Lucas 13:34 - Chol: I T’an Dios

³⁴ Jerusalén, Jerusalén, mu' bʌ a tsʌnsan x'alt'añob, mi la' jul ti xajlel jini chocbilo' bʌ tilel ba' añetla. Anix jayyajl com c tempan la' walobilob che' bajche' mi' luts' i yal jini ña'a mut, pero mach la' womic.

Jiñi Tsiji' bʌ Wen T'añ cha'añ Estudio

³⁴ Jerusalén, Jerusalén, mu' bʌ a tsʌnsan x'alt'añob, mi la' jul ti xajlel jiñi chocbilo' bʌ tilel ba'añetla. Añix ca'bʌl tsa' c ñopo c tempan la' walobilob che' bajche' mi' luts' i yal jiñi xña'a mut, pero mach la' womic.

Chol de Tumbalá Bible

³⁴ Jerusalén, Jerusalén, mu' bʌ a tsʌnsan x'alt'añob, mi la' jul ti xajlel jini chocbilo' bʌ tilel ba' añetla. Anix jayyajl com c tempan la' walobilob che' bajche' mi' luts' i yal jini ña'a mut, pero mach la' womic.

Jiñi Tsiji' bʌ Wen T'añ cha'añ Estudio

³⁴ Jerusalén, Jerusalén, mu' bʌ a tsʌnsan x'alt'añob, mi la' jul ti xajlel jiñi chocbilo' bʌ tilel ba'añetla. Añix ca'bʌl tsa' c ñopo c tempan la' walobilob che' bajche' mi' luts' i yal jiñi xña'a mut, pero mach la' womic.

Chol Tila

³⁴ Jatyetla añet bʌ la ti Jerusalén mu' bʌ la' tsʌnsan jini tsa' bʌ i xiq'ui i yʌle' Dios mu' bʌ la' jul ti tyun jintyo mi la' tsʌnsan jini ajsubt'an tsa' bʌ i choco tyʌlel Dios. Jayyajlel com c much'quiñetla yubil che' bajche' ña' mut mi luts i yal. Pero mach la' wom.

Lucas 13:34 Iomraidhean Croise

Nehemias 9:26

Pero ma'anic tsi' jac'beyetob. Tsi' ñusayob a t'an. Tsi' ts'a'leyob a mandar. Tsi' tsʌnsayob jini x'alt'añob a cha'an tsa' bʌ i subeyob cha'an mi' sutq'uiñob i bʌ ba' añet. Tsi' cha'leyob cabʌl p'ajoñel.

Nehemias 9:30

Cabʌl jab tsa' cuchbeyob i mul. Tsa' choco tilel x'alt'añob tsa' bʌ i pejcayob ti' p'ʌtʌlel a wEspíritu. Tsi' subeyob cha'an mi' sutq'uiñob i bʌ, pero mach yomobic i ch'ujbin a t'an. Jini cha'an tsa' wʌc'ʌyob ti' wenta winicob mach bʌ i pi'ʌlobic.

Salmos 149:2

La' i yubiñob i tijicñʌyel israelob ti Dios tsa' bʌ i meleyob. La' i yubiñob i tijicñʌyel jini chumulo' bʌ ti Sion come yumʌlʌch i Rey.

Salmos 17:8

Yom ma' cʌntañon che' bajche' i santojlel a wut. Mosoyon ti a p'ʌtʌlel che' bajche' mi' luts' i yal i ña'al mut,

Salmos 36:7

C Dios, ¡uts'atax a wutslel! Mi' tilelob winicob x'ixicob ba' añet cha'an mi' tajob i coltʌntel ti' yebal a wich'.

Salmos 57:1

Dios, p'untañon, come ya' ba' añet mic taj c puts'ib. Yom ma' luts'on ya' ti' yebal a wich' yilal che' bajche' mi' luts' i yal i ña'al mut Jinto mi' ñumel jini bʌbʌq'uen bʌ.

Salmos 81:13

Uts'atax tsa'ic i ch'ujbibeyon c t'an jini c cha'año' bʌ, Tsa'ic i cha'leyob xʌmbal israelob tic bijlel.

Salmos 91:4

Dios mi caj i cʌntañet ti' yebal i wich' yilal che' bajche' mi' luts' i yal i ña'al mut. I xuc'tʌlel i pusic'al jiñʌch lac mʌctijib ba' mi laj cʌntʌntel.

