Lucas 11:34 - Chol: I T’an Dios

³⁴ Jini a wut lámparajʌch cha'an a bʌc'tal. Mi weñʌch a wut ma' wen q'uel i sʌclel pañimil. Mi mach wenic a wut añet ti ac'ʌlel.

Jiñi Tsiji' bʌ Wen T'añ cha'añ Estudio

³⁴ Jiñi a wut lámparajʌch cha'añ a bʌc'tal, mi weñʌch a wut ma' wen q'uel i sʌclel pañimil, pero mi mach weñic a wut añet ti ac'ʌlel.

Chol de Tumbalá Bible

³⁴ Jini a wut lámparajʌch cha'an a bʌc'tal. Mi weñʌch a wut ma' wen q'uel i sʌclel pañimil. Mi mach wenic a wut añet ti ac'ʌlel.

Jiñi Tsiji' bʌ Wen T'añ cha'añ Estudio

³⁴ Jiñi a wut lámparajʌch cha'añ a bʌc'tal, mi weñʌch a wut ma' wen q'uel i sʌclel pañimil, pero mi mach weñic a wut añet ti ac'ʌlel.

Chol Tila

³⁴ Jini mu' bʌ i ch'ʌm'en isujm mu' bʌ j cʌntisan chʌ'ʌch an bajche' am bʌ wen bʌ i wut yubil. Weñʌch mi yajñel como weñʌch i wut cha'an i q'uele' i sʌclel. Pero jini mach'ʌ wen i wut mi yajñel ti ic't'ojñal che' bajche' mach'an mi yilan i sʌclel.

Lucas 11:34 Iomraidhean Croise

Genesis 19:11

Tsi' yotsayob ti xpots' jini año' bʌ ti' ti' otot, jini ch'o'ch'oco' bʌ yic'ot ñuco' bʌ. Tsa' lujb'ayob i sʌclan i ti' otot.

Salmos 119:18

Cambeñon c wut cha'an mij q'uel jini ñuc tac bʌ a cʌntesʌbal.

Salmos 81:12

Jini cha'an tsaj cʌyʌyob cha'an i tsʌtslel i pusic'alob, Cha'an mi' melob che' bajche' i bajñel yomob.

Proverbios 21:4

Jini chan bʌ mi' q'uel i bʌ yic'ot jini ts'a' bʌ mi' q'uel i pi'ʌlob lajal xmulilob. Chuqui tac jach mi' melob mulilʌch.

Proverbios 28:22

Jini wo'atax bʌ ti chubʌ'añʌl mi' sebun i bʌ cha'an mi' yochel ti rico. Ma'anic mi' wis ña'tan mi mux caj i cha' ochel ti pobre.

Isaias 29:10

Come tsa'ix cʌc'ʌyetla ti tam bʌ wʌyel. Tsac muts'beyob i wut jini x'alt'añob yic'ot jini año' bʌ i ña'tʌbal mu' bʌ i cʌntesañetla.

Isaias 42:19

¿Majqui xpots' che' bajche' jatetla tsa' bʌ c yajca? ¿Majqui xcojcob? ¿Mach ba jinic israelob, suboñelob chocbilo' bʌ majlel c cha'an? Xpots' jini x'etel i cha'an lac Yum tsa' bʌ i yʌc'ʌ i bʌ tic wenta.

Isaias 44:18

Ma'anic mi' cʌñob Dios. Ma'anic mi' ch'ʌmbeñob isujm, come Dios tsi' muts'beyob i wut cha'an ma'anic mi' c'otelob i wut. Tsi' socbeyob i jol cha'an ma'anic mi' ch'ʌmbeñob isujm.

Isaias 5:20

Obol la' bʌ mu' bʌ la' lon q'uel ti uts'at jontolil. Mi la' wʌl jontol jini uts'at bʌ. Mi la' wʌl sʌc jini ic'yoch'an bʌ, mi la' wʌl ic'yoch'an jini c'ajc. Tsaj mi la' wubin jini ch'aj bʌ, pero ch'aj mi la' wubin jini tsaj bʌ.

Isaias 6:10

Tsʌts'esʌbeñob i pusic'al ili winicob. Mʌcbeñob i chiquin. Mʌcbeñob i wut, ame c'otic i wut, ame mi' yubiñob c t'an, ame mi' ch'ʌmbeñob isujm cha'an mi' cʌyob i mul cha'an mic lajmesañob, che'en.

Jeremias 5:21

Ñich'tanla ti la' pejtelel. Tontojetla. Ma'anic la pusic'al. An la' wut pero ma'anic mi' c'otel la' wut. An la' chiquin, pero ma'anic mi la' wubin t'an.

