Lucas 12:20 - Chol: I T’an Dios

²⁰ Dios tsi' sube jini winic: “Tontojet, ti jini jach bʌ ac'ʌlel talob i pʌy majlel a ch'ujlel. Che' jini, ¿majqui i cha'an pejtelel a chubʌ'an tsa' bʌ a tempa?” che'en.

Jiñi Tsiji' bʌ Wen T'añ cha'añ Estudio

²⁰ Pero Dios tsi' su'be jiñi wiñic: “Tontojet, ti ili ac'ʌlel talob i pʌyob majlel a ch'ujlel, che' jiñi, ¿majqui i cha'añ pejtelel a chu'bʌañ tsa' bʌ a tempa?” Che'en.

Chol de Tumbalá Bible

²⁰ Dios tsi' sube jini winic: “Tontojet, ti jini jach bʌ ac'ʌlel talob i pʌy majlel a ch'ujlel. Che' jini, ¿majqui i cha'an pejtelel a chubʌ'an tsa' bʌ a tempa?” che'en.

Jiñi Tsiji' bʌ Wen T'añ cha'añ Estudio

²⁰ Pero Dios tsi' su'be jiñi wiñic: “Tontojet, ti ili ac'ʌlel talob i pʌyob majlel a ch'ujlel, che' jiñi, ¿majqui i cha'añ pejtelel a chu'bʌañ tsa' bʌ a tempa?”

Chol Tila

²⁰ Pero Dios ti' sube jini winic: Pero ubin. Mach'an ma' ña'tyan. Wale iliyi bʌ ac'bʌlel mi quejel a sajtyel. Ixcu tsa' bʌ a lotyo, ¿majchqui i cha'an mi quejel i majlel? Che' ti' sube Dios.

Lucas 12:20 Iomraidhean Croise

Ester 5:11

Tsi' subeyob pejtel i ñuclel. Ñuc tsi' q'uele i bʌ cha'an cabʌl i chubʌ'an yic'ot i yalobilob yic'ot i c'uxbintel ti' tojlel rey, come jini rey tsi' yʌq'ue jini ñaxan bʌ buchlibʌl cha'an mi' yumʌntel ti' tojlel pejtel ñuco' bʌ i ye'tel.

Job 27:8

Che' mi' chʌmel jini mach bʌ anic mi' bʌc'ñan Dios, che' mi' pʌjyel ti meloñel ti Dios, ¿chuqui mi caj i taj?

Salmos 39:6

Che'ʌch añon lojon bajche' axñal mu' bʌ ti ñumel majlel. Lolom jach mic mel lojon c pusic'al. Anquese mic tempan lojon c chubʌ'an, mach cujilic lojon majqui mi caj i ch'ʌm.

Salmos 49:10

Che' jach mi' yujtel. Mi' chʌmel jini am bʌ i ña'tʌbal. Mi' jilel jini tonto bʌ yic'ot jini jontol bʌ. Mi' cʌyob i chubʌ'an, mi' ch'ʌmob yaño' bʌ.

Salmos 73:19

Ti ora jach mi' jilelob. Mi' bʌc' tilel jini bʌbʌq'uen tac bʌ.

Salmos 78:30

Che' wo'ob ti we'elʌl, Che' woli to i c'uxob,

Proverbios 10:2

Anquese letsem i tojol chuqui tac mi' ch'ʌm winic ti jontolil, ma'anic chuqui mi' yʌq'uen. I yuts'atlel jini toj bʌ mi' yʌc' ti colel jini mu' bʌ caj ti chʌmel.

Proverbios 11:4

Ma'anic i c'ʌjñibal chubʌ'añʌl ti' q'uiñilel i mich'lel Dios. Pero i yuts'atlel jini toj bʌ mi' yʌc' ti colel jini mu' bʌ caj ti chʌmel.

Proverbios 13:7

An mu' bʌ i ña'tañob ochel ti rico, pero ma'anic chuqui mi' tajob. An mu' bʌ i yochelob ti pobre pero wen ricojobʌch.

Proverbios 27:1

Mach a lon ña'tan chuqui mi caj a mel ijc'ʌl, come mach a wujilic chuqui mi' caj ti ujtel ijc'ʌl.

Proverbios 28:8

Jini mu' bʌ i yʌc' i taq'uin ti bet, mu' bʌ i c'ajtiben i jol ti uw ti uw cha'an mi' p'ojlesan i chubʌ'an, woli jach i p'ojlesan cha'an mi' yʌq'uen yambʌ winic wen bʌ i pusic'al mu' bʌ caj i p'untan jini pobrejob.

Isaias 56:12

Mi' yʌlob: Conla c sʌclan vino cha'an mi lac yʌc'an. Ijc'ʌl mux lac cha' mel che' bajche' wʌle, pero ñumeñix, che'ob.

Jeremias 17:11

Jini winic mu' bʌ i tempan taq'uin yic'ot chubʌ'añʌl che' mach tojic bajche' tsi' ganari, tonto mi' caj ti q'uejlel. Lajalʌch bajche' chʌcmut mu' bʌ i tempan alʌ mut mach bʌ i yalic. Che' mach yujilic, mi' bʌc' majlel. I bajñel mi caj i cʌytʌl che' ti' jilibal.

Amos 6:13

Mi la' tijicñesan la' bʌ yic'ot jini lolom tac bʌ. Mi la' lon al: “Ti lac bajñel p'ʌtʌlel tsa' mʌjli lac cha'an”, lon che'etla.

Nahum 1:10

Mi caj i chocob ti c'ajc che' bajche' tiquin ch'ix. Mi caj i pulelob che' bajche' tiquin bʌ jam.

Lucas 11:40

Tontojetla. Jini tsa' bʌ i mele la' bʌc'tal, ¿mach ba anic tsi' mele la' pusic'al ja'el?

1 Tesalonicenses 5:3

Ba' ora mi' yʌlob ñʌch'ʌlix pañimil, ba' ora mi' yʌlob ma'anic tsiquil bʌbʌq'uen bʌ, che' jini mi caj i bʌc' jisʌntelob che' bajche' mi' bʌc' cajel ti bajq'uel x'ixic che' mi' yilan pañimil i yalobil. Mach mejlicob ti puts'el.

1 Timoteo 6:17

Jixcu jini am bʌ cabʌl i chubʌ'an ti pañimil, tsʌts ma' subeñob cha'an ma'anic mi' chañ'esañob i bʌ, cha'an ma'anic mi' yʌc'ob ti' pusic'al i chubʌ'an yujil bʌ jilel. Subeñob cha'an mi' chʌn ñopob jini cuxul bʌ Dios mu' bʌ i wen aq'ueñonla pejtelel chuqui tac yom cha'an mi la cubin lac tijicñʌyel.

1 Timoteo 6:7

Come ma'anic chuqui tsa' lac ch'ʌmʌ tilel ila ti pañimil. Isujm ma'anic chuqui mi mejlel lac ch'ʌm majlel.

Santiago 4:14

Mach la' wujilic chuqui mi' caj ti ujtel ijc'ʌl mi bajche' mi caj la' wujtel. Isujm, lajal la' cuxtʌlel bajche' i yowix ja'. Poj tsiquil jumuc'. Ti wi'il mach tsiquilix.