Lucas 1:20 - Chol: I T’an Dios

²⁰ Awilan, mi caj a wochel ti uma'. Ma'anic mi caj a mejlel ti t'an c'ʌlʌl ti jini q'uin che' mi' yujtel jini tsa' bʌ c subeyet. Come ma'anic tsa' ñopo c t'an cha'an jini mu' bʌ caj ti ujtel che' ti' yorajlel, che'en jini ángel.

Jiñi Tsiji' bʌ Wen T'añ cha'añ Estudio

²⁰ Awilan, cha'añ ti' caj ma'añic tsa' ñopo c t'añ cha'añ jiñi mu' bʌ caj ti ujtel che' ti' yorajlel, mi caj a wochel ti x'uma'. Ma'añic mi caj a mejlel ti t'añ c'ʌlʌl ti jiñi q'uiñ che' mi' yujtel jiñi tsa' bʌ c su'beyet, che'en jiñi ángel.

Chol de Tumbalá Bible

²⁰ Awilan, mi caj a wochel ti uma'. Ma'anic mi caj a mejlel ti t'an c'ʌlʌl ti jini q'uin che' mi' yujtel jini tsa' bʌ c subeyet. Come ma'anic tsa' ñopo c t'an cha'an jini mu' bʌ caj ti ujtel che' ti' yorajlel, che'en jini ángel.

Jiñi Tsiji' bʌ Wen T'añ cha'añ Estudio

²⁰ Awilan, cha'añ ti caj ma'añic tsa' ñopo c t'añ cha'añ jiñi mu' bʌ caj ti ujtel che' ti' yorajlel, mi caj a wochel ti x'uma'. Ma'añic mi caj a mejlel ti t'añ c'ʌlʌl ti jiñi q'uiñ che' mi' yujtel jiñi tsa' bʌ c su'beyet.

Chol Tila

²⁰ Pero cha'an mach'an ti a ch'ujbi tsa' bʌ c subet mi quejel a wa' sujtyel ti x'uma'. Ma'ix mi quejel a cha'len t'an c'ʌlʌl jintyo mi' ch'oc an alo' bʌ a walobil. Jiñʌch mi quejel i ts'ʌctiyel che' ti yorojlel. Che' ti yʌlʌ.

Lucas 1:20 Iomraidhean Croise

2 Reyob 7:19

Jini am bʌ i ye'tel cha'an mi' coltan jini rey tsi' jac'ʌ, pero ma'anic tsi' ñopo. Tsi' yʌlʌ: “Muq'uic i yʌc' i t'an lac Yum ti panchan cha'an mi' yujtel che' bajche' jini, mach ts'ʌctiyic”, che'en. Pero Eliseo tsi' sube: “Mu'to caj a q'uel che' mi' yujtel, pero jatet ma'anix mi caj a c'ux”, che'en.

2 Reyob 7:2

Juntiquil am bʌ i ye'tel mu' bʌ i coltan jini rey tsi' sube i winic Dios: A lot. Muq'uic i yʌc' i t'an lac Yum ti panchan cha'an mi' yujtel che' bajche' jini, mach ts'ʌctiyic, che'en. Eliseo tsi' sube: Mu'to caj a q'uel che' mi' yujtel, pero jatet ma'anic mi caj a c'ux, che'en.

Exodo 4:11

Jini cha'an lac Yum tsi' sube: ¿Majqui tsi' melbe i yej winic? ¿Majqui mi' melben i yej x'uma' yic'ot i chiquin xcojc yic'ot i wut xpots'? ¿Mach ba joñonic a Yum?

Isaias 7:9

Jini colem tejclum ti Efraín ba' mi' cha'len yumʌl Peka jiñʌch Samaria. Ya' jach jaxʌl i yumʌntel. Ma'anic mi caj i ñuc'an. Mi mach xuc'ulic a pusic'al tic t'an, mach xuc'ulic mi caj a wajñel”. Che'ʌch yom ma' suben Acaz, che'en lac Yum.

Ezequiel 24:27

Ti jim bʌ ora mi caj c cha' aq'ueñet a t'an cha'an mi mejlel a pejcan. Che' jini mi caj a pʌsbeñob ti lajiya chuqui mi caj i yujtel. Ti jim bʌ ora mi caj i ña'tañob Yumʌlon. Che' tsi' yʌlʌ lac Yum.

