Lucas 14:21 - Chol: I T’an Dios

²¹ Tsa' sujti jini x'e'tel. Tsi' laj sube i yum bajche' tsa' ujti. Mich'ix i yum otot, tsi' sube x'e'tel i cha'an: “Cucu ti ora ti choñoñibʌl yic'ot ti calle ya' ti tejclum. Pʌyʌ tilel jini mach bʌ añobic i chubʌ'an, yic'ot mach bʌ weñobic i c'ʌb, yic'ot mach bʌ weñobic i yoc, yic'ot xpots'ob”, che'en.

Jiñi Tsiji' bʌ Wen T'añ cha'añ Estudio

²¹ Tsa' sujti jiñi x'e'tel, tsi' laj su'be i yum bajche' tsi' yʌlʌyob, jiñi cha'añ tsa' mich'a i yum otot, tsi' su'be jiñi x'e'tel i cha'añ: “Cucu ti ora ti choñoñibʌl tac yic'ot ti calle tac ya' ti tejclum; pʌyʌ tilel jiñi mach bʌ añobic i chu'bʌañ, yic'ot mach bʌ weñobic i yoc i c'ʌb, yic'ot xpots'ob”, che'en.

Chol de Tumbalá Bible

²¹ Tsa' sujti jini x'e'tel. Tsi' laj sube i yum bajche' tsa' ujti. Mich'ix i yum otot, tsi' sube x'e'tel i cha'an: “Cucu ti ora ti choñoñibʌl yic'ot ti calle ya' ti tejclum. Pʌyʌ tilel jini mach bʌ añobic i chubʌ'an, yic'ot mach bʌ weñobic i c'ʌb, yic'ot mach bʌ weñobic i yoc, yic'ot xpots'ob”, che'en.

Jiñi Tsiji' bʌ Wen T'añ cha'añ Estudio

²¹ Tsa' sujti jiñi x'e'tel, tsi' laj su'be i yum bajche' tsi' yʌlʌyob, jiñi cha'añ tsa' mich'a i yum otot, tsi' su'be jiñi x'e'tel i cha'añ: “Cucu ti ora ti choñoñibʌl tac yic'ot ti calle tac ya' ti tejclum; pʌyʌ tilel jiñi mach bʌ añobic i chu'bʌañ, yic'ot mach bʌ weñobic i yoc i c'ʌb, yic'ot xpots'ob.”

Chol Tila

²¹ I yajtroñel jini winic chʌncol bʌ i mele' q'uiñejel ti sujti i suben i yum bajche' ti' lu' jac'ʌyob. Che' jini ti mich'ʌ i yum. Ti' sube i yajtroñel: Cucu ti ora jach ya' ti lum yic'ot ti pejtyelel calle tyac. Wʌ' ma' pʌy tyʌlel jini mach'ʌ ba'an chʌ bʌ an i cha'añob yic'ot mach weñob i c'ʌb yic'ot jini mach'ʌ wen mi' cha'len xʌmbal yic'ot muts'ulo' bʌ i wut. Che' ti yʌlʌ jini xmel q'uin.

Lucas 14:21 Iomraidhean Croise

Salmos 2:12

Ts'ujts'unla i Yalobil lac Yum ame mich'ac, Ame jiliquetla ti la' bijlel Che' mi' bʌc' mich'an Dios. Tijicñayob pejtel mu' bʌ i sʌclañob i coltʌntel ti lac Yum.

Salmos 38:7

Wen ticʌw jax c pusic'al yubil. Ma'anic i c'oc'lel c bʌc'tal.

Isaias 33:23

Pero ya' ti' tojlel laj contrajob tsa'ix i lojo i bʌ i ch'ajñal barco. Mach tsʌts cʌchʌlix i te'el colem barco. Mach wen lich'bilix i pislel mu' bʌ i wejlan ic'. Jini cha'an mi caj i t'oxtʌl i chubʌ'an. I winicob Dios mi caj i ch'ʌmob. Jini mach bʌ weñobic i yoc ja'el mi caj i ch'ʌmob.

