Lucas 10:2 - Chol: I T’an Dios

² Tsi' subeyob: Isujm, cabʌl jini c'ajbal pero ma'anic jaytiquil x'e'telob. Jini cha'an c'ajtibenla i yum c'ajbal cha'an mi' choc majlel x'e'telob ti c'ajbal.

Jiñi Tsiji' bʌ Wen T'añ cha'añ Estudio

² Tsi' su'beyob: “Isujm, ca'bʌl jiñi c'ajbal pero ma'añic jaytiquil x'e'telob, jiñi cha'añ c'ajtibenla i yum c'ajbal cha'añ mi' choc majlel x'e'telob ti c'ajbal.

Chol de Tumbalá Bible

² Tsi' subeyob: Isujm, cabʌl jini c'ajbal pero ma'anic jaytiquil x'e'telob. Jini cha'an c'ajtibenla i yum c'ajbal cha'an mi' choc majlel x'e'telob ti c'ajbal.

Jiñi Tsiji' bʌ Wen T'añ cha'añ Estudio

² Tsi' su'beyob: “Isujm, ca'bʌl jiñi c'ajbal pero ma'añic jaytiquil x'e'telob, jiñi cha'añ c'ajtibenla i yum c'ajbal cha'añ mi' choc majlel x'e'telob ti c'ajbal.

Chol Tila

² Jesús ti' subeyob jini ajcʌnt'añob i cha'an: Melelʌch an cabʌl c'ajbal yubil pero ma'ix cabʌl ajtroñel, che'en. Che' ti yʌlʌ ti lajoñel che' an cabʌl yom bʌ i cotyʌntyel. Pero ma'ix cabʌl ajsubt'añob. Jesús ti yʌlʌ: Jin cha'an c'ajtibenla i Yum c'ajbal cha'an i choque' majlel ajtroñelob ti c'ajbal, che' ti yʌlʌ Jesús.

Lucas 10:2 Iomraidhean Croise

1 Reyob 18:22

Elías tsi' cha' subeyob: Ma'anic yambʌ x'alt'an i cha'an lac Yum, cojachix joñon, pero an jumbajc' yic'ot lujuntiquil i yuxc'al x'alt'añob i cha'an Baal.

Salmos 68:11

Lac Yum tsi' yʌc'ʌ jini p'ʌtʌl bʌ i t'an. Bajc'ʌl x'ixicob tsi' pam pucuyob.

Jeremias 3:15

Mi caj cʌq'ueñetla xcʌnta tiñʌme'ob jump'ejl bʌ i pusic'al quic'ot. Mi caj i we'sañet tic t'an i wenta i bʌl la' ñʌc' cha'an mi la' wen ch'ʌmben isujm yic'ot cha'an mi la' wen cʌñon.

Zacarias 11:17

¡Obol i bʌ jini xcʌntaya mach bʌ anic mi' cʌntan jini tiñʌme'! La' tsejpic i c'ʌb ti espada. La' jec'bentic jini ñoj bʌ i wut. La' tiquic junts'ijt i c'ʌb. La' yajpic jini ñoj bʌ i wut. Che' tsi' subeyon lac Yum.

Zacarias 11:5

Jini jontol bʌ i yumob mi' mʌñob winicob, mi' tsʌnsañob, pero ma'anic mi' tojob i mul. Mi' yʌlob: “La' sujbic i ñuclel lac Yum, cabʌlix c chubʌ'an. Wen chumulonla cha'an tsa'ix lac choño jini tiñʌme'”. Che' mi' yʌlob jini xcʌntayajob. Jini mu' bʌ i cʌntañob c cha'año' bʌ ma'anic mi' p'untañob.

Numeros 11:17

Che' jini mi caj c jubel tilel cha'an mic pejcañet. Mi caj cʌq'ueñob jini Espíritu che' bajche' tsa cʌq'ueyet. Che' jini temel mi caj la' cuch ili wocol. Mi caj i coltañetob ili lujuntiquil i chʌnc'al winicob.

Numeros 11:29

Moisés tsi' jac'be: ¿Yom ba tsʌytsʌyña a pusic'al tic tojlel? Ma' lon ña'tan mach uts'atic mi' cha'leñob subt'an winicob, pero yomcu. Uts'at muq'uic i yʌq'ueñob i yEspíritu lac Yum pejtelel winicob x'ixicob, che'en.

