Lucas 14:13 - Chol: I T’an Dios

¹³ Che' ma' mel q'uin, pʌyʌ tilel jini mach bʌ añobic i chubʌ'an, yic'ot mach bʌ weñobic i c'ʌb, yic'ot mach bʌ weñobic i yoc yic'ot xpots'ob.

Jiñi Tsiji' bʌ Wen T'añ cha'añ Estudio

¹³ Che' ma' mel q'uiñijel, pʌyʌ tilel jiñi mach bʌ añobic i chu'bʌañ, yic'ot mach bʌ weñobic i yoc i c'ʌb, yic'ot xpots'ob.

Chol de Tumbalá Bible

¹³ Che' ma' mel q'uin, pʌyʌ tilel jini mach bʌ añobic i chubʌ'an, yic'ot mach bʌ weñobic i c'ʌb, yic'ot mach bʌ weñobic i yoc yic'ot xpots'ob.

Jiñi Tsiji' bʌ Wen T'añ cha'añ Estudio

¹³ Che' ma' mel q'uiñijel, pʌyʌ tilel jiñi mach bʌ añobic i chu'bʌañ, yic'ot mach bʌ weñobic i yoc i c'ʌb, yic'ot xpots'ob.

Chol Tila

¹³ Pero che' ma' mele' q'uiñejel, ma' pʌye' jini mach'ʌ ba'an chʌ bʌ an i cha'añob, jini mach bʌ weñob i c'ʌb i yoc, jini mach bʌ wen mi' cha'len xʌmbal yic'ot jini muts'ulo' bʌ i wut.

Lucas 14:13 Iomraidhean Croise

2 Samuel 6:19

Tsa' caji i pucbeñob waj yic'ot we'elʌl, yic'ot tiquin bʌ ts'usub jini israelob. Che' ujtemix ti pejtelel, jini winicob x'ixicob tsa' sujtiyob majlel ti' yotot ti jujuntiquilob.

2 Cronicas 30:24

Come Ezequías jini rey ti Judá tsi' yʌq'ue israelob jump'ejl mil alʌ tat wacax, yic'ot wucp'ejl mil tiñʌme'. Tsi' yʌq'ueyob ñuco' bʌ i ye'tel jump'ejl mil alʌ tat wacax yic'ot lujump'ejl mil tiñʌme'. Ti jim bʌ q'uin cabʌl motomajob tsi' sʌq'uesayob i bʌ.

Nehemias 8:10

Esdras tsi' subeyob: Sujtenixla ti la' wotot. C'uxula sumuc bʌ we'elʌl. Japʌla tsaj bʌ i ya'lel ts'usub. Chocbeñob majlel we'elʌl jini mach bʌ chajpʌbilobic, come ch'ujul mi' q'uel ili q'uin lac Yum. Mach mi la' mel la' pusic'al, come jiñʌch la' p'ʌtʌlel che' tijicñayetla ti lac Yum, che'en.

Nehemias 8:12

Jini cha'an tsa' majliyob ti c'ux waj ti pejtelelob. Tsi' japʌyob tsaj bʌ i ya'lel ts'usub. Tsi' chocbeyob majlel i bʌl i ñʌc' jini mach bʌ añobic i cha'an. Tijicñayobix i pusic'al tsi' meleyob q'uin, come tsi' ch'ʌmbeyob isujm jini t'an tsa' bʌ subentiyob.

Job 29:13

Tsaj colta jini colel bʌ i chʌmel. Tsac ñuq'uesʌbe i pusic'al meba' x'ixic. Tsa' cajiyob ti c'ay cha'an tijicñayob i pusic'al.

Proverbios 14:31

Jini mu' bʌ i tic'lan jini pobre mach bʌ anic i chubʌ'an woli jach i ts'a'liben i yum tsa' bʌ i mele. Jini mu' bʌ i p'untan jini pobre woli' c'uxbin lac Yum.

Proverbios 22:9

Mux i coltʌntelob jini mu' bʌ i pʌsbeñob i pi'ʌlob i yutslel i pusic'al, come mi' yʌq'ueñob i waj jini mach bʌ añobic i cha'an.

Isaias 58:10

T'oxbeñob a waj jini wi'ñayo' bʌ. Coltan jini woli bʌ ti c'oj'ol yic'ot jini mach bʌ añobic i chubʌ'an. Che' jini mi' caj a wubin i tijicñʌyel a pusic'al. Lajalet bajche' c'ajc ya' ba' ic'yoch'an. Mi' caj ti sʌc jilel a wocol che' bajche' axñal ti xinq'uiñil.

Isaias 58:7

Yom ma' t'oxbeñob i bʌl a ñʌc' jini wi'ñayo' bʌ. Pʌyʌ ochel ti a wotot jini mach bʌ anic i yotot. Aq'ueñob i pislel jini mach bʌ añobic i cha'an. Mach yomic ma' mujcun a bʌ che' mi' tilelob i c'ajtin chuqui yomob a pi'ʌlob jump'ejl bʌ a tat a ña'.

Mateo 15:30

Bajc'ʌl winicob x'ixicob tsa' tiliyob ba'an. Tsi' pʌyʌyob tilel jini mach bʌ añobic i c'ʌjñibal i yoc, yic'ot jini xpots'ob, yic'ot jini x'uma'ob, yic'ot jini xc'ʌscujelob, yic'ot cabʌl yaño' bʌ. Ya' tsi' yʌc'ʌyob ba' wa'al Jesús. Tsi' lajmesayob.

