Lucas 10:7 - Chol: I T’an Dios

⁷ Ya' yom mi la' jijlel ti jini jach bʌ otot ba' pʌybilet. C'uxula, japʌla chuqui mi la' wʌq'uentel. Come uts'at mi' yʌq'uentelob i tojol x'e'telob. Mach mi la' c'axel ti jujump'ejl otot.

Jiñi Tsiji' bʌ Wen T'añ cha'añ Estudio

⁷ Ya' yom mi la' jijlel ti jiñi jach bʌ otot ba' pʌybiletla; c'uxula, japʌla chuqui mi la' wʌq'uentel; come uts'at mi' yʌq'ueñtelob i tojol x'e'telob. Mach mi la' c'axel ti jujump'ejl otot.

Chol de Tumbalá Bible

⁷ Ya' yom mi la' jijlel ti jini jach bʌ otot ba' pʌybilet. C'uxula, japʌla chuqui mi la' wʌq'uentel. Come uts'at mi' yʌq'uentelob i tojol x'e'telob. Mach mi la' c'axel ti jujump'ejl otot.

Jiñi Tsiji' bʌ Wen T'añ cha'añ Estudio

⁷ Ya' yom mi la' jijlel ti jiñi jach bʌ otot ba' pʌybiletla; c'uxula, japʌla chuqui mi la' wʌq'uentel; come uts'at mi' yʌq'ueñtelob i tojol x'e'telob. Mach mi la' c'axel ti jujump'ejl otot.

Chol Tila

⁷ Cʌylenla ya' ti otyot. C'uxula, japʌla chʌ bʌ jach yes mi la' pʌs'entyel. Jini ajtroñel añʌch cha'an i yʌq'uentyel i yuch'el cha'an i tyojol yubil. Mach yom mi la' c'axel ti yambʌ otyot cha'an jijliquetla.

Lucas 10:7 Iomraidhean Croise

Numeros 18:31

Muq'uix i c'uxob Aarón yic'ot i pi'ʌlob yic'ot i yalobilob baqui jach yomob i c'ux, come jiñʌch i tojolob i ye'tel mu' bʌ i cha'leñob ti Tabernáculo ba' mi lac tempan lac bʌ la quic'ot.

Marcos 6:10

Tsi' subeyob: Baqui jach mi la' wochel ti otot, jijlenla ya'i jinto mi la' loq'uel majlel ti jini tejclum.

Lucas 10:6

Mi ya'an juntiquil yom bʌ i taj i ñʌch'tilel i pusic'al, aq'uenla i yutslel la' t'an cha'an mi' taj i ñʌch'tilel i pusic'al. Mi mach yomic, ma'anic mi caj i taj.

Lucas 9:4

Baqui jach bʌ otot mi la' wochel, ya' yom mi la' jijlel c'ʌlʌl mi la' loq'uel majlel ti jini tejclum.

Hechos 16:15

Che' bʌ tsa' ujti i ch'ʌm ja' yic'ot jini año' bʌ ti yotot, tsi' subeyon lojon: Conla ti cotot mi tsa' la' q'uele xuc'ulon quic'ot lac Yum. Jijlenla ya' ti cotot, che'en. Tsi' wersa pʌyʌyon lojon ochel.

Hechos 16:34

Tsi' pʌyʌyob ochel ti' yotot. Tsi' we'sayob. Wen tijicña i pusic'al yic'ot pejtelel año' bʌ ti' yotot come tsi' ñopoyob Dios.

Hechos 16:40

Che' loq'uemobix ti mʌjquibʌl tsi' jula'tayob Lidia. Che' bʌ tsi' q'ueleyob jini hermanojob, tsi' ñuq'uesʌbeyob i pusic'al. Tsa' loq'uiyob majlel.

Gálatas 6:6

Jini woli bʌ ti cʌntesʌntel ti' t'an Dios, la' i coltan i yaj cʌntesa yic'ot i chubʌ'an.

Deuteronomio 12:12

Mux caj la' wubin tijicña bʌ ti' tojlel lac Yum Dios, jatetla yic'ot pejtel la' walobilob, ch'iton bʌ yic'ot xch'oc bʌ, yic'ot ja'el la' winicob, yic'ot la' criadajob, yic'ot ja'el jini levíjob, chumulo' bʌ ti tejclum tac, come ma'anic i lum ti la' tojlel.

Deuteronomio 18:8

Mi wen chumul jini winic o mi mach wen chumulic, lajal mi caj i taj i bʌl i ñʌc' yic'ot jini levíjob.

1 Timoteo 5:13

Yic'ot ja'el mi' ñʌm'añob ti buchtʌl. Mi' pam ñumelob ti jula'. Mach cojic jach mi' ñʌm'añob ti buchtʌl, pero mi' cha'leñob jop't'an ja'el. Mi' yotsañob i bʌ ba' mach i wentajobic. Mi' cha' alob chuqui mach yomix chʌn alol.

2 Timoteo 2:6

Jini xpac' wersa mi' ñaxan cha'len e'tel ti lum cha'an mi' ch'ʌmben i wut.