Lucas 13:11 - Chol: I T’an Dios

¹¹ Awilan, ya'an x'ixic am bʌ i c'amʌjel. Waxʌclujump'ejl (18) jab ma'anic tsa' mejli i toj'esan i pat cha'an i xibʌjlel. C'uchucña tsi' cha'le xʌmbal.

Jiñi Tsiji' bʌ Wen T'añ cha'añ Estudio

¹¹ Ya'añ x'ixic am bʌ i c'am-ʌjel waxʌclujump'ejlix (18) ja'b, c'uchucña tsi' cha'le xʌmbal, ma'añic tsa' mejli i toj-esan i pat cha'añ i xi'bʌjlel.

Chol de Tumbalá Bible

¹¹ Awilan, ya'an x'ixic am bʌ i c'amʌjel. Waxʌclujump'ejl (18) jab ma'anic tsa' mejli i toj'esan i pat cha'an i xibʌjlel. C'uchucña tsi' cha'le xʌmbal.

Jiñi Tsiji' bʌ Wen T'añ cha'añ Estudio

¹¹ Ya'añ x'ixic am bʌ i c'am-ʌjel waxʌclujump'ejlix (18) ja'b, c'uchucña tsi' cha'le xʌmbal, ma'añic tsa' mejli i toj-esan i pat cha'añ i xi'bʌjlel.

Chol Tila

¹¹ Ya'an juntiquil x'ixic. Anix bʌ dieciocho jabil i quejel ti c'am'an. Tyʌc'lʌbil ti xiba. Xiba ti yʌc'ʌ ti cotcot xʌmbal. Mach ch'ujbi i saj tyoj isan i bʌ jini x'ixic.

Lucas 13:11 Iomraidhean Croise

Job 2:7

Jini cha'an tsa' loq'ui Satanás ti' tojlel lac Yum. Tsi' yʌq'ue i c'amʌjel Job. Tsa' pasi tsoy ti' cotol, ti' xinjol c'ʌlʌl ti' mal i yoc.

Salmos 145:14

C Yum, ma' wʌq'ueñob i p'ʌtʌlel pejtel mu' bʌ i yajlelob. Ma' tijicñesʌbeñob i pusic'al jini ch'ijiyemo' bʌ.

Salmos 146:8

Lac Yum mi' cambeñob i wut jini xpots'ob. Lac Yum mi' tijicñesʌbeñob i pusic'al jini ch'ijiyemo' bʌ. Lac Yum mi' c'uxbin jini tojo' bʌ i pusic'al.

Salmos 38:6

C'uchulon, wen peq'uesʌbilon. C'ʌlʌl mi' sʌc'an c'ʌlʌl mi' yic'an wen ch'ijiyemon.

Salmos 42:5

¿Chucoch ch'ijiyem c pusic'al? ¿Chucoch wulwulña c pusic'al? La' c pijtan Dios, come mach jalix mi caj c suben wocolix i yʌlʌ caj Coltaya Dios.

Salmos 6:2

C Yum, pʌsbeñon i yutslel a pusic'al, come wen c'uñon jax. Lajmesañon, come wen tsiltsilña c pusic'al cha'an j c'amʌjel.

Mateo 4:23

Jesús tsa' ñumi majlel ti pejtelel Galilea. Tsi' cha'le cʌntesa ti' sinagoga tac judíojob. Tsi' subu jini wen t'an cha'an i yumʌntel Dios. Tsi' lu' lajmesa pejtelel c'amʌjel yic'ot chʌmel tsa' bʌ i yubiyob winicob x'ixicob.

Marcos 9:21

Jesús tsi' c'ajtibe i tat: ¿Jayp'ejlix jab tsa' caji jini? che'en. I tat tsi' sube: C'ʌlʌl che' alʌl to, che'en.

Lucas 13:12

Jesús tsi' pʌyʌ tilel jini x'ixic che' bʌ tsi' q'uele. Tsi' sube: X'ixic lajmesʌbiletix ti a c'amʌjel, che'en.

Lucas 13:16

¿Mach ba yomic mi' yʌjq'uel ti colel ti' q'uiñilel c'aj o ili x'ixic, i yalobil Abraham chucbil bʌ i cha'an Satanás waxʌclujump'ejl jab? che'en.

Lucas 21:28

Che' mi' cajel ti ujtel ili tac, letsan la' wut, letsan la' jol, come lʌc'ʌlix la' coltʌntel. Che' tsi' yʌlʌ Jesús.

Lucas 8:2

Tsi' pi'leyob majlel ja'el cha'tiquil uxtiquil x'ixicob tsa' bʌ lajmesʌntiyob cha'an i xibʌjlel yic'ot i chʌmel. Juntiquil x'ixic i c'aba' María, ch'oyol bʌ ti Magdala. Tsa' loq'uiyob wuctiquil xibajob ti' pusic'al.

Lucas 8:27

Che' bʌ tsa' c'oti ti lum Jesús, tsa' tili winic ch'oyol bʌ ti tejclum. Anix ora an i xibʌjlel. Ma'anic i pislel. Ma'anic mi' yajñel ti otot. Ya jach an ti' yotlel ch'ujlelʌl.

Lucas 8:43

An juntiquil x'ixic mach bʌ anic tsa' wis tijq'ui i bec' i ch'ich'el lajchʌmp'ejl jab. Tsi' laj jisa pejtelel i chubʌ'an cha'an i tojol i ts'ʌcʌntel. Ma'anic majch tsa' mejli i lajmesan.

Hechos 3:2

Juntiquil winic mach bʌ wenic i yoc c'ʌlʌl che' bʌ tsi' yila pañimil tsa' pʌjyi tilel. Ti jujump'ejl q'uin tsi' yʌc'ʌyob ti' ti' Templo, i c'aba' I T'ojol Bʌ, cha'an mi' c'ajtibeñob taq'uin jini mu' bʌ i yochelob ti Templo.

Hechos 4:22

Come ñumenix ti cha'c'al i jabilel jini winic tsa' bʌ p'ʌt'esʌnti cha'an ñuc bʌ i p'ʌtʌlel Dios.