uiñijel.

Chol Tila

¹⁹ Jesús ti' bej cha'le cʌntisa. Ti yʌlʌ: An juntiquil rico bʌ winic am bʌ cabʌl chʌ bʌ an i cha'an. Ti' bej xojo wen bʌ i pislel. C'otyajax i pislel. Ti' cha'le colem bʌ q'uiñejel ti jujump'ej q'uin.

Lucas 16:19 Iomraidhean Croise

Ester 8:15

Tsa' loq'ui Mardoqueo ti' tojlel rey che' woliyob ti c'am bʌ t'an jini chumulo' bʌ ti Susa cha'an tijicñayob i pusic'al. Lʌpbil i cha'an Mardoqueo i pislel jini rey, jini sʌsʌc bʌ yic'ot jini yʌjyʌx bʌ. C'ʌcʌl ti' jol jini corona melbil bʌ ti oro. An i mosil i jol melbil bʌ ti lino, ts'ajbil ti chʌccolan bʌ.

Proverbios 14:24

Jini wen bʌ i pusic'al mi' yʌc' i bʌ ti c'uxbintel cha'an cabʌl i wenlel. Jini tonto bʌ mi' yʌc' i bʌ ti ts'a'lentel cha'an i tontojlel.

Proverbios 31:22

Mi' yʌc' ti melol wen bʌ i pislel. Melbil i bujc ti wen i t'ojol bʌ pisil yic'ot xchʌcchab puy.

Isaias 3:23

i yespejojob, yic'ot xelajʌl yic'ot seda pisil, yic'ot i pixol, yic'ot i mosil i wut.

Ezequiel 16:13

Che' jini tsac ch'ʌlʌyet ti oro yic'ot ti plata yic'ot fino bʌ pisil melbil bʌ ti lino yic'ot seda, yic'ot joch'bil bʌ a bujc. Tsa' c'uxu wen uts'at tac bʌ i bʌl a ñʌc', pan yic'ot chab yic'ot aceite. Wen a t'ojol jax tsa' q'uejliyet che' bajche' x'ixic bʌ rey.

Ezequiel 16:49

Awilan jiñʌch i mul a wijts'in ti Sodoma. Tsi' chañ'esa i bʌ, tsi' ñaj'esa i bʌ yic'ot cabʌl i bʌl ñʌc'ʌl. Ma'anix tsi' chʌn ñopo i mel chuqui uts'at, junlajal xch'oc bʌ i yalobilob. Ma'anic tsi' coltayob jini p'ump'uño' bʌ. Ma'anic tsi' p'ʌtesayob jini año' bʌ i wocol.

Ezequiel 27:7

Jini lich'il bʌ pisil ti barco tsi' joch'oyob ti yʌjyʌx bʌ puy tilem bʌ ti Egipto. Melbil a bandera ti yʌjyʌx pisil tilem bʌ ti' ti' ja' i c'aba' Elisa.

Marcos 15:17

Tsi' lʌpbeyob chʌcchojan bʌ i pislel. Che' bʌ tsi' xot jalʌyob ch'ix, tsi' joy ñet'beyob ti' jol Jesús.

Marcos 15:20

Che' bʌ tsa' ujti i wajleñob, tsi' jochbeyob jini chʌccojan bʌ bujcʌl. Tsi' cha' lʌpbeyob i pislel. Tsi' pʌyʌyob majlel cha'an mi' ch'ijob ti cruz.

Lucas 15:13

Che' ñumenix cha'p'ejl uxp'ejl q'uin, jini ijts'iñʌl bʌ i yalobil tsi' ch'ʌmʌ pejtelel i chubʌ'an. Tsa' majli ti ñajt bʌ lum. Ya'i tsi' lon jisa pejtelel i chubʌ'an. Tsi' to'o ñusa q'uin ti mulil.

Lucas 16:1

Jesús tsi' sube xcʌnt'añob i cha'an ja'el: An wen chumul bʌ winic am bʌ i cha'an juntiquil xq'uel e'tel. Tsa' subenti i yum cha'an woli jach i to'o asin i chubʌ'an i yum.

Lucas 16:18

Majqui jach mi' to'o cʌy i yijñam cha'an mi' pʌy yambʌ woli' cha'len i ts'i'lel. Majqui jach mi' pʌy cʌybil bʌ x'ixic woli' cha'len i ts'i'lel yic'ot.

Lucas 16:20

An ja'el juntiquil xc'ajtiya taq'uin i c'aba' Lázaro tsa' bʌ ajq'ui ti' ti' i yotot jini wen chumul bʌ. Cabʌl jax i tsoy.

Apocalipsis 17:4

Lʌpʌl i cha'an chʌccojan bʌ yic'ot chʌchʌc bʌ i pislel jini x'ixic, ch'ʌlbil ti oro yic'ot ti c'ax uts'at bʌ alʌ xajlel tac, yic'ot ti perla tac. Chucbil i cha'an jump'ejl taza melbil bʌ ti oro. But'ul jini taza ti' bibi'lel tsa' bʌ i taja ti' ts'i'lel yic'ot pejtel ts'a'lebil bʌ.

Apocalipsis 18:16

Mi caj i yʌlob: “¡Obol i bʌ, obol i bʌ, jini colem tejclum ba' tsi' lʌpʌyob wen bʌ i pislel yic'ot chʌccojan bʌ yic'ot chʌcts'eran bʌ, ch'ʌlbil bʌ ti oro yic'ot c'ax uts'at bʌ alʌ xajlel, yic'ot perla tac;

Apocalipsis 18:7

Che' bajche' tsi' chañ'esa i bʌ che' bʌ tsa' wen chumle ti cabʌl i chubʌ'an che'ʌch yom mi la' p'isben cabʌl i wocol yic'ot i yuq'uel, come mi' lon al ti' pusic'al: “Buchulon tic yumʌntel che' bajche' rey. Mach meba'onic. Ma'anic mi caj cubin wocol yic'ot uq'uel”, che'ob.

Juezob 8:26

Ti pejtelel i yalel jini oro tac tsa' bʌ i c'ajti añʌch i tojol che' bajche' lujunc'al mil peso. Parte an i ch'ʌjlil tac yic'ot jini xotol tac bʌ tsucu taq'uin yic'ot jini bujcʌl tac wen melbil bʌ tsa' bʌ i c'ʌñʌyob jini reyob ti Madián, yic'ot ja'el jini xotol bʌ tsucu taq'uin tsa' bʌ i yʌc'ʌyob ti' bic' jini camello.