Lucas 1:78 - Chol: I T’an Dios

⁷⁸ Come cabʌl tsi' p'untayonla lac Dios. Mi caj i chocbeñonla tilel i sʌclel pañimil ch'oyol bʌ ti chan.

Jiñi Tsiji' bʌ Wen T'añ cha'añ Estudio

⁷⁸ Come ca'bʌl tsi' p'untayonla lac Dios. Mi caj i chocbeñonla tilel i sʌclel pañimil ch'oyol bʌ ti chañ,

Chol de Tumbalá Bible

⁷⁸ Come cabʌl tsi' p'untayonla lac Dios. Mi caj i chocbeñonla tilel i sʌclel pañimil ch'oyol bʌ ti chan.

Jiñi Tsiji' bʌ Wen T'añ cha'añ Estudio

⁷⁸ Come ca'bʌl tsi' p'untayonla lac Dios. Mi caj i chocbeñonla tilel i sʌclel pañimil ch'oyol bʌ ti chañ,

Chol Tila

⁷⁸ Zacarías ti bej alʌ: Como lac Dios ti' wen p'untyʌyonla israelon bʌ la. Ti' q'uele ti p'ump'un cha'an yom i cotyañob. Ti loq'ui tyʌlel ti panchan wʌ' ba' añonla cha'an lac tyaje' laj cotyʌntyel.

Lucas 1:78 Iomraidhean Croise

Salmos 25:6

C Yum, ña'tañon, p'untañon ti' yutslel a pusic'al, Che' bajche' tsa' p'unta winicob ti wajali. Junlajal uts a pusic'al ti pejtelel ora.

Isaias 11:1

Mi caj i chilbentel i ye'tel i p'olbal David che' bajche' mi' sejq'uel colem te'. Pero mi' cajel ti pasel junts'ijt i Buts te'. Mi caj i yʌc' juntejc i C'ʌb.

Isaias 42:16

Mi caj c pʌy majlel jini xpots'ob ya' ti bij ba' mach ñumeñobic, ba' mach cʌmbilic bij i cha'añob. Mi caj c sʌq'uesan jini ic'yoch'an bʌ pañimil ya' ba' mi' cha'leñob xʌmbal. Mi caj c melbeñob bij ba' bululbexel. Mi caj c sutq'uin jini bujtʌl tac ti joctʌl. Pejtelel iliyi mi caj c mel ti' tojlel. Ma'anic mi caj c wis cʌy c mel che' maxto joloñic.

Isaias 63:15

C Yum, añet bʌ ti chan, añet bʌ ti ch'ujul bʌ a chumlib i t'ojol jax bʌ, q'ueleyon lojon. ¿Baqui an a c'uxbiya? Cha' pʌsbeñon lojon a p'ʌtʌlel yic'ot ñuc bʌ a melbal. Mach a tʌts' a bʌ tic tojlel lojon.

Isaias 63:7

Mi caj c cha' sub jini ñuc tac bʌ a we'tel c Yum, cha'an tsa' p'untayon lojon. Ñuquix c pusic'al cha'an tsa' wen pʌsbeyob israelob i yutslel a pusic'al. Uts tsa' pʌsʌ a bʌ tic tojlel lojon. Tsa' wen coltayon lojon c'ʌlʌl ti oñiyi.

Zacarias 3:8

Jini cha'an yom ma' wen ubin c t'an, Josué, ñuc bʌ motomaj. La' i yubiñob ja'el a pi'ʌlob. I yejtaletla jini uts'at tac bʌ mu' bʌ caj i tilel. Josué i yejtalet c Winic, jiñʌch i Buts te' yilal mu' bʌ caj c choc tilel.

Zacarias 6:12

Suben: “I Yum Panchan yic'ot Pañimil woli' yʌl: I wentajet jini Winic mu' bʌ caj i tilel, i c'aba' Buts, mu' bʌ caj i pasel ya' ba' chucul i wi'. Mi caj i wa'chocoben i Templo lac Yum.

Malaquias 4:2

Pero mach che'ic jatetla mu' bʌ la' bʌc'ñan j c'aba'. Mi caj i pasel ti la' tojlel jini Q'uin mu' bʌ i yʌq'ueñetla toj bʌ la' pusic'al. Mi caj i lajmesañetla. Libre mi caj la' loq'uel che' bajche' i yal wacax mu' bʌ i colel ba' cʌchʌl. Mi caj la' wubin i tijicñʌyel la' pusic'al.

Numeros 24:17

Wolij q'uel, pero maxto poj wʌleyic. Wolij q'uel, anquese jalto i yorajlel. Mi caj i loq'uel Ec' ti' tojlel Jacob. Mi caj i cha'len i yumʌntel ti' tojlel israelob. Mi caj i jisan winicob ti Moab, yic'ot pejtelel i yalobilob Set.

Juan 3:16

Come che'i tsi' wen c'uxbi jini año' bʌ ti pañimil Dios. Tsi' yʌc'ʌ cojach bʌ i Yalobil. Majqui jach mi' ñop i Yalobil, ma'anic mi' sajtel. Mi' taj i cuxtʌlel mach bʌ anic mi' jilel.

Efesios 5:14

Jini cha'an albilix: “Caña a wut woliyet bʌ ti wʌyel. Ch'ojyen loq'uel ti ic'ch'ipan bʌ pañimil ba'an chʌmeño' bʌ. Cristo mi caj i yʌq'uet ti ajñel ti' sʌclel pañimil”.

Filipenses 1:8

Yujil Dios ti pejtelel c pusic'al mic wen c'uxbiñetla ti la' pejtelel yic'ot i c'uxbiya Jesucristo.

Filipenses 2:1

An i ñuq'uesʌntel lac pusic'al ti Cristo yic'ot c'uxbiya. Mi lac wen cʌn lac bʌ ti jini Espíritu. Mi laj c'uxbin lac bʌ, mi lac p'untan lac bʌ.

Colosenses 3:12

Yajcʌbiletla i cha'an Dios, ch'ujuletla, c'uxbibiletla. Jini cha'an lʌpʌla tsiji' bʌ la' pusic'al yujil bʌ p'untaya yic'ot c'uxbiya. Q'uele la' bʌ ti pec'. Yom uts la' pusic'al. Cuchula wocol.

2 Pedro 1:19

Jini cha'an ñumen xuc'ulonla cha'an ti' t'an x'alt'añob, come woli ti ts'ʌctiyel ti' tojel lac wut. Yom mi la' wen p'is ti wenta i t'an, come lajalʌch i c'ʌjñibal bajche' lámpara mu' bʌ i pʌsbeñonla i sʌclel ti ac'ʌlel jinto mi' sʌc'an pañimil, jinto mi' tsictiyel Cristo che' bajche' Ñoj Ec' ti la' pusic'al.

1 Juan 3:17

Jini am bʌ i chubʌ'an ti pañimil, mach bʌ anic mi' p'untan i yermano che' mi' q'uel anto chuqui yom i cha'an, ¿bajche' mi' yajñel i c'uxbiya Dios ti' pusic'al?

Apocalipsis 22:16

Joñon Jesús. Tsa'ix c choco tilel cángel cha'an mi' subeñet ti toj chuqui tac yom ma' cha' subeñob xñopt'añob baqui jach mi' tempañob i bʌ. Loq'uemon ti David, i p'olbalon David. Joñon jini ec'on wen tsiquil bʌ che' yomix sʌc'an pañimil, che'en.