Lucas 12:7 - Chol: I T’an Dios

⁷ Che' ja'el, tsicbil i tsutsel la' jol. Jini cha'an mach mi la' cha'len bʌq'uen. Come jatetla, ñumen an la' c'ʌjñibal bajche' cabʌl xpuruwoc.

Jiñi Tsiji' bʌ Wen T'añ cha'añ Estudio

⁷ Che' ja'el, tsicbil i tsutsel la' jol, jiñi cha'añ mach mi la' cha'len bʌq'uen, come jatetla, ñumen añ la' c'ʌjñibal bajche' ca'bʌl xpurwoc.

Chol de Tumbalá Bible

⁷ Che' ja'el, tsicbil i tsutsel la' jol. Jini cha'an mach mi la' cha'len bʌq'uen. Come jatetla, ñumen an la' c'ʌjñibal bajche' cabʌl xpuruwoc.

Jiñi Tsiji' bʌ Wen T'añ cha'añ Estudio

⁷ Che' ja'el, tsicbil i tsutsel la' jol, jiñi cha'añ mach mi la' cha'len bʌq'uen, come jatetla, ñumen añ la' c'ʌjñibal bajche' ca'bʌl xpurwoc.

Chol Tila

⁷ Como jinic tyo tsijquil i cha'an Dios jujunt'ujm i tsutsel la col. Mach yom la' cha'len bʌq'uen che' jini. Como más an la' c'ʌjnibal bajche' cabʌl saj xma'tye'mut.

Lucas 12:7 Iomraidhean Croise

2 Samuel 14:11

Pero mach jasʌlic tsi' yubi jini x'ixic. Tsi' chʌn cha'le t'an: Ti wocol t'an mic subeñet, c rey, c'ajtibeñon i yutslel lac Yum Dios. Mach yomix mi' chʌn tic'lʌntel jini calobil cha'an i q'uexol tsa' bʌ i mele, che'en. Jini rey tsi' jac'ʌ: Melelʌch come cuxul lac Yum, ma'anic mi caj i yajlel mi junt'ujmic i tsutsel i jol, che'en.

Job 35:11

Dios mi' yʌq'ueñonla lac pusic'al yic'ot lac ña'tibal ñumen bajche' bʌte'el yic'ot te'lemut am bʌ ti pañimil.

Salmos 8:6

Tsa' wʌq'ueyob i yumʌntel ti' tojlel pejtel a melbal. Tsa'ix a wʌc'ʌ ti' wenta pejtel chuqui tac an:

Mateo 12:12

Ñumen ñuc i c'ʌjñibal winic bajche' tiñʌme'. Jini cha'an mach tic'bilic ti mandar i melol chuqui uts'at ti' yorajlel c'aj o, che'en.

Mateo 6:26

Q'uelela jini te'lemut. Ma'anic mi' cha'len pac' mi c'ajbal. Ma'anic mi' tempan i buc'bal ti' yotlel. La' Tat ti panchan mi' yʌq'uen i buc'bal te'lemut. ¿Mach ba ñumenic la' c'ʌjñibal bajche' te'lemut?

Lucas 21:18

Pero ma'anic mi caj i sajtel mi junt'ujmic i tsutsel la' jol.

Hechos 27:34

Jini cha'an mic subeñetla ti wocol t'an yom mi la' cha'len we'el cha'an mi la' p'ʌt'an. Ma'anic mi caj i sajtel mi junt'ujmic i tsutsel la' jol mi ti juntiquileticla, che'en Pablo.

1 Samuel 14:45

Pero jini soldadojob tsi' subeyob Saúl: ¿Yom ba mi' chʌmel Jonatán? Jiñʌch tsa' bʌ i colta israelob cha'an mi' mʌjlel lac cha'an. Isujm mic subeñet lojon, come cuxul lac Yum: Ma'anic mi' cajel ti yajlel ti lum mi junt'ujmic i tsutsel i jol, come lac Yum tsi' wen colta. Jini cha'an tsi' mʌlbe laj contrajob, che'ob. Che'ʌch tsi' coltayob Jonatán pejtelel i pi'ʌlob cha'an ma'anic mi' yʌjq'uel ti chʌmel.