Mateo 22:10

Che' jini tsa' majliyob x'e'telob ti pejtelel bij. Tsi' tempayob tilel pejtelel jini tsa' bʌ i tajayob, jontolo' bʌ yic'ot uts'ato' bʌ i pusic'al. Che' jini tsa' bujt'i i yotot ti xmel q'uiñob.

Lucas 11:41

Aq'ueñob p'ump'uño' bʌ chuqui an la' cha'an, che' jini, sʌc pejtelel chuqui mi caj a q'uel.

Lucas 14:12

Jesús tsi' sube ja'el jini winic tsa' bʌ i pʌyʌ tilel ti q'uiñijel: Che' ma' mel q'uin, mach ma' pʌy tilel a cʌñʌyo' bʌ, mi a wijts'iñob, mi a pi'ʌlob, mi jini wen chumulo' bʌ, ame i cha' pʌyetob majlel ti q'uiñijel. Che' jini ma' cha' q'uextʌbentel.

Lucas 14:14

Mi caj a taj i tijicñʌyel a pusic'al come mach mejlic i cha' q'uextʌbeñet. Mi caj a q'uextʌbentel che' mi' cha' ch'ojyelob jini tojo' bʌ, che'en Jesús.

Lucas 14:21

Tsa' sujti jini x'e'tel. Tsi' laj sube i yum bajche' tsa' ujti. Mich'ix i yum otot, tsi' sube x'e'tel i cha'an: “Cucu ti ora ti choñoñibʌl yic'ot ti calle ya' ti tejclum. Pʌyʌ tilel jini mach bʌ añobic i chubʌ'an, yic'ot mach bʌ weñobic i c'ʌb, yic'ot mach bʌ weñobic i yoc, yic'ot xpots'ob”, che'en.

Hechos 9:39

Jini cha'an Pedro tsa' ch'ojyi, tsa' majli yic'otob. Che' bʌ tsa' c'oti, tsi' pʌyʌyob ochel. Ya' wa'alob pejtelel jini meba' x'ixicob ti' joytilel Pedro, woliyob ti uq'uel. Tsi' pʌsbeyob cabʌl chaqueta yic'ot bujcʌl tsa' bʌ i mele Dorcas che' anto yic'otob.

Deuteronomio 14:29

Aq'ueñob jini levíjob come ma'añobic i lum ti la' tojlel, che' ja'el jini ch'oyolo' bʌ ti yambʌ lum, yic'ot jini meba' alʌlob, yic'ot meba' x'ixicob am bʌ ti la' tejclum. Aq'ueñob i bʌl i ñʌc cha'an mi' ñaj'añob. Che' jini mi caj la' wʌq'uentel i yutslel lac Yum Dios ti pejtelel la' we'tel.

Deuteronomio 16:11

La' ñuc'ac la' pusic'al ti' tojlel lac Yum, jatet yic'ot ch'iton bʌ, yic'ot xch'oc bʌ la' walobilob, yic'ot la' winicob, yic'ot la' criada, yic'ot jini levíjob ya' bʌ chumulob la' wic'ot, yic'ot jini ñajt bʌ ch'oyolob, yic'ot meba' alʌlob, yic'ot meba' x'ixicob am bʌ ti la' tojlel. Ya' yom mi la' tempan la' bʌ ti jini ajñibʌl yajcʌbil bʌ i cha'an lac Yum Dios.

Deuteronomio 16:14

La' ñuc'ac la' pusic'al, jatet, yic'ot ch'iton bʌ yic'ot xch'oc bʌ la' walobilob, yic'ot la' winicob, yic'ot la' criada, yic'ot jini levíjob, yic'ot jini ñajt bʌ ch'oyolob, yic'ot meba' alʌlob, yic'ot meba' x'ixicob ya' bʌ chumulob ti la' lumal.

1 Timoteo 3:2

Mach yomic mi' cha'len mulil jini xcʌntaya. Yom juntiquil jach i yijñam. Yom mi' wen ña'tan pañimil. Yom mi' tic' i bʌ. Yom mi' mel chuqui toj. Yom mi' cha'len p'untaya. Yom mi' wen cha'len cʌntesa.

1 Timoteo 5:10

Yom mi' tsictiyel ti' tojlel i pi'ʌlob mi an wen bʌ i melbal, mi tsi' cosa i yalobilob, mi tsi' cha'le p'untaya, mi tsi' pocbeyob i yoc i cha'año' bʌ Dios, mi tsi' colta jini tsa' bʌ i tajayob wocol, mi tsi' yʌc'ʌ i bʌ ti pejtelel wen bʌ i melbal.

Tito 1:8

Yom mi' pʌy ochel i pi'ʌlob ti' yotot, yom mi' mulan i melol chuqui uts'at yic'ot chuqui toj yic'ot ch'ujul. Yom mi' ña'tan pañimil, yom mi' tic' i pusic'al.

Filemón 1:7

Wen tijicñayon lojon, hermano, come wen a wujil c'uxbiya. Tsa' ñuq'uesʌbeyon lojon c pusic'al che' bajche' tsa' ñuq'uesʌbeyob i pusic'al i cha'año' bʌ Dios.

Hebreos 13:2

Mach ñajʌyic ti la' pusic'al la' p'untan jini xñumelob mach bʌ cʌñʌlobic la' cha'an. An i tajol tsi' mʌc'layob ángelob lac tatob che' mach cʌmbilobic i cha'añob.