Lucas 1:51 - Chol: I T’an Dios

⁵¹ Tsa'ix i pʌsʌ i p'ʌtʌlel i c'ʌb yic'ot ñuc bʌ i melbal. Tsi' pucu majlel jini tsa' bʌ i q'ueleyob i bʌ ti ñuc ti' bajñel ña'tʌbal.

Jiñi Tsiji' bʌ Wen T'añ cha'añ Estudio

⁵¹ Tsa'ix i pʌsʌ ñuc bʌ i melbal ti p'ʌtʌlel i c'ʌb; tsi' jembeyob jontol bʌ i ña'tʌbal jiñi tsa' bʌ i q'ueleyob i bʌ ti ñuc.

Chol de Tumbalá Bible

⁵¹ Tsa'ix i pʌsʌ i p'ʌtʌlel i c'ʌb yic'ot ñuc bʌ i melbal. Tsi' pucu majlel jini tsa' bʌ i q'ueleyob i bʌ ti ñuc ti' bajñel ña'tʌbal.

Jiñi Tsiji' bʌ Wen T'añ cha'añ Estudio

⁵¹ Tsa'ix i pʌsʌ ñuc bʌ i melbal ti p'ʌtʌlel i c'ʌb; tsi' jembeyob jontol bʌ i ña'tʌbal jiñi tsa' bʌ i q'ueleyob i bʌ ti ñuc.

Chol Tila

⁵¹ Tsa'ix i cha'le p'ʌtyʌl bʌ i cha'libal Dios. Tsa'ix i pucuyob majlel jini mu' bʌ i lolon chan isañob i bʌ.

Lucas 1:51 Iomraidhean Croise

Genesis 11:8

Jini cha'an lac Yum tsi' pam pucuyob ti pejtelel pañimil. Tsi' cʌyʌyob i mel jini tejclum.

Genesis 6:5

Lac Yum tsi' q'uele cabʌlix i jontolil winicob ti pañimil. Tsi' q'uele jontol jax ti pejtelel ora pejtel chuqui an ti' pusic'al winicob yic'ot pejtel chuqui tsi' ña'tayob.

Genesis 8:21

Che' bʌ tsi' yubi lac Yum jini xojocña bʌ i yujts'il tsi' yʌlʌ ti' pusic'al: Ma'anix mi caj c cha' jisan jini lum cha'an i mul winicob che' bajche' tsac mele, anquese jontol chuqui mi' ña'tañob ti' pusic'al c'ʌlʌ che' ch'iton to. Ma'anix mi caj c chʌn tsʌnsan pejtelel cuxul tac bʌ che' bajche' tsac jisa.

Salmos 118:15

Ubinla jini tijicña bʌ t'an ti' chumlib jini tojo' bʌ Come tsa' mʌjliyob i cha'an ti' p'ʌtʌlel lac Yum.

Salmos 33:10

Lolom jach mi' temob i t'an jini gentilob, come lac Yum mi' contrajiñob. Lac Yum mi' yʌc' ti jilel chuqui mi' lon ña'tañob i mel winicob x'ixicob.

Salmos 52:9

Mi caj c subeñet wocolix a wʌlʌ ti pejtelel ora, come a melbalʌch. Ti' tojlel a cha'año' bʌ mi caj c ña'tan a c'aba', come uts'atet. Wolic pijtañet.

Salmos 63:5

Jasʌlon mi caj cubin ti a tojlel che' bajche' jini mu' bʌ i ñaj'an ti wen uts'at bʌ i bʌl i ñʌc'. Mi caj c sub a ñuclel ti c'ay

Salmos 89:10

Jatet tsa' t'uchta egiptojob, tsa' jisayob. Mach chʌn cʌñʌlobix. Tsa' pam pucu a contrajob. Wen p'ʌtʌlet.

Salmos 89:13

Cabʌlʌch i p'ʌtʌlel a c'ʌb, cabʌlʌch a melbal. Ma'anic i p'isol a p'ʌtʌlel.

Salmos 98:1

C'ʌyinla lac Yum. C'ʌyibenla tsiji' bʌ c'ay Come tsi' pʌsʌ i yejtal tac i p'ʌtʌlel. Ti ch'ujul bʌ i p'ʌtʌlel tsa'ix mʌjli i cha'an.

