Lucas 1:68 - Chol: I T’an Dios

⁶⁸ La' sujbic ti ñuc lac Yum Dios, i Dios Israel. Tsa'ix tili ba'an i cha'año' bʌ. Tsa'ix i mʌñʌyob.

Jiñi Tsiji' bʌ Wen T'añ cha'añ Estudio

⁶⁸ La' sujbic i ñuclel lac Yum Dios, i Dios Israel. Come tsa'ix tili i mʌñob i cha'año' bʌ.

Chol de Tumbalá Bible

⁶⁸ La' sujbic ti ñuc lac Yum Dios, i Dios Israel. Tsa'ix tili ba'an i cha'año' bʌ. Tsa'ix i mʌñʌyob.

Jiñi Tsiji' bʌ Wen T'añ cha'añ Estudio

⁶⁸ La' sujbic i ñuclel lac Yum Dios, i Dios Israel. Come tsa'ix tili i mʌñob i cha'año' bʌ.

Chol Tila

⁶⁸ La' lac sube' i ñuclel lac Yum i Dios israelon bʌ la como ti tyʌli i cotyañonla i cha'añon bʌ la.

Lucas 1:68 Iomraidhean Croise

Genesis 14:20

La' subentic i ñuclel Dios jini C'ax Ñuc Bʌ tsa' bʌ i yʌq'ueyet a t'uchtan a contrajob, che'en Melquisedec. Abram tsi' yʌq'ue Melquisedec i diezmojlel pejtelel i chubʌ'an.

Genesis 24:27

Tsi' yʌlʌ: La' sujbic i wenlel lac Yum, i Dios c yum Abraham. Ma'anic mi' cʌy i pʌsben c yum Abraham i yutslel yic'ot i sujmlel i t'an. Che' añon ti' bijlel lac Yum tsi' pʌsbeyon tilel c bijlel c'ʌlʌl tsi' pʌyʌyon julel ti' yotot i pi'ʌlob c yum, che'en.

1 Reyob 1:48

David tsi' yʌlʌ: “La' sujbic i ñuclel lac Yum i Dios Israel, come wʌle tsa'ix i yʌq'ueyon j q'uexol mu' bʌ caj i cha'len yumʌntel che' cuxulon to”, che'en David. Che' tsi' yʌlʌ Jonatán.

1 Reyob 8:15

Tsi' yʌlʌ: La' sujbic i ñuclel lac Yum i Dios israelob tsa' bʌ i pejca c tat David. Cha'an ti' p'ʌtʌlel tsa'ix ts'ʌctiyi pejtel iliyi. Dios tsi' sube c tat David:

1 Cronicas 29:10

David tsi' subu i ñuclel lac Yum ti' tojlel pejtelel jini israelob. Tsi' yʌlʌ: La' sujbic a ñuclel c Yum, i Dioset bʌ Israel, come ñuquet ti oñiyi yic'ot ti pejtelel ora.

1 Cronicas 29:20

David tsi' sube jini tempʌbilo' bʌ winicob: Subenla i ñuclel lac Yum Dios, che'en. Che' jini pejtelel israelob tsa' caji i subeñob i ñuclel lac Yum i Dios i ñojte'elob. Tsi' c'uchchocoyob i bʌ ti' tojlel lac Yum yic'ot ti' tojlel jini rey.

Salmos 106:48

La' ch'ujutesʌntic lac Yum ti pejtelel ora. I Dioset israelob, mach bʌ anic a cajibal mi a jilibal. La' i yʌlob Amén pejtel winicob x'ixicob. ¡Aleluya!

Salmos 111:9

Lac Yum tsi' mʌñʌ i cha'año' bʌ. Tsi' yʌc'ʌ xuc'ul bʌ i t'an mu' bʌ i yajñel ti pejtelel ora. Ch'ujul i c'aba', bʌc'ñʌbil ja'el.

Salmos 130:8

Lac Yum mi caj i mʌn loq'uel israelob ba' cʌchʌlob ti' mul.

Salmos 41:13

La' sujbic i ñuclel lac Yum, i Dios Israel, mach bʌ anic i cajibal mach bʌ anic i jilibal. Che'ʌch yom. Amén.

Exodo 4:31

Jini ñoxo' bʌ tsi' ñopoyob che' bʌ tsi' yubiyob mux caj i coltañob lac Yum come q'uelel i cha'an pejtel i wocol jini israelob. Tsi' lijiyob i bʌ cha'an mi' ch'ujutesañob Dios.

Lucas 1:71

Dios tsi' yʌlʌ mi caj laj coltʌntel loq'uel ti' c'ʌb laj contrajob yic'ot ti' c'ʌb pejtelel mu' bʌ i ts'a'leñonla.

Lucas 19:44

Mi caj i choquetla jubel ti lum yic'ot la' walobilob año' bʌ ti tejclum. Ma'anic mi caj la' cʌybentel mi jump'ejlic xajlel ti' pam yambʌ, come ma'anic tsa' la' ña'ta che' i yorajlelix la' coltʌntel ti Dios. Che' tsi' yʌlʌ Jesús.

Lucas 2:38

Ti jini jach bʌ ora tsa' tili Ana ba'an alʌl. Tsi' sube wocolix i yʌlʌ Dios. Tsi' subeyob i sujmlel jini alʌl ti' tojlel pejtel año' bʌ ti Jerusalén woli bʌ i pijtañob i coltʌntel.

Lucas 24:21

Tsa cʌlʌ lojon jiñʌch mu' bʌ caj i coltan israelob. Mach cojic jach, pero wʌle i yuxp'ejlelix q'uin.

Lucas 7:16

Tsa' cajiyob ti bʌq'uen ti pejtelelob. Tsi' tsictesayob i ñuclel Dios. Tsi' yʌlʌyob: Tsa'ix tili ñuc bʌ x'alt'an ba' añonla. Dios tsa'ix i jula'ta winicob x'ixicob i cha'an, che'ob.

Efesios 1:3

La' sujbic i ñuclel Dios, i Tat lac Yum Jesucristo tsa' bʌ i yʌq'ueyonla ti lac majtan ya' ti panchan pejtel chuqui uts'at ti Cristo.

Efesios 1:7

Che' bʌ tsa' chʌmi Cristo, tsi' yʌc'ʌyonla ti colel cha'an ti' ch'ich'el. Tsi' ñusʌbeyonla lac mul come wen on i yutslel.

Hebreos 9:12

Tsa' junyajlel ochi Cristo ya' ti Ch'ujul bʌ Ajñibʌl. Mach i ch'ich'elic alʌ chivo mi alʌ tat wacax, pero yic'ot i bajñel ch'ich'el tsa' ochi ti jini Ch'ujul bʌ Ajñibʌl ti chan, come tsi' mʌñʌyonla cha'an mi la cajñel yic'ot ti pejtelel ora.

1 Pedro 1:3

La' sujbic i ñuclel Dios i Tat lac Yum Jesucristo, come cabʌl tsi' p'untayonla che' bʌ tsi' yʌq'ueyonla lac cha' ilan pañimil. Jini cha'an an cuxul bʌ lac pijtaya, cha'an tsa' cha' tejchi ch'ojyel Jesucristo ba'an chʌmeño' bʌ.

1 Samuel 25:32

Che' jini David tsi' sube Abigail: La' sujbic i ñuclel lac Yum i Dios Israel tsa' bʌ i chocoyet tilel wʌle cha'an ma' tajon ti bij.