Lucas 15:13 - Chol: I T’an Dios

¹³ Che' ñumenix cha'p'ejl uxp'ejl q'uin, jini ijts'iñʌl bʌ i yalobil tsi' ch'ʌmʌ pejtelel i chubʌ'an. Tsa' majli ti ñajt bʌ lum. Ya'i tsi' lon jisa pejtelel i chubʌ'an. Tsi' to'o ñusa q'uin ti mulil.

Jiñi Tsiji' bʌ Wen T'añ cha'añ Estudio

¹³ Che' ñumeñix cha'p'ejl uxp'ejl q'uiñ, jiñi ijts'iñʌl bʌ i yalobil tsi' ch'ʌmʌ pejtelel i chu'bʌañ; tsa' majli ti ñajt bʌ lum, ya'i tsi' to'ol jisa pejtelel i chu'bʌañ, tsi' to'ol ñusa q'uiñ ti mulil.

Chol de Tumbalá Bible

¹³ Che' ñumeñix cha'p'ejl uxp'ejl q'uin, jini ijts'iñʌl bʌ i yalobil tsi' ch'ʌmʌ pejtelel i chubʌ'an. Tsa' majli ti ñajt bʌ lum. Ya'i tsi' lon jisa pejtelel i chubʌ'an. Tsi' to'o ñusa q'uin ti mulil.

Jiñi Tsiji' bʌ Wen T'añ cha'añ Estudio

¹³ Che' ñumeñix cha'p'ejl uxp'ejl q'uiñ, jiñi ijts'iñʌl bʌ i yalobil tsi' ch'ʌmʌ pejtelel i chu'bʌañ; tsa' majli ti ñajt bʌ lum, ya'i tsi' to'ol jisa pejtelel i chu'bʌañ, tsi' to'ol ñusa q'uiñ ti mulil.

Chol Tila

¹³ Che' ti ñumi cha'p'ej uxp'ej q'uin jini ijts'iñʌl bʌ ti' lu' choño chʌ bʌ an i cha'an. Che' jini yic'ot pejtyelel i tyaq'uin ti majli ti ñajt bʌ pañimil ba' ti lu' c'ʌñʌ ti pejtyelel tyaq'uin cha'an bibajax bajche' ti' cha'le.

Lucas 15:13 Iomraidhean Croise

Salmos 73:27

Q'uele bajche' mi' jilelob jini mu' bʌ i tʌts'ob i bʌ ba' añet. Mi caj a jisan pejtel mu' bʌ i cʌyet.

Proverbios 18:9

Jini ts'u' bʌ ti e'tel i pi'ʌlʌch jini mu' bʌ i yʌc' ti jilel i chubʌ'an.

Proverbios 21:17

Jini mu' bʌ i to'o sʌclan i tijicñʌyel i pusic'al mi caj i yochel ti pobre. Jini mu' bʌ i to'ol ñusan q'uin ti q'uiñijel ma'anic mi' yochel ti rico.

Proverbios 21:20

Lotol ti' yotot jini p'ip' bʌ i pusic'al an letsem tac bʌ i tojol yic'ot aceite, pero jini tonto bʌ mi' laj jisan.

Proverbios 27:8

Che' bajche' te'lemut mu' bʌ i ñajt cʌy i c'u', che'ʌch jini winic ñajt bʌ mi' cʌy i yotot.

Proverbios 28:7

Jini ch'iton mu' bʌ i jac' i cʌntesʌntel uts'at mi' q'uejlel ti' tat. Jini mu' bʌ i pi'len majlel jini wo'ob jax bʌ mu' bʌ i jisañob i chubʌ'an mi' yʌc' ti quisin i tat.

Proverbios 29:3

Jini ch'iton winic mu' bʌ i mulan i cʌntesʌntel mi' ñuq'uesʌben i pusic'al i tat. Jini mu' bʌ i taj i yixic mi' cʌlʌx jisan i chubʌ'an.

Proverbios 6:26

Come jini mu' bʌ i taj i yixic mi' yochel ti pobre. Jini x'ixic mi' chijtan winic cha'an mi' yʌc' ti sajtel.

Isaias 1:4

Cabʌl jax i mul jini año' bʌ ti Judá. Cʌlʌx but'ulob jax ti jontolil. I yalobilob xñusa t'añob. Tsa'ix i ñajtesayob i bʌ ba' añon. Tsa'ix i ts'a'leyob jini Ch'ujul Bʌ i cha'an Israel.

