Lucas 15:22 - Chol: I T’an Dios

²² I tat tsi' sube x'e'telob i cha'an: “Ch'ʌmʌla tilel jini ñumen uts'at bʌ bujcʌl. Xojbenla. Otsʌbenla mʌtc'ʌbʌl ti' c'ʌb yic'ot xʌñʌbʌl ti' yoc.

Jiñi Tsiji' bʌ Wen T'añ cha'añ Estudio

²² I tat tsi' su'be x'e'telob i cha'añ: “Ch'ʌmʌla tilel jiñi ñumen uts'at bʌ bujcʌl, xojbenla, otsʌbenla mʌtc'ʌbʌl ti' c'ʌb yic'ot xʌñʌbʌl ti yoc.

Chol de Tumbalá Bible

²² I tat tsi' sube x'e'telob i cha'an: “Ch'ʌmʌla tilel jini ñumen uts'at bʌ bujcʌl. Xojbenla. Otsʌbenla mʌtc'ʌbʌl ti' c'ʌb yic'ot xʌñʌbʌl ti' yoc.

Jiñi Tsiji' bʌ Wen T'añ cha'añ Estudio

²² I tat tsi' su'be x'e'telob i cha'añ: “Ch'ʌmʌla tilel jiñi ñumen uts'at bʌ bujcʌl, xojbenla, otsʌbenla mʌtc'ʌbʌl ti' c'ʌb yic'ot xʌñʌbʌl ti yoc.

Chol Tila

²² Pero i tyat ti' sube i yajtoñelob: Ch'ʌmʌ tyʌlel ti saj ora jach jini más wen bʌ pislel. Wa' xojbenla i pislel. Aq'uenla i sortija. Aq'uenla i zapatos, che'en. [Sortija yom i yʌle' mʌpc'a'.]

Lucas 15:22 Iomraidhean Croise

Genesis 41:42

Faraón tsi' loc'sa i mʌtc'ʌb. Tsi' yotsʌbe ti' c'ʌb José. Tsi' yʌq'ue i lʌp i bujc José melbil bʌ ti fino bʌ pisil. Tsi' yʌc'ʌ ti' bic' ujʌl melbil bʌ ti oro.

Ester 3:10

Jini cha'an jini rey tsi' loc'sa i mʌtc'ʌb am bʌ i ts'ijbal i cha'an rey. Tsi' yʌq'ue Amán i yalobil Hamedata i p'olbal bʌ Agag. Jini Amán i contrajʌch judíojob.

Ester 8:2

Cha' lʌpʌlix i cha'an rey i mʌtc'ʌb am bʌ i sello rey tsa' bʌ i yʌq'ue i lʌp Amán ti yambʌ ora. Tsi' loc'sa. Tsi' yʌq'ue Mardoqueo. Ester tsi' yotsa ti' wenta Mardoqueo pejtel i pi'ʌlob Amán yic'ot i chubʌ'an Amán.

Salmos 132:16

Mi caj j coltan i motomajob. Jini ch'ujulo' bʌ ju'ucñayob mi' cajelob ti t'an cha'an i tijicñʌyel i pusic'al.

Salmos 132:9

La' toj'acob i pusic'al jini motomajob a cha'an. La' i chajpañob i yespíritu che' bajche' mi' lʌpob i pislel. La' ñuc'acob i pusic'al a cha'año' bʌ. La' i tsictesañob i bʌ.

Salmos 18:33

Sejb mi' mel coc che' bajche' i yoc me'. Dios mi' cʌntañon ba' bʌbʌq'uen mic yajlel.

Salmos 45:13

I t'ojol jax jini xch'oc bʌ i yalobil rey woli bʌ i pijtan ti' mal i yotot. Ñotbil jini oro ti' pislel.

Cantares 7:1

I t'ojol jax a woc ti' cacte'. Sac'uñayet ma' cha'len xʌmbal che' bajche' x'ixic bʌ rey. Bʌyʌcña a ya'. I t'ojol jax che' bajche' ujʌl tac wen letsem bʌ i tojol. I melbalʌch jini wen yujil bʌ i melol.

Isaias 61:10

Cabʌl mi' ñuc'an c pusic'al cha'an lac Yum. C'ax tijicña jax mi cubin cha'an c Dios, come tsi' coltayon. Tsi' yʌq'ueyon toj bʌ c pusic'al. Tsi' yʌq'ueyon c lʌp wen uts'atax bʌ pisil yubil, che' bajche' xñujpuñijel mu' bʌ i ch'ʌl i bʌ, che' bajche' xch'oc mu' bʌ caj ti ñujpuñijel mi' ch'ʌl i bʌ ti wen letsem tac bʌ i tojol.