Isaias 30:15

Come lac Yum Dios, jini Ch'ujul Bʌ ti Israel, woli' yʌl: Sutq'uin a bʌ ba' añon, ñopox c t'an. Che' jini ñʌch'ʌl mi caj a wajñel. Mi caj a taj a p'ʌtʌlel yic'ot i xuc'tilel a pusic'al. Pero woli jach a ñusʌbeñon c t'an.

Isaias 50:2

Che' bʌ tsa' tiliyon, ¿chucoch ma'anic majch tsac taja? Che' bʌ tsac pʌyʌyetla, ¿chucoch ma'anic majch tsi' jac'ʌ? ¿Tutsul ba j c'ʌb cha'an mach c tajayeticla? ¿Mach ba anic c p'ʌtʌlel cha'an mij coltañetla, cha'an mi cʌq'uetla ti libre? Jasʌl mi cʌc' c t'an cha'an mi' laj tiquin jini colem ñajb. Ya' ti colem ja' tiquin lumix mi' majlel. Muq'uix i tuw'an chʌy cha'an ma'anix ja'. Woli' chʌmelob ti tiquin ti'.

Jeremias 2:30

Tsa cʌc'ʌyob ti wocol la' walobilob, pero ma'anic tsa' la' mele la' pusic'al. Mach la' womic la' cʌy chuqui mi la' bajñel ña'tan ti la' pusic'al. Jontoletla che' bajche' bajlum. La' cha'añʌch jini espada tac tsa' bʌ la' c'ʌñʌ la' tsʌnsan jini x'alt'añob tsa' bʌ c chocbeyetla tilel.

Jeremias 26:23

Tsi' chucuyob Urías. Cʌchʌl tsi' cha' pʌyʌyob sujtel ti lac lumal. Jini rey Joacim tsi' yʌc'ʌ ti bic'ti tsejpel ti espada. Tsi' yʌc'ʌ ti mujquel ya' ba' muculob jini p'ump'uño' bʌ.

Jeremias 35:14

I yalobilob Jonadab woli' chʌn jac'beñob i t'an i tat. C'ʌlʌl wʌle ma'anic mi' japob vino, come woli' jac'beñob i t'an i tat. Pero ma'anic tsa' la' jac'beyon c t'an, anquese cabʌlix ora wolic pejcañetla.

Jeremias 35:17

Lac Yum, i Yumʌch Panchan yic'ot Pañimil, i Diosʌch Israel. Tsi' yʌlʌ: Q'uele woli cʌc'ob ti wocol pejtel chumulo' bʌ ti Judá yic'ot Jerusalén cha'an i mul che' bajche' tsac wʌn subeyob, pero ma'anic tsi' ñich'tayob che' bʌ tsac pejcayob. Tsac pʌyʌyob, pero ma'anic tsi' jac'ʌyob, che'en lac Yum.

Jeremias 6:16

Lac Yum woli' yʌl: Wa'i'la ba' mi' rusin i bʌ bij cha'an mi la' q'uel. C'ajtibenla xñumelob baqui an jini wen bʌ bij, jini oñiyix bʌ. Ya' yom mi la' cha'len xʌmbal cha'an mi la' taj i tijicñʌyel la' pusic'al. Pero tsi' yʌlʌyob: “Mach comic lojon xʌmbal ya'i”, che'ob.

Lamentaciones 1:16

Jini cha'an mic cha'len uq'uel. Cabʌl i ya'lel c wut. Ma'anic caj coltaya mu' bʌ i tijicñesan c pusic'al. Meba'obix calobilob yilal. Añobʌch ti' wenta j contrajob.

Lamentaciones 4:13

Tsa' jili cha'an ti' caj i mul jini x'alt'añob, ti' caj i jontolil jini motamajob tsa' bʌ i tsʌnsayob jini tojo' bʌ.

Oseas 11:2

Pero che' bʌ tsac pʌyʌyob, tsi' tʌts'ʌyob i bʌ tic tojlel. Tsa' utsi ñusʌbeyon c t'an. Tsi' yʌq'ueyob i majtan jini dios Baal. Tsi' pulbeyob pom jini dioste' tac.

Oseas 11:7

C cha'año' bʌ tsi' junyajlel cʌyʌyoñob. Anquese jini x'alt'añob mi' subeñob cha'an mi' pejcañob Dios am bʌ ti Chan, pero mach yomobic.