Marcos 4:12

cha'an ma'anic mi' c'otel i wut jini woli bʌ i q'uelob, cha'an ma'anic mi' ch'ʌmbeñob isujm jini woli bʌ i yubiñob, ame i sutq'uiñob i bʌ, ame ñusʌbenticob i mul, che'en.

Marcos 7:22

yic'ot xujch', yic'ot i mulʌntel chubʌ'añʌl, yic'ot jontolil, yic'ot lotiya, yic'ot i bibi'lel, yic'ot tsʌytsʌyna bʌ i pusic'al cha'an i wenlel yaño' bʌ, yic'ot p'ajoñel, yic'ot i p'isol i bʌ ti ñuc yic'ot i tontojlel.

Marcos 8:18

An la' wut. ¿Mach ba anic mi la' q'uel? An la' chiquin. ¿Mach ba anic mi la' wubin? ¿Mach ba c'ajalic la' cha'an?

Lucas 11:35

Q'uele che' jini, ame i'ic'ic ma' q'uel i sʌclel pañimil.

Hechos 13:11

Wʌle mi' cajel i contrajiñet lac Yum. Awilan mi caj a wochel ti xpots'. Cabʌl ora ma'anic mi caj a q'uel i c'ʌc'al q'uin, che'en Pablo. Ti ora tsa' yajpi i wut, tsa' ochi ti ac'ʌlel yilal. Tsa' majli i sajcan majqui mi' toj'esan majlel ti' c'ʌb.

Hechos 2:46

Temel tsa' chʌn ajniyob ti Templo ti jujump'ejl q'uin. Tsi' xet'eyob waj ti' yotot tac. Temel tsi' cha'leyob we'el. Tijicña i pusic'al ti jujuntiquil. Jump'ejlob jach i pusic'al.

Hechos 26:18

cha'an ma' cambeñob i wut, cha'an mi' sutq'uiñob i bʌ ti ic'yoch'an bʌ pañimil, cha'an mi' yajñelob ti' sʌclel pañimil. Mic choquet majlel cha'an mi' loq'uelob ti' p'ʌtʌlel Satanás, cha'an mi' yochelob ti' p'ʌtʌlel Dios, cha'an mi' ñusʌbentelob i mul che' mi' ñopoñob, cha'an i ten cha'añob jach jini mu' bʌ caj i yʌq'uentelob yic'ot jini sʌq'uesʌbilo' bʌ”. Che' tsi' subeyon Jesús.

2 Corintios 1:12

Ñʌch'ʌl lojon c pusic'al come ti' p'ʌtʌlel Dios tsac mele lojon chuqui isujm yic'ot chuqui toj. Jiñʌch c ñuclel lojon. Tsa' ajniyon lojon ti jump'ejl lojon c pusic'al aq'uebilon lojon ti Dios. Che'ʌch tsac pʌsʌ lojon c bʌ wʌ' ti pañimil. Ñumen tsac mele lojon chuqui uts'at ti la' tojlel, mach che'ic bajche' mi' ña'tañob ti pañimil, pero yic'ot i yutslel i pusic'al Dios.

2 Corintios 11:3

Mic cha'len bʌq'uen ame cajic ti sojquel la' ña'tʌbal cha'an lot che' bajche' jini lucum tsi' loti Eva cha'an mach chʌn xuc'uleticla yic'ot Cristo.

2 Corintios 4:4

Satanás, jiñʌch i dios jini jontolo' bʌ ti pañimil. Tsa'ix i yʌpbeyob i wut jini mach bʌ anic mi' ñopob Cristo, ame i q'uelob i sʌclel jini wen t'an ba' tsiquil i ñuclel Cristo i yejtal bʌ Dios.

Efesios 1:17

Mij c'ajtiben i Dios lac Yum Jesucristo cha'an mi' yʌq'ueñetla cabʌl la' ña'tʌbal yic'ot i yEspíritu cha'an mi la' wen ch'ʌmben isujm chuqui woli la' pʌsbentel, cha'an mi la' wen cʌn lac Tat am bʌ ti panchan.

Efesios 6:5

X'e'telob jac'ben la' yum ti pañimil ti bʌq'uen yic'ot ti' pec'lel la' pusic'al che' bajche' ti' tojlel Cristo.

Colosenses 3:22

X'e'telob, jac'benla la' yum ti pañimil ti pejtelel chuqui mi' subeñetla, mach cha'anic uts'at mi' q'ueletla winicob pero ti jump'ejl la' pusic'al cha'an woli la' c'uxbin Dios.