Lucas 12:21 - Chol: I T’an Dios

²¹ Junlajal jini mu' bʌ i p'ojlesan cabʌl i chubʌ'an cha'an mi' bajñel c'ʌn, pero ma'anic chuqui mi' taj ti Dios, che'en Jesús.

Jiñi Tsiji' bʌ Wen T'añ cha'añ Estudio

²¹ Che'ʌch jiñi mu' bʌ i bajñel p'ol ca'bʌl i chu'bʌañ cha'añ mi' bajñel c'ʌn, pero ma'añic chuqui mi' taj ti Dios, —che'en Jesús.

Chol de Tumbalá Bible

²¹ Junlajal jini mu' bʌ i p'ojlesan cabʌl i chubʌ'an cha'an mi' bajñel c'ʌn, pero ma'anic chuqui mi' taj ti Dios, che'en Jesús.

Jiñi Tsiji' bʌ Wen T'añ cha'añ Estudio

²¹ Che'ʌch jiñi mu' bʌ i bajñel p'ol ca'bʌl i chu'bʌañ cha'añ mi' bajñel c'ʌn, pero ma'añic chuqui mi' taj ti Dios.

Chol Tila

²¹ Chʌ'ʌch mi yujtyel mu' bʌ i niq'ui lotye' cha'an bʌ i bajñel cha'an. Pero p'ump'unjax ti' tyojlel Dios como mach'an mi' pensalin chʌ bʌ mi' mulan Dios. Chʌ'ʌch ti' cha'le lajoñel Jesús.

Lucas 12:21 Iomraidhean Croise

Proverbios 13:7

An mu' bʌ i ña'tañob ochel ti rico, pero ma'anic chuqui mi' tajob. An mu' bʌ i yochelob ti pobre pero wen ricojobʌch.

Oseas 10:1

Lajal jini israelob che' bajche' wen c'oc' bʌ ts'usubil wen yujil bʌ wut. Pero che' mi' yutsi p'ojlel i wut, mi' yutsi p'ojlel pulʌntib tac ba' mi' yʌq'ueñob i majtan i diosob. Che' mic p'ojlesʌbeñob i chubʌ'an, ñumen i t'ojol jax mi' ch'ʌlob i yejtal tac i diosob.

Habacuc 2:9

Obol a bʌ cha'an tsa' p'ojlesa a chubʌ'an ti' caj a jontolil. Ma' lon ña'tan mi mejlel a puts'tan jini ñuc bʌ wocol mu' bʌ caj i tajet.

Lucas 12:33

Choño la' chubʌ'an. Aq'uen la' chubʌ'an p'umpuño' bʌ. Melela i yajñib la' taq'uin mach bʌ anic mi' ñox'an. Tempan la' chubʌ'an ti panchan ba' ma'anic mi' jilel, ba' ma'anic mi' yochelob xujch', ba' ma'anic mi' jisan motso'.

Lucas 16:11

Mi mach xuc'ulic mi la' c'ʌn i chubʌ'an pañimil, ¿majqui mi caj i yʌq'ueñetla jini mero isujm bʌ chubʌ'añʌl?

Lucas 6:24

Mi caj la' taj wocol wen chumulet bʌ la, come tsa'ix la' taja la' chobejtʌbal.

Romanos 2:5

Tsʌtsatax a pusic'al. Ma'anic ma' cʌy a mul. Che' jini wola' wʌc' ti tempʌyel i mich'ajel Dios cha'an i q'uiñilel mich'ajel che' mi' caj ti tsictiyel bajche' mi' cha'len meloñel Dios ti toj.

2 Corintios 6:10

Ch'ijiyem lojon c pusic'al pero chʌn tijicñayon lojon. Ma'anic c chubʌ'an lojon, pero wen chumulob yaño' bʌ cha'an que'tel ti subt'an. Ma'anic mi ts'ita'ic c chubʌ'an lojon, pero c cha'añʌch lojon pejtelel chuqui tac an.

1 Timoteo 6:9

Jini yomo' bʌ i taj cabʌl i chubʌ'an mi' jac'ob i pʌyol ti mulil. Mi' yochelob ti yac, ñijcʌbilob cha'an i colosojlel i pusic'al mu' bʌ i yʌc'ob ti wocol. Mi' sʌtob i bʌ. Mi caj i jisʌntelob.

Santiago 2:5

C'uxbibilo' bʌ quermanojob, ubinla. Dios tsi' yajca jini mach bʌ añobic i chubʌ'an ti pañimil cha'an mi' wen chumtʌlob cha'an jini mu' bʌ lac ñop, come mi caj i yajñelob ti' yumʌntel Dios yic'ot pejtel mu' bʌ i c'uxbiñob Dios che' bajche' albil i cha'an.

Apocalipsis 2:9

Cʌmbil c cha'an la' melbal yic'ot la' wocol. Ma'anic la' chubʌ'an, pero cabʌlʌch la' wenlel. Cʌmbil c cha'an ja'el bajche' mi' ts'a'leñetla jini mu' bʌ i lon cuyob i bʌ ti israelob. Mach israelobic, pero i cha'añob Satanás.