Joel 2:23

Winicob añet bʌ la ti Jerusalén, yom wen tijicña la' pusic'al. Yom wen tijicñayetla come joñon la' Yumon, la' Dioson. Tsaj cʌntesayetla bajche' yom mi la' wajñel ti toj. Tsa'ix cʌq'ueyetla ñaxan bʌ ja'al cha'an mi la' ña'tan wolic ñusʌbeñetla la' mul. Mux i cha' cajel jini ñaxan bʌ ja'al yic'ot wi'ilix bʌ.

Zacarias 1:4

Mach yomic lajaletla bajche' la' ñojte'elob. Jini x'alt'añob tsi' pejcayob ti oñiyi cha'an mi' cʌyob i mul. Tsi' yʌlʌyob: “Ubinla i t'an i Yum Panchan yic'ot Pañimil. Cʌyʌ la' mul, come leco jax la' melbal”, che'ob. Pero ma'anic tsi' jac'ʌyob. Ma'anic tsi' p'isiyob ti' wenta.

Mateo 22:3

Tsi' choco majlel x'e'telob i cha'an cha'an mi' pʌyob tilel jini pʌybilo' bʌ cha'an mi' melbeñob i q'uiñilel ñujpuñijel. Mach yomobic tilel.

Mateo 22:6

Yaño' bʌ tsi' chucuyob x'e'telob i cha'an. Leco tsi' tic'layob. Tsi' tsʌnsayob.

Lucas 15:28

Jini ascuñʌl bʌ tsa' caji ti mich'ajel. Mach yomic ochel. Jini cha'an tsa' loq'ui tilel i tat. Tsi' sube ti wocol t'an cha'an mi' yochel.

Lucas 19:44

Mi caj i choquetla jubel ti lum yic'ot la' walobilob año' bʌ ti tejclum. Ma'anic mi caj la' cʌybentel mi jump'ejlic xajlel ti' pam yambʌ, come ma'anic tsa' la' ña'ta che' i yorajlelix la' coltʌntel ti Dios. Che' tsi' yʌlʌ Jesús.

Lucas 23:28

Jesús tsi' sutq'ui i bʌ cha'an mi' q'uelob. Tsi' subeyob: X'ixicob añet bʌ la ti Jerusalén, mach mi la' wuc'tañon. Uc'tan la' bʌ. Uc'tan la' walobilob ja'el.

Hechos 7:52

Ma'anic mi juntiquilic x'alt'an mach bʌ anic tsa' tic'lʌnti cha'an la' ñojte'el. Tsi' tsʌnsayob jini tsa' bʌ i wʌn subuyob tal jini Toj bʌ. Wʌle jatetla tsa'ix la' wʌc'ʌ jini Toj bʌ ti' c'ʌb i contra. Tsa'ix la' tsʌnsa.

Hechos 7:59

Che' bʌ tsi' juluyob ti xajlel, Esteban tsi' pejca Dios. Tsi' yʌlʌ: C Yum Jesús, ch'ʌmbeñon c ch'ujlel, che'en.

Hechos 8:1

Saulo uts'at tsi' yubi che' bʌ tsi' tsʌnsayob. Ti jim bʌ ora tsa' tejchi cabʌl tic'laya ti' contra jini xñopt'añob tsa' bʌ i tempayob i bʌ ti Jerusalén. Ti pejtelelob tsa' pam pujquiyob ti pejtelel Judea yic'ot ti Samaria. Cojach jini apóstolob ma'anic tsa' pujquiyob.

Deuteronomio 32:29

Wen uts'at añobic i ña'tʌbal. Uts'at muq'uic i ch'ʌmbeñob isujm Cha'an mi' ña'tañob bajche' mi caj i jilelob.

Deuteronomio 5:29

Uts'atax muq'uic i bʌc'ñañoñob ti pejtelel ora cha'an mi' jac'beñonob c t'an yic'ot c mandar. Che'ic jini, muq'uix i ñusañob q'uin ti uts'at yic'ot i yalobilob ti pejtelel ora.

Apocalipsis 11:8

Mi caj i ñol cʌytʌlob i bʌc'tal jini chʌmeño' bʌ ti colem bij ti colem tejclum ya' ba' tsa' ch'ijle ti cruz i Yum. An i c'aba' ti lajiya Sodoma yic'ot Egipto.

xRut 2:12

La' i yʌq'ueñet lac Yum a chobejtʌbal cha'an jini tsa' bʌ a mele. Ts'ʌcʌl yom ma' wʌq'uentel ti lac Yum, come tsa' wʌc'ʌ a bʌ ti' wenta i Dios Israel cha'an ma' taj a coltʌntel ti yebal i wich', che'en.