Isaias 35:6

Jini q'uichq'uichña bʌ i yoc mi caj i tijp'el. Mi' caj ti c'ay jini x'uma'. Ya' ti tiquin bʌ lum mi' caj ti wʌjlel loq'uel ja'. Yolocña mi' caj ti ajñel.

Jeremias 5:1

Cucu ti ñumel ya' ba'an garita tac ti Jerusalén. Wen q'uele bajche' mi' melob. Otsan ti a pusic'al. Sʌclan ñumel juntiquil mu' bʌ i mel chuqui toj ya' ti choñoñibʌl. Q'uele mi an juntiquil mu' bʌ i yotsan ti' pusic'al chuqui tac isujm cha'an mic pʌsben i yutslel c pusic'al.

Zacarias 11:11

Ti jim bʌ ora tsa' jejmi jini trato ti' tojel i wut jini tsa' bʌ i mʌñʌyob tiñʌme' yic'ot jini tsa' bʌ i choñoyob. Che' jini tsi' ña'tayob i cʌntesʌntel ti Dios cha'an jini tsa' bʌ c mele.

Zacarias 11:7

Jini cha'an joñon tsaj cʌnta jini alʌc'ʌl ame tsʌnsʌntic. Tsaj cʌnta ja'el jini mach bʌ c'oq'uic. Tsac ch'ʌmʌ cha'ts'ijt barate'. Jini junts'ijt tsa cotsʌbe i c'aba' I Yutslel c Pusic'al. Jini yambʌ tsa cotsʌbe i c'aba' Junmojt Jach. Che'i tsaj cʌnta tiñʌme' che' bajche' tsa' subentiyon.

Mateo 11:28

La' ba' añon pejteletla woliyet bʌ la ti wocol e'tel, al bʌ la' cuch. Joñon mi cʌq'ueñetla la' c'aj la' wo.

Mateo 11:5

Wolix ti c'otel i wut xpots'ob. Woliyobix ti xʌmbal jini mach bʌ añobic i c'ʌjñibal i yoc. Lajmesʌbilob jini año' bʌ leco bʌ i tsoy. Jini xcojcob wolix i yubiñob t'an. Woli' tejchelob ch'ojyel jini chʌmeño' bʌ. Jini p'umpuño' bʌ woli' subentelob jini wen t'an.

Mateo 15:12

Tsa' tiliyob xcʌnt'añob. Tsi' subeyob: ¿Ña'tʌbil ba a cha'an tsa' mich'ayob fariseojob che' bʌ tsi' yubiyob a t'an? che'ob.

Mateo 18:31

I pi'ʌlob ti e'tel tsi' q'ueleyob chuqui tsa' ujti. Tsa' caji i melob i pusic'al. Tsa' majli i subeñob i yum pejtelel chuqui tsa' ujti.

Mateo 20:7

Tsi' jac'beyob: “Come ma'anic majqui tsi' pʌyʌyon lojon ti e'tel”, che'ob. Jini yumʌl tsi' subeyob: “Cucula ja'el tic ts'usubil”, che'en.

Lucas 14:13

Che' ma' mel q'uin, pʌyʌ tilel jini mach bʌ añobic i chubʌ'an, yic'ot mach bʌ weñobic i c'ʌb, yic'ot mach bʌ weñobic i yoc yic'ot xpots'ob.

Lucas 14:20

Yambʌ tsi' yʌlʌ: “Tsa' ujtiyon ti ñujpuñel. Jini cha'an mach mejlicon ti majlel j q'uel q'uin”, che'en.

Lucas 14:22

Jini x'e'tel tsi' sube i yum: “Che'ʌch tsac cha'le bajche' tsa' subeyon. An to jochol bʌ buchlibʌl tac”, che'en.

Lucas 14:24

Come jini ñaxan pʌybilo' bʌ tilel ti q'uiñijel ma'anic mi caj i wis c'uxob jini we'elʌl tsa' bʌ c mele, mi juntiquilic”, che'en. Che' tsi' yʌlʌ Jesús.

Lucas 24:47

Wersa mi' subentelob winicob x'ixicob ti pejtelel lum cha'an mi' cʌyob i mul ti' c'aba' Cristo cha'an mi' ñusʌbentelob i mul. Ya' ti Jerusalén mi caj i tejchel ti sujbel jini t'an.

Lucas 9:10

Che' bʌ tsa' cha' tiliyob jini chocbilo' bʌ majlel, tsi' subeyob Jesús pejtel chuqui tac tsi' cha'leyob. Jesús tsi' bajñel pʌyʌyob majlel ti colem bʌ i tiquiñal lum ti' tojel jini tejclum i c'aba' Betsaida.

Juan 9:39

Jesús tsi' sube: Tsa' tiliyon ti melojel ti pañimil cha'an mi' c'otelob i wut jini mach bʌ weñobic i wut, yic'ot cha'an mi' yochelob ti xpots' jini weño' bʌ i wut, che'en Jesús.

Hebreos 13:17

Jac'benla i t'an xcʌntayajob la' cha'an. Otsan la' bʌ ti' wenta come añob i ye'tel cha'an mi' wen pʌsbeñetla i bijlel la' coltʌntel. Wersa mi caj i subob i bʌ ti' tojlel Dios. Mi uts'at mi la' jac'ob tijicña mi caj i subob. Pero mi wola' wʌq'ueñob i ch'ijiyemlel i pusic'al mach che'ic mi la' taj la' wenlel.

Hebreos 2:3

¿Bajche' mi mejlel lac puts'el joñonla mi woli lac ñusan jini ñuc bʌ laj coltʌntel? Lac Yum tsi' teche i subol laj coltʌntel. Jini tsa' bʌ i yubibeyob i t'an, tsi' cha' subeyonla ti isujm.

Santiago 2:5

C'uxbibilo' bʌ quermanojob, ubinla. Dios tsi' yajca jini mach bʌ añobic i chubʌ'an ti pañimil cha'an mi' wen chumtʌlob cha'an jini mu' bʌ lac ñop, come mi caj i yajñelob ti' yumʌntel Dios yic'ot pejtel mu' bʌ i c'uxbiñob Dios che' bajche' albil i cha'an.

Apocalipsis 19:15

Mi' loq'uel junts'ijt jay bʌ espada ti' yej. Mi caj i c'ʌn jini espada i low jini año' bʌ ti tejclum tac. Mi caj i c'ʌn vara melbil bʌ ti tsucu taq'uin che' mi' cha'len yumʌl. Mi caj i t'uchtan i yʌjts'ib ts'usub yilal ti tsʌts bʌ i mich'ajel Dios Mach bʌ Anic i P'isol i P'ʌtʌlel.

Apocalipsis 22:17

Jini Espíritu yic'ot jini xch'oc mu' bʌ cajel ti ñujpuñijel mi' yʌlob: La', che'ob. Jini mu' bʌ i yubin, la' i yʌl: La'. Che' yom mi' yʌl. Jini am bʌ i tiquin ti', la' tilic. Majqui jach yom, la' i jap ja' ti' majtan jach, i yejtal bʌ i cuxtʌlel.

1 Samuel 2:8

Mi' ch'uy letsel jini p'ump'un bʌ pʌcʌl bʌ ti ts'ubejn cha'an mi' junyajlel cʌy misujelʌl. Mi' yʌc' ti buchtʌl ti' tojlel yumʌlob. Mi' yʌq'uen ñuc bʌ i ye'tel. Lac Yum i Yumʌch pañimil. I wa'chocobalʌch pañimil.

1 Samuel 25:12

Jini ch'iton winicob chocbilo' bʌ majlel cha'an David tsa' cha' sujtiyob ti' bijlel. Che' bʌ tsa' tiliyob ba'an David, tsi' subeyob pejtelel ili t'an.