Lucas 12:4 - Chol: I T’an Dios

⁴ Mic subeñetla, c pi'ʌlob, mach mi la' bʌc'ñan jini mu' bʌ i tsʌnsan la' bʌc'tal pero ti wi'il ma'anix chuqui mi mejlel i tumbeñetla.

Jiñi Tsiji' bʌ Wen T'añ cha'añ Estudio

⁴ Mic su'beñetla, c pi'ʌlob, mach mi la' bʌc'ñan jiñi mu' bʌ i tsʌnsan la' bʌc'tal pero ti wi'il ma'añix chuqui mi mejlel i tumbeñetla.

Chol de Tumbalá Bible

⁴ Mic subeñetla, c pi'ʌlob, mach mi la' bʌc'ñan jini mu' bʌ i tsʌnsan la' bʌc'tal pero ti wi'il ma'anix chuqui mi mejlel i tumbeñetla.

Jiñi Tsiji' bʌ Wen T'añ cha'añ Estudio

⁴ Mic su'beñetla, c pi'ʌlob, mach mi la' bʌc'ñan jiñi mu' bʌ i tsʌnsan la' bʌc'tal pero ti wi'il ma'añix chuqui mi mejlel i tumbeñetla.

Chol Tila

⁴ Mic subeñetla p'untyʌbilet bʌ c pi'ʌlob. Mach yom la' lolon bʌc'ñan jini mu' bʌ i tsʌnsañetla pero ma'ix chʌ bʌ ch'ujbi i más tyumbeñetla.

Lucas 12:4 Iomraidhean Croise

Proverbios 29:25

Majqui jach mi' bʌc'ñan winicob x'ixicob mach librejic. Chucul ti yac yilal. Jini mu' bʌ i xuc'chocon i bʌ ti lac Yum añʌch i coltʌntel.

Cantares 5:1

(Jini rey Salomón:) Tsa'ix juliyon tic pʌc'ʌb, quijñam c pi'ʌlet bʌ. Wolix c tuc' mirra yic'ot yambʌ xojocña bʌ c cha'an. Wolij c'ux chab. Wolic jap vino yic'ot lech. (Jini xch'ocob ti Jerusalén:) Che'ʌch yom, c'uxula, japʌla ti pejtelel a pusic'al, come temeletla mu' bʌ la' c'uxbin la' bʌ. Yom tijicñayetla. (Jini xch'oc:)

Cantares 5:16

Ña'tanla, x'ixicob, chumulet bʌ la ti Jerusalén, uts'atax i yej, tsaj i t'an, uts'atax i pusic'al. Che'ʌch yilal jini c'uxbibil bʌ c cha'an, che'en.

Isaias 41:8

Ubin, Israel, c winiquet. Ubin, Jacob. Tsac yajcayet ti oñiyi. I p'olbalet Abraham, jini wen cʌñʌ bʌ c cha'an.

Jeremias 1:17

Chajpan a bʌ. Cucux subeñob pejtel jini t'an tsa' bʌ c subeyet. Mach a bʌc'ñañob che' ma' q'uelbeñob i wut, ame mi cʌq'uet ti quisin ti' tojlelob.

Jeremias 1:8

Mach a wis bʌc'ñan winicob, come añon quic'otet cha'an mi cʌq'uet ti colel ti' c'ʌb, che'en lac Yum.

Jeremias 41:18

Tsi' bʌc'ñayob jini caldeojob, come Ismael tsi' tsʌnsa jini gobernador Gedalías wa'chocobil bʌ cha'an jini rey ti Babilonia.

Ezequiel 2:6

I yalobil winic, mach yomic ma' cha'len bʌq'uen. Mach a bʌc'ñʌbeñob i t'an, anquese lajal i t'an bajche' ch'ixol ti a joytʌlel, anquese joyolet ti siñan yilal. Mach a mel a pusic'al che' mich'icña i wut come xñusa t'añob.

Mateo 10:28

Mach mi la' bʌc'ñan jini mu' bʌ i tsʌnsañob la' bʌc'tal, come mach mejlic i tajob la' ch'ujlel. Yom mi la' bʌc'ñan jini mu' bʌ mejlel i jisan la' ch'ujlel yic'ot la' bʌc'tal ti c'ajc.

Juan 15:13

Jiñʌch ñuc bʌ c'uxbiya che' an majch mi' yʌc' i bʌ ti chʌmel cha'an i pi'ʌlob. Ma'anic majch ñumen cabʌl i c'uxbiya bajche' jini.

Hechos 20:24

Ma'anic mij q'uel j cuxtʌlel ti ñuc. Anquese mi cʌjq'uel ti chʌmel, tijicña c pusic'al mi uts'at mic ts'ʌctesan que'tel tsa' bʌ aq'uentiyon ti lac Yum Jesús cha'an mic sub jini wen t'an cha'an i yutslel i pusic'al Dios.

Hechos 4:13

Che' bʌ tsi' q'uelbeyob i ch'ejlel i pusic'al Pedro yic'ot Juan, tsa' toj sajtiyob i pusic'al winicob x'ixicob come yujilob mach cʌntesʌbilobic ti jun, ma'añobic i ye'tel. Tsi' ña'tayob i pi'ʌlobʌch Jesús jini Pedro yic'ot Juan.

Filipenses 1:28

Mach yomic mi la' wis bʌc'ñan la' contrajob. Che' jini tsiquil ti' tojlelob mi caj i jisʌntelob, pero mi caj la' coltʌntel cha'an Dios.

Santiago 2:23

Tsa' ujti che' bajche' tsi' yʌlʌ i ts'ijbujel Dios: “Abraham tsi' ñopo Dios. Jini cha'an tsa' q'uejli ti toj”, che'en. Dios tsi' pejca ti' pi'ʌl.

1 Pedro 3:14

Pero mi woli la' tic'lʌntel cha'an ti' melol chuqui toj, tijicñayetla. Jini cha'an mach la' cha'len bʌq'uen che' mi' cha'leñob bʌc'tesaya. Mach la' mel la' pusic'al.

Apocalipsis 2:10

Mach la' bʌc'ñan jini wocol mu' bʌ caj i tajetla. Awilan jini xiba mi caj i lamital otsañetla ti ñujp'ibʌl cha'an mi' yilʌbentel la' pusic'al. Mi caj la' tic'lʌntel lujump'ejl q'uin. Xuc'ul yom mi la' wajñel anquese mi la' wʌjq'uel ti chʌmel. Mi caj cʌq'ueñetla la' cuxtʌlel che' bajche' corona.