Lucas 15:21

I yalobil tsi' sube: “C tat, tsac cha'le mulil ti' contra jini am bʌ ti panchan yic'ot ti a tojlel. Mach uts'aticon cha'an mic pejcʌntel ti a walobil”, che'en.

Lucas 15:23

Pʌyʌla tilel jini jujp'em bʌ alʌ tat wacax. Tsʌnsanla. La' laj c'ux. La' lac mel q'uin.

Romanos 13:14

C'ajtibenla lac Yum Jesucristo cha'an uts'at mi la' wajñel. Mach yomic mi la' chʌn ña'tan chuqui yom la' tsucul pusic'al cha'an mi la' jac'ben i colosojlel.

Romanos 3:22

Jiñʌch toj bʌ i pusic'al mu' bʌ i yʌq'uentelob pejtel mu' bʌ i ñopob Jesucristo, come Dios mach jelchojquic mi' q'uelob.

Romanos 8:15

Dios tsi' yʌq'ueyetla i yEspíritu. Ma'anic tsi' yotsayetla ti mozo cha'an mi la' mel to'ol e'tel yic'ot bʌq'uen. Mi' yʌq'ueñetla la' ña'tan ochemetla ti' yalobil Dios. Jini cha'an mi la cʌl: Papa, c Tat, cho'onla.

Gálatas 3:27

Ti pejteletla tsa' bʌ ochiyetla ti Cristo ti Espíritu, tsa'ix la' xojo Cristo.

Efesios 6:15

Yom chajpʌbil la' woc cha'an mi la' majlel yic'ot jini wen t'an mu' bʌ i yuts'esan lac pusic'al yic'ot Dios.

Deuteronomio 33:25

Yom ma' mel i ñejt'ib a wotot ti tsucu taq'uin yic'ot ti bronce. Yom p'ʌtʌlet c'ʌlʌl ma' chʌmel.

Apocalipsis 19:8

Tsa'ix aq'uenti i lʌp wen uts'at bʌ sʌsʌc pisil i c'aba' lino. Sʌsʌc jax, come jini wen uts'at bʌ pisil jiñʌch i yejtal toj bʌ i melbal i cha'año' bʌ Dios, che'en.

Apocalipsis 2:17

Jini am bʌ i chiquin la' i yubiben i t'an jini Espíritu mu' bʌ i suben xñopt'añob. Jini mu' bʌ i mʌjlel i cha'an mi caj cʌq'uen i c'ux mucul bʌ maná. Mi caj cʌq'uen jump'ejl sʌsʌc bʌ alʌ xajlel, ba' otsʌbil tsiji' bʌ i c'aba'. Ma'anic majch yujil chuqui otsʌbil, cojach jini mu' bʌ i ch'ʌm”.

Apocalipsis 3:18

Mic subeñetla cha'an mi la' mʌn oro tic tojlel sʌq'uesʌbil bʌ ti c'ajc, cha'an wen chumul mi la' wajñel. Mʌñʌla wen sʌsʌc bʌ la' pislel cha'an mi la' lʌp, ame quisintiquic mi la' wubin che' pits'il mi la' q'uejlel. Boño la' wut yic'ot i ts'ʌcal cha'an mi' c'otel la' wut.

Apocalipsis 6:11

Ti jujuntiquil tsa' aq'uentiyob sʌsʌc bʌ i bujc wen pʌl bʌ. Tsa' subentiyob yom to mi' c'ajob i yo jinto mi' laj julelob i pi'ʌlob ti e'tel yic'ot i yermanojob mu' bʌ caj i tsʌnsʌntelob ja'el.

Apocalipsis 7:9

Awilan, ti wi'il tsaj q'uele motocñayob winicob x'ixicob. Ma'anic majqui tsa' mejli i tsicob. Ch'oyolob ti pejtelel tejclum tac, ti jujunmojt winicob, ti pejtelel lum yic'ot ti pejtelel t'an tac. Wa'alob ti' tojel i buchlib Dios, ti' tojlel jini Tiñʌme', lʌpʌl i cha'añob pʌl bʌ i bujc sʌsʌc bʌ. An i yopol xan ti' c'ʌb.