Lucas 16:1 - Chol: I T’an Dios

¹ Jesús tsi' sube xcʌnt'añob i cha'an ja'el: An wen chumul bʌ winic am bʌ i cha'an juntiquil xq'uel e'tel. Tsa' subenti i yum cha'an woli jach i to'o asin i chubʌ'an i yum.

Jiñi Tsiji' bʌ Wen T'añ cha'añ Estudio

¹ Jesús tsi' su'be xcʌnt'añob i cha'añ ja'el: Añ juntiquil wen chumul bʌ wiñic am bʌ juntiquil xq'uel e'tel i cha'añ, tsa' jojp'i i mul ti' tojlel i yum cha'añ woli jach i to'ol jisʌben i chu'bʌañ.

Chol de Tumbalá Bible

¹ Jesús tsi' sube xcʌnt'añob i cha'an ja'el: An wen chumul bʌ winic am bʌ juntiquil xq'uel e'tel. Tsa' subenti i yum cha'an woli jach i to'o asin i chubʌ'an i yum.

Jiñi Tsiji' bʌ Wen T'añ cha'añ Estudio

¹ Jesús tsi' su'be xcʌnt'añob i cha'añ ja'el: Añ juntiquil wen chumul bʌ wiñic am bʌ juntiquil xq'uel e'tel i cha'añ, tsa' jojp'i i mul ti tojlel i yum cha'añ woli jach i to'ol jisʌben i chu'bʌañ.

Chol Tila

¹ Jesús ti' sube jini ajcʌnt'añob i cha'an: An juntiquil wen rico bʌ winic. An i yajchoñoñel cha'an i cha'liben ganar. Yambʌ quixtyañujob ti c'otiyob ya' ba'an jini rico bʌ. Ti' sube jini i yajchoñoñel chʌncox i lolon jisʌben chʌ bʌ an i cha'an i yum.

Lucas 16:1 Iomraidhean Croise

Genesis 15:2

Abram tsi' yʌlʌ: C Yum Dios, ¿chuqui mi mejlel a wʌq'ueñon? come c'ʌlʌl wʌle ma'anic calobil. Jini mu' bʌ caj i ch'ʌm pejtel c chubʌ'an jiñʌch Eliezer ch'oyol bʌ ti Damasco. Awilan, ma'anic tsa' wʌq'ueyon c p'olbal. Mi caj i ch'ʌm c chubʌ'an juntiquil x'e'tel tsa' bʌ i yila pañimil ti cotot, che'en Abram.

Genesis 43:19

Tsi' tsajcayob majlel xcʌñʌ otot i cha'an José. Tsi' pejcayob ya' ti' ti' otot.

1 Cronicas 28:1

David tempa c'otel ti Jerusalén pejtel jini ñuc taco' bʌ i ye'tel. Jiñobʌch iliyi: I yumob israelob ti jujunmojt yic'ot i yumob soldadojob ti jujunmojt, yic'ot jini wa'chocobilo' bʌ ti xcʌntaya año' bʌ ti' wenta pejtel chuqui tac an ti' tojlel jini rey yic'ot i yalobilob, yic'ot pejtel yaño' bʌ woliyo' bʌ ti yumʌntel.

Proverbios 18:9

Jini ts'u' bʌ ti e'tel i pi'ʌlʌch jini mu' bʌ i yʌc' ti jilel i chubʌ'an.

Oseas 2:8

Ma'anic mi' ña'tan mi joñoñʌch woli bʌ cʌq'uen pejtel chuqui tac an i cha'an. Tsa'ix cʌq'ue jini oro yic'ot plata tsa'ix bʌ i c'ʌñʌ cha'an i majtan jini Baal. Jiñʌch i dios.

Mateo 20:8

Che' iq'uix cajel, i yum ts'usubil tsi' sube xq'uel e'tel i cha'an: “Pʌyʌ tilel x'e'telob. Aq'ueñob i tojol. Ñaxan ma' toj jini wi'ilix bʌ tsa' juliyob. Ti wi'il ma' toj jini ñaxan bʌ tsa' juliyob”, che'en.

Lucas 12:42

Lac Yum tsi' yʌlʌ: ¿Majqui jini xuc'ul bʌ xq'uel e'tel am bʌ cabʌl i ña'tʌbal? Jini xq'uel e'tel tsa' aq'uenti i ye'tel ti' yum cha'an mi' yʌq'ueñob i bʌl i ñʌc' jini año' bʌ ti' yotot che' ti' yorajlel.

Lucas 15:13

Che' ñumenix cha'p'ejl uxp'ejl q'uin, jini ijts'iñʌl bʌ i yalobil tsi' ch'ʌmʌ pejtelel i chubʌ'an. Tsa' majli ti ñajt bʌ lum. Ya'i tsi' lon jisa pejtelel i chubʌ'an. Tsi' to'o ñusa q'uin ti mulil.

Lucas 15:30

Che' bʌ tsa' tili a walobil tsa' bʌ i jisʌbeyet a chubʌ'an ti' ts'i'lel yic'ot i yixicob, tsa' tsʌnsʌbe jini jujp'em bʌ alʌ wacax”, che'en.

Lucas 16:19

An wen chumul bʌ winic, lʌpʌl bʌ i cha'an chʌccojan bʌ i pislel, wen uts'at bʌ. Ti jujump'ejl q'uin tsi' mele ñuc bʌ q'uiñijel.

Lucas 16:2

Jini i yum tsi' pʌyʌ tilel jini i yaj choñoñel. Tsi' sube: “¿Chuqui woli a mel? Subeñon bajche' tsa' c'ʌñʌ jini tsa' bʌ cotsa ti a wenta come mach chʌn mejlic a cha'libeñon que'tel”, che'en.

Lucas 19:20

Tsa' tili yambʌ x'e'tel. Tsi' sube: “C yum, wʌ'ʌch an a taq'uin tsa' bʌ c pixi ti jump'ejl pisil.

Lucas 8:3

Ya'an ja'el Juana, i yijñam Chuza. Jini Chuza xq'uel e'tel i cha'an Herodes. Ya' an ja'el Susana, yic'ot cabʌl yaño' bʌ x'ixicob tsa' bʌ i c'ʌñʌyob i chubʌ'an cha'an mi' we'sañob.

Tito 1:7

Wersa yom mi' wa'chocontel xcʌntaya mach bʌ anic i mul cha'an mi' cʌntan i cha'año' bʌ Dios. Mach yomic mi' chañ'esan i bʌ, mach yomic ora mi' mich'an, mach yomic mi' mulan vino, mach yomic mi' jats' i pi'ʌlob, mach yomic mi' mulan taq'uin.

Santiago 4:3

An chuqui tac mi la' c'ajtiben pero ma'anic mi la' taj, come sajtem bajche' mi la' c'ajtin. La' wom jach la' jisan cha'an i colosojlel la' pusic'al.

1 Pedro 4:10

Dios tsi' yʌq'ueyetla la' c'ʌjñibal ti jujuntiquiletla ti' yutslel i pusic'al cha'an mi la' coltan la' pi'ʌlob, cha'an mi' tajob i wenlel ti Dios ja'el yic'ot i c'ʌjñibal ti chajp ti chajp.