Lucas 11:39 - Chol: I T’an Dios

³⁹ Lac Yum tsi' sube: Jatetla, fariseojet bʌ la, mi la' wen pocben i pat jini vaso yic'ot latu, pero but'ul la' pusic'al ti xujch' yic'ot cabʌl jontolil.

Jiñi Tsiji' bʌ Wen T'añ cha'añ Estudio

³⁹ Lac Yum tsi' su'be: —Jatetla, fariseojet bʌ la, mi la' wen pocben i pat jiñi vaso yic'ot plato, pero but'ul la' pusic'al ti xujch' yic'ot ca'bʌl jontolil.

Chol de Tumbalá Bible

³⁹ Lac Yum tsi' sube: Jatetla, fariseojet bʌ la, mi la' wen pocben i pat jini vaso yic'ot latu, pero but'ul la' pusic'al ti xujch' yic'ot cabʌl jontolil.

Jiñi Tsiji' bʌ Wen T'añ cha'añ Estudio

³⁹ Lac Yum tsi' su'be: —Jatetla, fariseojet bʌ la, mi la' wen pocben i pat jiñi vaso yic'ot plato, pero but'ul la' pusic'al ti xujch' yic'ot ca'bʌl jontolil.

Chol Tila

³⁹ Pero lac Yum ti yʌlʌ: Fariseojet bʌ la mi la' wen poque' i pat vaso yic'ot ch'ejew cha'an ti caj bajche' mi la' lolon ch'ujbin. Pero la' pusic'al but'ul ti mach'ʌ wen tyac cha'an ti caj la' xujch' yic'ot cha'an ti la' simaronlel.

Lucas 11:39 Iomraidhean Croise

Genesis 6:5

Lac Yum tsi' q'uele cabʌlix i jontolil winicob ti pañimil. Tsi' q'uele jontol jax ti pejtelel ora pejtel chuqui an ti' pusic'al winicob yic'ot pejtel chuqui tsi' ña'tayob.

2 Cronicas 25:2

Uts'at chuqui tsi' mele ti' wut lac Yum anquese mach ti jump'ejlic i pusic'al.

Salmos 22:13

Yomob i jisañon che' bajche' bajlum mu' bʌ i cawbeñon i yej, Che' bajche' wen wi'ña bʌ bajlum woli bʌ ti c'am bʌ t'an.

Proverbios 26:23

Jini xlotiya lajalʌch bajche' uc'um ch'ʌlbil ti' p'ajomal plata. Uts i t'an yilal pero ya' mucul ti' pusic'al an jontolil.

Proverbios 26:25

Che' mi' pejcañet ti uts bʌ t'an mach a ñop come leco i pensar.

Proverbios 30:12

An mu' bʌ i lon q'uelob i bʌ ti sʌc anquese mach pocbilic loq'uel i bibi'lel.

Jeremias 4:14

Sʌq'uesan a pusic'al, Jerusalén. Cʌyʌ a mul cha'an ma' coltʌntel. ¿Jala to ba mi caj a chʌn ña'tan ti a pusic'al chuqui tac leco?

Ezequiel 22:25

Come mi' temob i t'an jini x'alt'añob la' cha'an. Che' bajche' bajlum mi' chuc i we'el, woli' tsʌnsañob winicob cha'an mi' chilbeñob i chubʌ'an yic'ot i lum. Jini cha'an cabʌlobix jini meba' x'ixicob ti la' lumal.

Ezequiel 22:27

Lajalob la' yumob bajche' bʌte'el ts'i' mu' bʌ i chuc i we'el. Mi' tsʌnsañob winicob cha'an mi' xujch'ibeñob i chubʌ'an.

Sofonias 3:3

Come jini yumʌlob chan tsi' meleyob i bʌ che' bajche' wen bʌbʌq'uen bʌ bajlum. Jini juezob ti mucul jach mi' melob winicob che' bajche' bʌte'el ts'i' mu' bʌ i lu' jisan i colojm. Che' ti yijc'ʌlal ma'anix tsiquil baqui tsi' cʌyʌ i bʌquel.

Mateo 15:19

Come ch'oyol ti' pusic'al winic mi' tilel jontol bʌ i ña'tʌbal, yic'ot tsʌnsa, yic'ot ts'i'lel, yic'ot jam otot, yic'ot xujch', yic'ot jop't'an, yic'ot p'ajoñel.

Mateo 7:15

Chʌcʌ q'uele la' bʌ cha'an lot bʌ x'alt'añob mu' bʌ i tilelob ba' añetla lʌpʌl i cha'añob i tsutsel tiñʌme' yilal, pero ti' pusic'al lajalob bajche' jontol bʌ bʌte'el ts'i'.

Lucas 16:15

Jesús tsi' subeyob: Jatetla, la' wom la' q'uejlel ti toj cha'an winicob. Dios mi' cʌn la' pusic'al. Chuqui tac mi' q'uelob ti ñuc winicob x'ixicob, ts'a' mi' q'uel Dios, che'en.

Lucas 7:13

Che' bʌ tsi' q'uele lac Yum, tsi' p'unta jini meba' x'ixic. Tsi' sube: Mach ma' cha'len uq'uel, che'en.

Lucas 7:19

Tsi' chocoyob majlel ba'an lac Yum cha'an mi' c'ajtibeñob: ¿Jatet ba woli bʌ c pijtan lojon, o woli ba c pijtan lojon yambʌ? che'ob.

Juan 12:6

Che' tsi' yʌlʌ Judas. Pero ma'anic tsi' p'unta jini mach bʌ añobic i chubʌ'an. Che' jach tsi' yʌlʌ come xujch'. Cʌntʌbil i cha'an jini bolsa ba' tsi' yotsayob taq'uin. Tsi' bajñel c'ʌñʌ lamital.

Juan 13:2

Tsa' ujtiyob ti we'el. Jini xiba tsi' ñijcʌbe i pusic'al Judas, i yalobil Simón Iscariote, cha'an mi' yʌc' Jesús ti' c'ʌb i contra.

Hechos 5:3

Pedro tsi' sube Ananías: ¿Chucoch but'ul a pusic'al ti Satanás? Tsa' loti jini Ch'ujul bʌ Espíritu che' bʌ tsa' loto lamital i tojol a lum.

Gálatas 1:14

Ti pejtelel i costumbre israelob ñumen bʌxon bajche' c pi'ʌlob. Ñumen bʌxon ti' subol i t'an c ñojte'elob.

2 Timoteo 3:5

An bajche' mi' lon ch'ujutesañob Dios, pero ma'anic mi' cʌmbeñob i p'ʌtʌlel. Tʌts'ʌ a bʌ ti' tojlel winicob mu' bʌ i melob che' bajche' jini.

Tito 1:15

Jini sʌco' bʌ i pusic'al mi' q'uelob ti uts'at pejtelel chuqui an. Jini bibi'o' bʌ mach bʌ yomobic i ñop lac Yum, ma'anic chuqui mi' q'uelob ti uts'at. Bibi' i ña'tʌbal, mach yujilic i tic'ob i bʌ.

Santiago 4:8

Lʌc'tesan la' bʌ ba'an Dios. Che' jini mi caj i lʌc'tesan i bʌ ba' añetla. Xmulilob, poco la' c'ʌb. Jatetla cha'chajp jax bʌ la' pusic'al sʌq'uesan la' bʌ.