Exodo 18:11

Cujilix ñuc lac Yum, mach ñuquic dioste' tac, come ñuc tsi' pʌsʌ i bʌ lac Yum ti' tojlel jini egiptojob tsa' bʌ i chañ'esayob i bʌ, che'en.

Isaias 40:10

Come tal lac Yum Dios yic'ot cabʌl i p'ʌtʌlel cha'an mi' cha'len yumʌl. Mi caj i pʌy tilel i cha'año' bʌ tsa' bʌ i mʌñʌ. Jiñʌch i chobejtʌbal cha'an i bajñel e'tel.

Isaias 51:9

Caña a wut c Yum, caña a wut, wa'i' yic'ot cabʌl a p'ʌtʌlel che' bajche' ti wajali. Jatet tsa' tsʌnsa jini colem bʌ ajin, jiñʌch Egipto.

Isaias 52:10

Lac Yum tsa'ix i pʌsʌ ch'ujul bʌ i c'ʌb ti' wut pejtelel tejclum. Ti pejtelel pañimil mi' caj ti tsictiyel laj coltʌntel tilem bʌ ti lac Dios.

Isaias 63:12

¿Baqui an jini tsa' bʌ i t'oxo jini colem ñajb ti ñuc bʌ i p'ʌtʌlel che' bʌ tsi' sʌts'ʌ i c'ʌb Moisés? Che' jini tsi' yʌc'ʌ i bʌ ti cʌjñel cha'an mi' ña'tʌntel ti pejtelel ora.

Jeremias 49:15

Joñon mi caj c peq'uesan Edom ti' tojlel yambʌ winicob ti pejtelel pañimil. Mi caj cʌq'uet ti ts'a'lentel, Edom.

Daniel 4:37

Jini cha'an, joñon Nabucodonosor, mic ch'ujutesan, mic ñuq'uesan, mij q'uel ti ñuc jini Yumʌl am bʌ ti panchan. Pejtelel chuqui mi' mel utsat, toj ja'el. An i p'ʌtʌlel cha'an mi' peq'uesan jini mu' bʌ i chañ'esañob i bʌ. Che' tsi' yʌlʌ Nabucodonosor.

Romanos 1:21

Anquese tsi' cʌñʌyob Dios, ma'anic tsi' ch'ujutesayob. Ma'anic tsi' subeyob wocolix i yʌlʌ. Tsa' lon tejchi i bajñel ña'tʌbal. Utsilix tsa' p'ojli tonto bʌ i pusic'al.

2 Corintios 10:5

Mic lʌmben lojon pejtel lolom jach bʌ i t'an winicob, yic'ot pejtel i ña'tʌbal mu' bʌ i mʌctan yaño' bʌ ti' cʌñol i sujmlel Dios. Mic tic' lojon pejtelel chuqui mi' lon tejchel tic bajñel pusic'al lojon cha'an mic jac'ben lojon i t'an Cristo.

Deuteronomio 4:34

¿Tsa' ba tili yambʌ dios i coltan winicob che' bajche' tsi' coltayonla lac Yum Dios? Tsi' pʌsʌ i p'ʌtʌlel ti lac tojlel che' bʌ tsi' pʌyʌyonla loq'uel ti' p'ʌtʌlel laj contrajob. Tsi' yotsayonla ti' cha'an bʌ. Tsi' pʌsʌ i yejtal tac i p'ʌtʌlel yic'ot bʌbʌq'uen tac bʌ yic'ot tsʌts tac bʌ ti la' tojlel che' bʌ tsi' loc'sayetla ti Egipto.

1 Pedro 5:5

Che' ja'el, ch'iton winicob, ac'ʌ la' bʌ ti' wenta ancianojob. Ti la' pejtelel chʌn mele la' bʌ ti pec' ti' tojlel la' pi'ʌlob, come Dios mi' contrajin jini mu' bʌ i chañ'esan i bʌ. Mi' yʌq'uen i yutslel i pusic'al jini mu' bʌ i peq'uesan i bʌ.

Apocalipsis 18:8

Jini cha'an ti jump'ejl jach q'uin mi caj i tilel cabʌl i wocol. Mi caj i chʌmel, mi caj i cha'len uq'uel, mi caj i yubin wi'ñal. Mi caj i pulel ti c'ajc, come p'ʌtʌl lac Yum Dios mu' bʌ i mel Babilonia.