Mateo 20:1

I yumʌntel jini am bʌ ti panchan lajalʌch bajche' yumʌl tsa' bʌ majli ti sʌc'ajel cha'an mi' sʌclan x'e'telob cha'an i ts'usubil.

Marcos 13:34

Lajalʌch bajche' winic tsa' bʌ majli ti ñajtʌl. Che' bʌ tsi' cʌyʌ i yotot tsi' yʌq'ueyob i ye'tel i winicob. Ti jujuntiquil tsi' subeyob chuqui yom mi' melob. Tsi' sube xcʌntaya cha'an mi' q'uel i ti' otot.

Marcos 16:15

Jesús tsi' subeyob: Cucula ti pejtelel pañimil. Subenla jini wen t'an pejtelel winicob x'ixicob.

Marcos 16:20

Jini junlujuntiquil tsa' majliyob. Tsi' cha'leyob subt'an ti pejtelel lum. Lac Yum tsi' tem cha'le e'tel yic'otob. Tsi' pʌsʌ i yejtal tac i p'ʌtʌlel ti' tojlelob che' bʌ tsi' cha'leyob sub t'an.

Lucas 9:1

Jesús tsi' pʌyʌ tilel jini lajchʌntiquil xcʌnt'añob i cha'an. Tsi' yʌq'ueyob i ye'tel yic'ot i p'ʌtʌlel ti' contra xibajob, yic'ot ti' contra pejtel c'amʌjel.

Hechos 11:19

Che' bʌ tsa' chʌmi Esteban tsa' tejchi cabʌl tic'laya. Jini winicob tsa' bʌ pam pujquiyob cha'an i tic'lʌntel tsa' majliyob c'ʌlʌl ti Fenicia yic'ot ti Chipre, yic'ot ti Antioquía. Jini jach judíojob tsa' subentiyob jini wen t'an.

Hechos 13:2

Che' woli' ch'ujutesañob lac Yum, che' woliyob ti ch'ajb, jini Ch'ujul bʌ Espíritu tsi' subeyob: Wa'choconla Bernabé yic'ot Saulo cha'an mi' melob jini e'tel tsa' bʌ c chajpʌbeyob, che'en.

Hechos 13:4

Jini cha'an tsa' majliyob ti Seleucia, come chocbilob majlel cha'an Ch'ujul bʌ Espíritu. Ya'i tsa' ochiyob ti barco cha'an mi' majlelob ti Chipre.

Hechos 20:28

Chʌcʌ q'uele la' bʌ che' jini. Cʌntanla pejtelel jini tiñʌme', come jini Ch'ujul bʌ Espíritu tsi' yʌq'ueyetla la' we'tel ti xcʌntaya cha'an mi la' we'san jini xñopt'añob i cha'año' bʌ Dios tsa' bʌ i mʌñʌ ti' bajñel ch'ich'el.

Hechos 22:21

Jesús tsi' subeyon: “Cucu come joñon mi caj c choquet majlel ti ñajtʌl ba'an gentilob”. Che' tsi' subeyon Jesús, che'en Pablo.

Hechos 8:4

Jini tsa' bʌ pujquiyob, tsa' pam ñumiyob ti subt'an.

1 Corintios 12:28

Dios tsi' wa'chocoyonla ti' tojlel xñopt'añob, ñaxan jini apóstolob, wi'il subt'añob, wi'il xcʌntesajob, wi'il jini mu' bʌ i pʌsob i yejtal i p'ʌtʌlel Dios, yic'ot jini am bʌ i c'ʌjñibal ti ts'ʌcaya, yic'ot jini am bʌ i c'ʌjñibal ti coltaya, yic'ot jini am bʌ i ye'tel ti yumʌl, yic'ot jini mu' bʌ i cha'leñob t'an ti yan tac bʌ t'an.

1 Corintios 15:10

Pero wʌle apóstolon cha'an ti' yutslel i pusic'al Dios. Mach lolomic jach tsa' aq'uentiyon i yutslel i pusic'al Dios. Ñumen cabʌl tsac cha'le e'tel bajche' pejtelel yaño' bʌ, pero mach joñonic, jiñʌch i yutslel i pusic'al Dios am bʌ quic'ot.

