Lucas 15:17 - Chol: I T’an Dios

¹⁷ Che' bʌ tsa' caji i ña'tan pañimil tsi' yʌlʌ: “An x'e'telob ya' ti' yotot c tat año' bʌ cabʌl i waj. Pero joñon wolic chʌmel ti wi'ñal.

Jiñi Tsiji' bʌ Wen T'añ cha'añ Estudio

¹⁷ Che' bʌ tsa' caji i ña'tan pañimil tsi' yʌlʌ: “Añ x'e'telob ya' ti' yotot c tat añob ca'bʌl i waj; pero joñon ilayi woli c chʌmel ti wi'ñal.

Chol de Tumbalá Bible

¹⁷ Che' bʌ tsa' caji i ña'tan pañimil tsi' yʌlʌ: “An x'e'telob ya' ti' yotot c tat año' bʌ cabʌl i waj. Pero joñon wolic chʌmel ti wi'ñal.

Jiñi Tsiji' bʌ Wen T'añ cha'añ Estudio

¹⁷ Che' bʌ tsa' caji i ña'tan pañimil tsi' yʌlʌ: “Añ x'e'telob ya' ti' yotot c tat añob ca'bʌl i waj; pero joñon ilayi wolic chʌmel ti wi'ñal.

Chol Tila

¹⁷ Che' jini ti queji i pensalin: Ya' ba'an c tyat an cabʌl i yajtoñelob. Wen mi yʌq'uentyel i yuch'el. Ma'ix mi jilel i yuch'el pero wʌ'i chʌncol c sajtyel ti wi'ñal.

Lucas 15:17 Iomraidhean Croise

Salmos 119:59

Tsac ña'ta bajche' añon. Tsac sutq'ui c bʌ cha'an mic cha' tsajcan jini tsa' bʌ a wʌlʌ.

Salmos 73:20

Lajal i cuxtilel bajche' ñajal mu' bʌ i bʌc' ñajʌyel lac cha'an che' ch'ojyemonixla. Che' mi' ch'ojyelob, mi caj i ña'tañob i sujmlel.

Eclesiastes 9:3

Jini cha'an ma'anic mi' cʌyob i jontolil winicob. Mi' bajñel ña'tañob chuqui yomob i mel anquese socol i bijlel. Yujilob mi' cajelob ti chʌmel.

Jeremias 31:19

Che' bʌ tsac tʌts'ʌ c bʌ, tsac mele c pusic'al. Che' cʌntesʌbilon, tsac ña'ta an c mul. Ch'ijiyem c pusic'al tsac cha'le quisin. Tsa' toj sajti c pusic'al cha'an chʌn cuchul to c mul c'ʌlʌl che' ch'itoñon to”. Che'ʌch woli ti t'an Efraín.

Lamentaciones 1:7

Che' c'unix pañimil cha'an cabʌl xʌmbal, tsi' ña'tayob i ñuclel yic'ot i chubʌ'an am bʌ i cha'an ti Jerusalén che' tijicñayob to. Che' bʌ tsa' bʌc' tili i contra cha'an mi' jisañob, ma'anic majqui tsi' coltayob mi ts'ita'ic. Tsa' cajiyob ti wajleya i contrajob che' bʌ tsi' q'ueleyob ti wocol.

Ezequiel 18:28

Ba' ora tsi' ña'ta che' bʌ jontol bajche' woli' mel, tsi' sutq'ui i bʌ cha'an mi' cʌy jontolil. Jini cha'an cuxul mi caj i yajñel jini winic. Ma'anic mi caj i chʌmel.

Oseas 2:7

Che' mi' cha' tsajcan jini winicob, ma'anic mi caj i tajob. Mi caj i lon sʌclañob, pero ma'anix mi caj i tajob. Che' jini mi caj i yʌl: “Muq'uix c cha' sujtel ba'an c ñoxi'al, come tijicñayon quic'ot. Ch'ijiyemon wʌle”, che'en.

Lucas 15:16

Jini ch'iton yom i c'uxben i buc'bal chitam, come ma'anic majqui tsi' yʌq'ue i bʌl i ñʌc'.

Lucas 16:23

Ya' ti' yajñib chʌmeño' bʌ c'ax cabʌl i wocol. Tsi' letsa i wut. Tsi' q'uele Abraham ti ñajtʌl yic'ot Lázaro ya' ti' tajn Abraham.

Lucas 8:35

Tsa' loq'uiyob tilel winicob x'ixicob cha'an mi' q'uelob jini winic. Tsa' tiliyob ba'an Jesús. Ya' tsi' tajayob jini winic tsa' bʌ loq'ui i xibʌjlel, buchul ti' tojlel Jesús. Lʌpʌl i bujc. Anix i pusic'al. Tsi' cha'leyob bʌq'uen.

Hechos 12:11

Tsa' toj juli i pusic'al Pedro. Tsi' yʌlʌ: Wʌle mic ña'tan isujmʌch. Jini c Yum tsi' choco tilel i yángel. Tsi' coloyon ti' c'ʌb Herodes yic'ot ti' c'ʌb pejtelel judíojob tsa' bʌ i chijtayoñob. Che' tsi' yʌlʌ ti' pusic'al Pedro.

Hechos 2:37

Che' bʌ tsa'ix ujti i yubiñob jini t'an, ch'ijiyem i pusic'al tsa' cʌleyob. Tsi' c'ajtibeyob Pedro yic'ot yambʌ apóstolob: Winicob, c pi'ʌlob, ¿chuqui yom mic cha'len lojon? che'ob.

Efesios 5:14

Jini cha'an albilix: “Caña a wut woliyet bʌ ti wʌyel. Ch'ojyen loq'uel ti ic'ch'ipan bʌ pañimil ba'an chʌmeño' bʌ. Cristo mi caj i yʌq'uet ti ajñel ti' sʌclel pañimil”.