Ezequiel 3:26

Mi caj c ñʌp'chocon a wac' ti' mal a wej cha'an ma'anix ma' chʌn cha'len t'an cha'an ma' tic' jini winicob come jontolob.

Daniel 10:15

Che' woli to i pejcañon, ñuculon ti lum, ñʌch'ʌlon. Ma'anic chuqui tsa cʌlʌ.

Numeros 20:12

Pero lac Yum tsi' sube Moisés yic'ot Aarón: Ma'anic tsa' la' ñopoyon che' bajche' yom. Ma'anic tsa' la' wʌc'ʌ ti cʌjñel c ñuclel ti' tojlel israelob cha'an mi' ña'tañob ch'ujulon. Jini cha'an mic subeñetla, ma'anic mi caj la' pʌy ochel ili winicob ti jini lum ba' tsa cʌq'ueyob, che'en lac Yum.

Marcos 16:14

Ti wi'il tsa' tsictiyi Jesús ti' wut jini junlujuntiquil che' buchulob ti' t'ejl mesa. Jesús tsi' yʌ'leyob cha'an i tsʌtslelob i pusic'al cha'an ma'anic tsi' ñopoyob. Come ma'anic tsi' ñopbeyob i t'an jini tsa' bʌ i q'ueleyob Jesús che' bʌ tejchemix ch'ojyel.

Marcos 9:19

Jesús tsi' subeyob: ¡Winicob x'ixicob año' bʌ wʌle mach bʌ anic mi la' ñop! ¿Jayp'ejl to q'uin wʌ' añon la' wic'ot? ¿Jayp'ejl to q'uin mic wersa cuchbeñetla la' sajtemal? Pʌyʌla tilel ba' añon, che'en.

Lucas 1:19

Jini ángel tsi' sube: Joñon Gabrielon. Añon ti' tojlel Dios. Chocbilon tilel cha'an mic pejcañet cha'an mic subeñet jini wen t'an.

Lucas 1:21

Che' bʌ woli' chʌn pijtañob Zacarías jini winicob x'ixicob, tsi' c'ajtibeyob i bʌ chucoch tsa' chʌn jale Zacarías ti Templo.

Lucas 1:22

Che' bʌ tsa' loq'ui tilel Zacarías, ma'anic tsa' mejli i pejcañob. Tsi' ña'tayob an chuqui tsi' q'uele Zacarías ti Templo ch'oyol bʌ ti panchan. Tsa' jach i pejcayob ti' c'ʌb. Tsa' cʌle ti x'uma'.

Lucas 1:45

Tijicñayet cha'an tsa' ñopbe i t'an lac Yum mu' bʌ caj i ts'ʌctiyel, che'en Elisabet.

Lucas 1:64

Ti ora tsa' cha' caji ti t'an. Tsa' jijti i yac' Zacarías. Tsi' subu i ñuclel Dios.

Romanos 3:3

Isujm, ma'anic tsi' ñopoyob lamital, pero ¿tsa' ba jili i xuc'tilel i pusic'al Dios cha'an ma'anic tsi' ñopoyob?

2 Timoteo 2:13

Mi xuc'ulonla o mach xuc'ulonicla, pero xuc'ul Cristo Jesús yic'ot i t'an. Mach yujilic lot.

Tito 1:2

yic'ot cha'an mi' tajob i cuxtʌlel mach bʌ anic mi' jilel, woli bʌ lac pijtan. Come Dios, mach bʌ yujilic lot, tsi' wʌn ac'ʌ i t'an che' maxto anic pañimil.

Hebreos 6:18

Dios mach mejlic i cha'len lot. An cha'chajp mach bʌ yujilic q'uextʌyel. Jiñʌch i xuc'tʌlel i pusic'al yic'ot albil bʌ i t'an. Jini cha'an joñonla tsa' bʌ lac taja laj coltʌntel ti Dios, mi lac taj i ñuq'uesʌntel lac pusic'al cha'an mi lac chʌn pijtan chuqui subebilonla.

Apocalipsis 3:19

Jini mu' bʌ j c'uxbin mic tic'. Mic ju'sʌben i pusic'al. Jini cha'an yom bʌxetla. Cʌyʌla la' mul.