Lucas 10:42 - Chol: I T’an Dios

⁴² Junchajp jach yom. María tsi' yajca jini wem bʌ. Ma'anic mi caj i chilbentel, che'en.

Jiñi Tsiji' bʌ Wen T'añ cha'añ Estudio

⁴² Pero junchajp jach yom, María tsi' yajca jiñi wen bʌ, ma'añic mi caj i chilbentel, che'en.

Chol de Tumbalá Bible

⁴² Junchajp jach yom. María tsi' yajca jini wem bʌ. Ma'anic mi caj i chilbentel, che'en.

Jiñi Tsiji' bʌ Wen T'añ cha'añ Estudio

⁴² Pero junchajp jach yom, María tsi' yajca jiñi wen bʌ, ma'añic mi caj i chilbentel.

Chol Tila

⁴² An jach junchajb más c'ʌjnibal bʌ. María ti yajcʌ jini más wen bʌ. Mach'an mi quejel i chilbentyel, che'en.

Lucas 10:42 Iomraidhean Croise

Salmos 119:111

Mach jilic tic pusic'al ti pejtelel ora jini tsa' bʌ a tsictesa. I tijicñʌyelʌch c pusic'al.

Salmos 119:173

Yom lʌc'ʌl ma' wa'tʌl cha'an ma' coltañon Come tsac ñopo c mel che' bajche' tsa' cʌntesayon.

Salmos 119:30

Tsa'ix c yajca jini isujm bʌ bij. Mij q'uel ti ñuc pejtel chuqui tsa' wʌlʌ.

Salmos 142:5

C'am mic pejcañet, c Yum. Mic subeñet: C puts'ibet. Ch'oyol ba' añet pejtelel c wenlel wʌ' ti' lumal jini cuxulo' bʌ.

Salmos 17:15

Jixcu joñon, mi caj j q'uel a wut cha'an tsa' wʌq'ueyon a tojel. Tijicña mi caj cubin che' mic cha' ch'ojyel, come mi caj j q'uel a wut.

Salmos 27:4

Jini jach tsaj c'ajtibe c Yum: Com chumtʌl ti' yotot c Yum ti pejtelel q'uin che' cuxulon to, Cha'an mij q'uelben i yuts'atlel c Yum, Cha'an mic ña'tan ya' ti' Templo. Jiñʌch mu' bʌ c sajcan.

Salmos 73:25

Cʌxti anic yambʌ mu' bʌ c ñop ti panchan. Com jach jatet ti pañimil, mach comic yambʌ.

Eclesiastes 12:13

Cojach jini mic sub. Bʌc'ñan Dios, jac'ben i mandar, come jiñʌch mu' bʌ i wersa c'ajtibeñet.

Marcos 8:36

¿Come chuqui mi' taj winic mi tsi' lon ch'ʌmʌ pejtelel pañimil pero mi tsi' sʌtʌ i ch'ujlel?

Lucas 10:39

An i yijts'in jini Marta, i c'aba' María. María tsa' buchle ti' tojel Jesús. Tsi' ñich'tʌbe i t'an.

Lucas 11:1

Tsa' majli Jesús ba' tsi' pejca Dios. Che' bʌ tsa' ujti ti oración, juntiquil xcʌnt'an i cha'an tsi' sube: C Yum, cʌntesañon lojon bajche' yom mic pejcan lojon Dios, che' bajche' Juan tsi' cʌntesa xcʌnt'añob i cha'an ja'el, che'en.

Lucas 12:20

Dios tsi' sube jini winic: “Tontojet, ti jini jach bʌ ac'ʌlel talob i pʌy majlel a ch'ujlel. Che' jini, ¿majqui i cha'an pejtelel a chubʌ'an tsa' bʌ a tempa?” che'en.

Lucas 12:33

Choño la' chubʌ'an. Aq'uen la' chubʌ'an p'umpuño' bʌ. Melela i yajñib la' taq'uin mach bʌ anic mi' ñox'an. Tempan la' chubʌ'an ti panchan ba' ma'anic mi' jilel, ba' ma'anic mi' yochelob xujch', ba' ma'anic mi' jisan motso'.

Lucas 16:2

Jini i yum tsi' pʌyʌ tilel jini i yaj choñoñel. Tsi' sube: “¿Chuqui woli a mel? Subeñon bajche' tsa' c'ʌñʌ jini tsa' bʌ cotsa ti a wenta come mach chʌn mejlic a cha'libeñon que'tel”, che'en.

Lucas 16:25

Abraham tsi' sube: “Calobil, ña'tan bajche' tsa' taja chuqui tac wen che' cuxulet to ti pañimil. Lázaro tsi' yubi wocol. Wʌle ñuq'uesʌbil i pusic'al ilayi. Jatet tic'lʌbilet ti wocol.