Isaias 22:13

Pero ti jim bʌ ora ma'anic tsa' la' jac'ʌ. Tsa' jach caji la' cha'len q'uin ti' tijicñʌyel la' pusic'al. Tsa' caji la' tsʌnsan wacax yic'ot tiñʌme'. Tsa' la' c'uxu we'el, tsa' la' japʌ vino. Tsa' la' lon alʌ: La' lac cha'len we'el uch'el, come ijc'ʌl mi caj lac chʌmel, che'etla.

Isaias 56:12

Mi' yʌlob: Conla c sʌclan vino cha'an mi lac yʌc'an. Ijc'ʌl mux lac cha' mel che' bajche' wʌle, pero ñumeñix, che'ob.

Jeremias 2:13

Come cha'chajp i mul c winicob x'ixicob. Tsi' cʌyʌyoñob, anquese joñon Cuxul bʌ Ja'on. Tsi' wersa t'oboyob xajlel cha'an mi' yajñel i ya'al. Tsi' sajcayob ja' ba' bajñel yomob i pusic'al. Mu' jach i jilel i ya'al cha'an tocolix i yajñib.

Jeremias 2:31

Jatetla cuxulet bʌ la wʌle, ¿mach ba la' womic la' jac'ben i t'an la' Yum? Ts'a' mi la' q'uelon che' bajche' tiquin lum. Lajal mi la' q'uelon che' bajche' ic'ch'ipan bʌ pañimil. Anquese mach che'ic añon mi la' wʌl: “Com lojon ñajt bʌ xʌmbal baqui jach yom c pusic'al. Mach chʌn talonix lojon ba' añet”, che'etla. ¿Chucoch che' mi' yʌl c tejclum bajche' jini?

Jeremias 2:5

Woli' yʌl lac Yum: ¿Chuqui c mul ti' tojlel la' tat? ¿Chucoch tsi' cʌyʌyoñob? Tsi' lon c'uxbiyob jini mach bʌ anic i c'ʌjñibal. Tsa' sojquiyob i ña'tʌbal.

Miqueas 6:3

Woli' yʌl: Obol la' bʌ c winicob x'ixicob. ¿Chuqui tsac melbeyet? ¿Chucoch tsa' la' cʌyʌyon? Tsictesʌbeñon. ¿Chucoch tsa' c'ojyi la' jac'beñon?

Lucas 15:12

Jini ijts'iñʌl bʌ tsi' sube i tat: “C tat, aq'ueñon a chubʌ'an che' bajche' c'amel yom mic ch'ʌm”, che'en. I tat tsi' t'oxbeyob i chubʌ'an.

Lucas 15:14

Che' lu' jilemix i taq'uin tsa' tejchi cabʌl wi'ñal ti jini lum. Tsa' caji i yubin wi'ñal.

Lucas 15:30

Che' bʌ tsa' tili a walobil tsa' bʌ i jisʌbeyet a chubʌ'an ti' ts'i'lel yic'ot i yixicob, tsa' tsʌnsʌbe jini jujp'em bʌ alʌ wacax”, che'en.

Lucas 16:1

Jesús tsi' sube xcʌnt'añob i cha'an ja'el: An wen chumul bʌ winic am bʌ i cha'an juntiquil xq'uel e'tel. Tsa' subenti i yum cha'an woli jach i to'o asin i chubʌ'an i yum.

Lucas 16:19

An wen chumul bʌ winic, lʌpʌl bʌ i cha'an chʌccojan bʌ i pislel, wen uts'at bʌ. Ti jujump'ejl q'uin tsi' mele ñuc bʌ q'uiñijel.

Efesios 2:13

Pero wʌle añetla ti Cristo Jesús, jatetla ñajt bʌ añetla ti yambʌ ora. Tsa' pʌjyiyetla ti lʌc'ʌl cha'an ti' ch'ich'el Cristo.

Efesios 2:17

Tsa' tili i subeñob jini ñajt bʌ añob yic'ot jini lʌc'ʌl bʌ añob cha'an ñʌch'ʌl mi la cajñel.

2 Pedro 2:13

Mi caj i q'uextʌbentelob i jontolil. Tijicña mi' yubiñob che' woliyob ti leco bʌ q'uiñijel ti jujump'ejl q'uin. Bibi'ob jax. Añob i yoc'beñal. Wen tijicña mi' yubiñob cha'an i sajtemal che' mi' c'uxob waj la' wic'ot.