Lucas 12:37 - Chol: I T’an Dios

³⁷ Tijicñayob jini x'e'telob woli bʌ i pijtañob i yum che' mi' tilel. Isujm mic subeñetla, i yum mi caj i chajpan i bʌ. Mi caj i subeñob buchtʌl ti c'ux waj jini x'e'telob i cha'an. Mi caj i tilel i yʌq'ueñob i bʌl i ñʌc'.

Jiñi Tsiji' bʌ Wen T'añ cha'añ Estudio

³⁷ Tijicñayob jiñi x'e'telob woli bʌ i pijtañob i yum che' mi' tilel. Isujm mic su'beñetla, i yum mi caj i chajpan i bʌ, mi caj i su'beñob buchtʌl ti c'ux waj jiñi x'e'telob i cha'añ, mi caj i tilel i yʌq'ueñob i bʌl i ñʌc'.

Chol de Tumbalá Bible

³⁷ Tijicñayob jini x'e'telob woli bʌ i pijtañob i yum che' mi' tilel. Isujm mic subeñetla, i yum mi caj i chajpan i bʌ. Mi caj i subeñob buchtʌl ti c'ux waj jini x'e'telob i cha'an. Mi caj i tilel i yʌq'ueñob i bʌl i ñʌc'.

Jiñi Tsiji' bʌ Wen T'añ cha'añ Estudio

³⁷ Tijicñayob jiñi x'e'telob woli bʌ i pijtañob i yum che' mi' tilel. Isujm mic su'beñetla, i yum mi caj i chajpan i bʌ, mi caj i su'beñob buchtʌl ti c'ux waj jiñi x'e'telob i cha'añ, mi caj i tilel i yʌq'ueñob i bʌl i ñʌc'.

Chol Tila

³⁷ C'ajacña i yoj jini ajtroñelob che' p'ixil tyo mi c'otyel i yum. Mic subeñetla melelʌch jini i yum mi quejel i chajpan i bʌ cha'an i cha'len troñel. Mi quejel i subeñob buchtyʌl jini ajtroñelob cha'an i yʌq'ueñob i cha'len uch'el.

Lucas 12:37 Iomraidhean Croise

Isaias 62:5

A walobilob mi caj i c'uxbiñet, Jerusalén. Wen tijicñayob i pusic'al che' bajche' xñujpuñijel mu' bʌ i pʌy xch'oc cha'an i yijñam. Che' ja'el tijicña i pusic'al a Dios ti a tojlel.

Jeremias 32:41

Tijicña mi caj cubin che' mic melbeñob chuqui uts'at. Mi caj c cha' pʌc'ob ti jini lum ti pejtelel c pusic'al yic'ot ti pejtelel c ch'ujlel. Xuc'ul mi caj i yajñelob.

Sofonias 3:17

Come lac Yum an a wic'ot. Jini P'ʌtʌl Bʌ mi caj i coltañet. Tijicña mi caj i yubin yic'otet. Mi caj i yʌq'ueñet a c'aj a wo. Mi caj i c'uxbiñet. Mi caj i cha'len c'ay come tijicña mi' q'uelet.

Mateo 24:42

Jini cha'an chʌcʌ q'uele la' bʌ, come mach ña'tʌbilic la' cha'an baqui bʌ q'uin mi' tilel la' Yum.

Lucas 12:36

Ajñenla bajche' mi' yajñelob x'e'telob woli bʌ i pijtañob i yum mu' bʌ i cha' tilel ti' yotot che' mi' yujtel i q'uiñilel ñujpuñijel. Che' jini, che' mi' c'otel i pejcañob ti' yotot, mi' jambeñob ti ora.

Lucas 12:43

Tijicña jini x'e'tel uts'at bʌ woli' mel che' mi' sujtel i yum.

Lucas 17:8

¿Mach ba muq'uic a suben: “Chajpʌbeñon i bʌl c ñʌc'. Chajpan a bʌ. Aq'ueñon c we'el yic'ot chuqui mic jap. Jinto mi cujtel, mi caj a cha'len we'el uch'el ja'el”. Che'ʌch ma' suben x'e'tel a cha'an.

Lucas 21:36

Yom yʌxʌl la' wo che' jini. Chʌn cha'lenla oración ti pejtelel ora, cha'an mi la' q'uejlel ti uts'at, cha'an ma'anic mi' tajetla ili wocol mu' bʌ caj ti ujtel, cha'an uts'at mi la' wa'tʌl ti' tojel i Yalobil Winic, che'en Jesús.

Lucas 22:27

Come ¿majqui ñumen ñuc ma' wʌl? ¿Jim ba mu' bʌ i buchtʌl ti c'ux waj, o jim ba x'e'tel mu' bʌ i ñusʌben waj? Pero joñon che'ʌch añon ti la' tojlel bajche' x'e'tel la' cha'an.

Juan 12:26

Majqui jach yom i cha'libeñon que'tel, la' i tsajcañon. Ya' ba' añon mi caj i yajñel c winic ja'el. Mi an majch mi' cha'libeñon que'tel, ñuc mi caj i q'uejlel cha'an c Tat.

1 Corintios 2:9

Come ts'ijbubil: “Jini mach bʌ q'uelbilic ti' wut winicob, jini mach bʌ ubibilic ti' chiquin winicob, jini mach bʌ anic tsi' ña'tayob winicob ti' pusic'al, jiñʌch tsa' bʌ i chajpa Dios cha'an mi' yʌq'ueñob jini mu' bʌ i c'uxbiñob Dios”, che'en.

Filipenses 1:21

Come cuxul Cristo tic pusic'al. Jiñʌch j cuxtʌlel. Mi tsa' chʌmiyon ñumen tijicñayon ti' tojlel.

Filipenses 1:23

Come woli ti chʌn q'uextʌyel c pusic'al cha'an cha'chajp wolic ña'tan. Comix chʌmel cha'an mi cajñel yic'ot Cristo. Jiñʌch c'ax uts'at bʌ.

2 Pedro 1:11

Che' jini mi caj la' pʌjyel ochel ti' yumʌntel Dios mach bʌ anic mi' jilel, yic'ot lac Yum Jesucristo, Xcoltaya lac cha'an.

2 Pedro 3:14

Jini cha'an c'uxbibilet bʌ la, che' woli la' pijtan jini q'uin, yom mi la' cha'len wersa cha'an mi la' wajñel ti ch'ujul cha'an sʌquetla, cha'an ñʌch'ʌl la' pusic'al che' mi' tajetla Jesús.

Apocalipsis 14:13

Tsa cubi t'an loq'uem bʌ ti panchan. Tsi' subeyon: Ts'ijban: “Tijicñayob ti pejtelel ora jini chʌmeño' tsa' bʌ chʌmiyob che' añob ti lac Yum”. Tijicñayob cu, che'en jini Espíritu, come mi caj i c'ajob i yo. Tsi' cha'leyob wocol e'tel pero woli' c'ajbeñob i wut i melbal, che'en.

Apocalipsis 16:15

Awilan, talon che' bajche' xujch'. Tijicña jini woli bʌ i q'uel, woli bʌ i cʌntan i pislel ame pits'ilic mi' cha'len xʌmbal, ame quisintiquic mi' yubin che' pits'il, che'en.

Apocalipsis 3:21

Jini mu' bʌ i mʌjlel i cha'an mi caj c suben buchtʌl quic'ot tic yumʌntel, che' bajche' tsa' buchleyon quic'ot c Tat ti' yumʌntel che' bʌ tsa' mʌjli c cha'an.

Apocalipsis 7:17

Jini Tiñʌme' am bʌ ti' tojel i buchlib Dios mi caj i cʌntañob. Mi caj i pʌsbeñob majlel cuxul bʌ ja'. Dios mi caj i sujcubeñob pejtelel i ya'lel i wut, che'en.