Lucas 18:22

Che' bʌ tsi' yubi jini t'an, Jesús tsi' sube: An to yom ma' mel yambʌ junchajp. Choño pejtelel a chubʌ'an. Aq'uen jini mach bʌ añobic i chubʌ'an. Che' jini, mi caj a taj cabʌl a chubʌ'an ti panchan. La' tsajcañon, che'en.

Lucas 8:18

Chʌcʌ q'uele la' bʌ cha'an mi la' wen ubin jini t'an, come majqui jach an i cha'an mi caj i yʌq'uentel yambʌ. Majqui jach ma'anic i cha'an mi caj i lu' chilbentel chuqui tac an i cha'an, che'en Jesús.

Juan 11:1

C'am juntiquil winic i c'aba' Lázaro. Ya'an ti Betania, ti' tejclum María yic'ot Marta, i chich María.

Juan 11:19

An cabʌl judíojob tsa' bʌ tiliyob ba'an Marta yic'ot María cha'an mi' ñuq'uesʌbeñob i pusic'al che' chʌmenix Lázaro.

Juan 12:3

María tsi' ch'ʌmʌ ojlil kilo perfume i c'aba' nardo wen letsem bʌ i tojol. Tsi' bombe i yoc Jesús. Tsi' sujcube i yoc ti' tsutsel i jol. Tsa' wen pujqui i yujts'il perfume ti pejtelel i mal otot.

Juan 17:3

Jiñʌch i cuxtʌlel mach bʌ anic mi' jilel, che' mi' cʌñetob jini mero Dios, jini cojach bʌ, yic'ot Jesucristo, tsa' bʌ a choco tilel.

Juan 4:14

Majqui jach mi' jap ja' mu' bʌ cʌq'uen, ma'anix mi caj i chʌn tiquin i ti', come jini ja' mu' bʌ cʌq'uen mi' caj ti ajñel ti' pusic'al che' bajche' bulux ja' cha'an mi' yʌq'uen i cuxtʌlel mach bʌ anic mi' jilel. Che' tsi' yʌlʌ Jesús.

Juan 5:24

Isujm, isujm mic subeñetla: Jini mu' bʌ i yubin c t'an, mu' bʌ i ñop jini tsa' bʌ i chocoyon tilel, anix i cuxtʌlel mach bʌ anic mi' jilel. Ma'anic mi' yʌjq'uel ti tojmulil, come mach chʌn chʌmenix. Tsa'ix aq'uenti i cuxtʌlel.

Juan 6:27

Mach mi la' cha'len e'tel cha'an jini we'elʌl mu' bʌ i jilel. Cha'lenla e'tel cha'an jini we'elʌl mu' bʌ i jalijel cha'an mi la' taj la' cuxtʌlel mach bʌ anic mi' jilel. I Yalobil Winic mi caj i yʌq'ueñetla jini we'elʌl, come Dios c Tat tsa'ix i yʌq'ueyon c p'ʌtʌlel cha'an ili e'tel. Che' tsi' yʌlʌ Jesús.

1 Corintios 13:3

Muq'uic c laj pucbeñob c chubʌ'an cha'an mic we'san jini mach bʌ añobic i bʌl i ñʌc', muq'uic cʌc' c bʌ ti pulel cha'an mij coltañob, mi ma'anic j c'uxbiya, ma'anic chuqui mic taj.

Gálatas 5:6

Come ti Cristo Jesús ma'anic chuqui mi' cha'len mi tsepbil lac pʌchʌlel, o mi mach tsepbilic lac pʌchʌlel. Pero jiñʌch mero ganar che' ñopolix lac cha'an jini wen t'an mu' bʌ i yʌq'ueñonla laj c'uxbin lac bʌ.

Deuteronomio 30:19

Jini cha'an mic wa'chocon jini año' bʌ ti panchan yic'ot ti pañimil che' bajche' testigojob ti la' tojlel, cha'an tsa'ix c pʌsbeyetla i bijlel la' cuxtʌlel ba'an bendición, yic'ot i bijlel chʌmel ba'an wocol. Jini cha'an yajcan a cuxtʌlel cha'an chʌn cuxulet, yic'ot a walobilob.

Josue 24:15

Mi mach uts'atic mi la' q'uel che' mi la' ch'ujutesan lac Yum, yajcanla wʌle majqui mi caj la' ch'ujutesan, mi jini dioste' tsa' bʌ i ch'ujutesayob la' ñojte'elob ya' ti junwejl jini Eufrates, yic'ot i dioste' amorreojob año' bʌ ti ili lum ba' chumuletla. Pero joñon yic'ot jini año' bʌ ti cotot mi caj lac ch'ujutesan lac Yum. Che' tsi' yʌlʌ Josué.

Josue 24:22

Josué tsi' jac'beyob: Jatetla tsa'ix la' subu la' bʌ. Tsa'ix la' yajca lac Yum. Tsa' la' wʌlʌ mux caj la' ch'ujutesan lac Yum, che'en. Tsi' yʌlʌyob: Tsa'ix cʌc'ʌ lojon c t'an, che'ob.