2 Corintios 6:1

Joñon lojon xtem e'telon lojon yic'ot Dios. Mic xic'beñetla ti uts'at ame lolomic jach mi la' ch'ʌmben i yutslel i pusic'al Dios.

Filipenses 2:21

Ti pejtelelob mi' ña'tañob i bajñel wenlel. Ma'anic mi' ña'tañob chuqui yom Cristo Jesús.

Filipenses 2:25

Tsac ña'ta ja'el yom mic choc majlel ba' añetla quermano Epafrodito, c pi'ʌl ti e'tel ti jini wen bʌ guerra. Chocbil tilel la' cha'an, tsi' wen coltayon.

Filipenses 2:30

Come cha'an ti' ye'tel Cristo colel tsi' yʌlʌ chʌmel. Tsi' yʌc'ʌ i bʌ ba' bʌbʌq'uen mi' chʌmel cha'an mi' ts'ʌctesʌbeñetla chuqui anto yom melol tic tojlel.

Colosenses 1:29

Jini cha'an wersa mic cha'len e'tel ti pejtelel c p'ʌtʌlel tilem bʌ ti Cristo woli bʌ ti e'tel tic pusic'al.

Colosenses 4:12

Mi' yʌq'ueñetla cortesía Epafras x'e'tel i cha'an Cristo tsa' bʌ loq'ui ba' añetla. Ti pejtelel ora woli' chʌn cha'len wersa oración cha'an xuc'ul mi la' wajñel, cha'an ts'ʌcʌl mi la' lu' ña'tan pejtelel chuqui yom Dios.

1 Tesalonicenses 2:9

C'ajal to la' cha'an, hermanojob, tsac cha'le lojon wocol e'tel ti q'uiñil ti ac'ʌlel, cha'an ma'anic mi' c'ojyel la' mʌc'lañon lojon che' bʌ tsac subeyet lojon i wen t'an Dios.

1 Tesalonicenses 5:12

Ti wocol t'an mic subeñet lojon hermanojob, q'uelela ti ñuc jini mu' bʌ i cha'leñob i ye'tel lac Yum ti la' tojlel, mu' bʌ i cʌntañetla ti lac Yum, mu' bʌ i tiq'uetla.

2 Tesalonicenses 3:1

Wʌle, hermanojob, cha'lenla oración cha'añon lojon, cha'an ora mi' p'ojlel i t'an lac Yum, cha'an mi' q'uejlel ti ñuc ti' tojlel yaño' bʌ che' bajche' ti la' tojlel.

1 Timoteo 4:10

Jini cha'an woliyonla ti wersa e'tel yic'ot wocol come woli lac chʌn ñop jini cuxul bʌ Dios, i Yaj Coltaya pejtelel winicob, pero mero i cha'añob jini mu' bʌ i ñopob.

2 Timoteo 4:5

Ti pejtelel chuqui tac mi' yujtel chʌcʌ q'uele a bʌ. Cuchu wocol. Cha'len e'tel ti subt'an. Ts'ʌcʌl yom ma' mel a we'tel.

Filemón 1:1

Pablojon xñujp'elon i cha'an Jesucristo, quic'ot la quermano Timoteo. Mic ts'ijbubeñet ili jun Filemón, c'uxbibilet bʌ c pi'ʌl lojon ti e'tel,

Hebreos 3:6

Pero Cristo i Yalobilʌch Dios. Mi' cʌntan ti xuc'ul i cha'año' bʌ Dios. Tsiquil che' jini, i cha'añonla Dios mi c'ʌlʌl ti' jilibal chʌn lotol ti lac pusic'al chuqui tsa' lac ñopo, mi xuc'ul mi lac pijtan ti' tijicñʌyel lac pusic'al.

Apocalipsis 2:1

Ts'ijbuben jun xcʌntaya i cha'an jini xñopt'añob mu' bʌ i tempañob i bʌ ya' ti Efeso: “Jini chucul bʌ i cha'an wucp'ejl ec' ti ñoj bʌ i c'ʌb, jini mu' bʌ i cha'len xʌmbal ti' yojlil jini wucts'ijt lámpara melbil bʌ ti oro, jiñʌch mu' bʌ i yʌl ili t'an: