Levitico 9:3 - Chol: I T’an Dios

³ Subeñob israelob: “Pʌyʌla tilel juncojt i tat chivo cha'an i tojol la' mul. Pʌyʌla tilel ja'el juncojt tat wacax yic'ot juncojt tat tiñʌme' am bʌ jump'ejl i jabilel ti cha'cojtlel. Mach yomic jini am bʌ i lojwemal. Jiñʌch cha'an pulbil bʌ i majtan lac Yum.

Chol de Tumbalá Bible

³ Subeñob israelob: “Pʌyʌla tilel juncojt i tat chivo cha'an i tojol la' mul. Pʌyʌla tilel ja'el juncojt tat wacax yic'ot juncojt tat tiñʌme' am bʌ jump'ejl i jabilel ti cha'cojtlel. Mach yomic jini am bʌ i lojwemal. Jiñʌch cha'an pulbil bʌ i majtan lac Yum.

Jiñi Tsiji' bʌ Wen T'añ cha'añ Estudio

³ Ti wi'il mi caj a pejcan jiñi israelob, mi caj a su'beñob: Pʌyʌla tilel juncojt i tat chivo cha'añ i ñusʌntel mulil, yic'ot juncojt tat wacax yic'ot juncojt alʌ tʌñʌme' añ jaxto bʌ jump'ejl ja'b, ti' cha'cojtlel yom jiñi c'oc' bʌ cha'añ pulbil bʌ majtañʌl.

Levitico 9:3 Iomraidhean Croise

Genesis 37:31

Tsi' ch'ʌmʌyob i pislel José. Tsi' tsʌnsayob chivo. Tsi' ts'ajayob i pislel ti' ch'ich'el chivo.

Esdras 6:17

Che' bʌ tsi' melbeyob i q'uiñilel Templo cha'an mi' yʌc'ob ti' wenta Dios, tsi' pulbeyob i majtan Dios, joc'al alʌ tat wacax yic'ot lujunc'al i tat tiñʌme', yic'ot jumbajc' alʌ tiñʌme'. Tsi' yʌc'ʌyob lajchʌncojt tat chivo cha'an mi' ñusʌbentelob i mul jini lajchʌnmojt israelob.

Exodo 12:5

Yom juncojt tiñʌme' mach bʌ i p'ajomalic. Yom i tat bʌ am bʌ jump'ejl i jabil, mi tiñʌme' mi chivo.

Isaias 53:10

Anquese tsa' tic'lʌnti ti' c'ʌb winicob, che'ʌch yom i pusic'al lac Yum. Lac Yum tsi' yʌq'ue i yubin ch'ijiyem bʌ. Che' bʌ tsa'ix i yʌc'ʌ i bʌ ti chʌmel i wenta tsʌnsʌbil bʌ i majtan Dios cha'an mi' toj mulil, mi caj i q'uel i p'olbal. Cuxul mi caj i yajñel ti pejtelel ora. Ti' caj i ye'tel mi caj i yujtel ti uts'at chuqui yom lac Yum.

Levitico 10:16

Moisés tsa' caji i c'ajtibeñob baqui tsi' yʌc'ʌyob jini i tat chivo tsa' bʌ i yʌq'ueyob Dios cha'an i tojol mulil. Pero awilan, tsa'ix puli. Jini cha'an Moisés tsi' mich'le Eleazar yic'ot Itamar, i yalobilob Aarón:

Levitico 12:6

Che' ñumenix i yorajlel cha'an mi' sʌq'uesan i bʌ cha'an i yalobil, mi ch'iton mi xch'oc, la' i pʌy tilel juncojt alʌ tat tiñʌme' am bʌ jump'ejl i jabilel cha'an pulbil bʌ c majtan, yic'ot juncojt x'ujcuts mi xpuruwoc, cha'an i ñusʌntel mulil. La' i yʌq'uen jini motomaj ya' ti' ti' jini Tabernáculo.

Levitico 14:10

Che' ti yijc'ʌlal (jiñʌch i waxʌcp'ejlel q'uin) la' i pʌy tilel cha'cojt tat tiñʌme', mach bʌ wis anic i c'amʌjel mi i lojwel, yic'ot juncojt xch'oc tiñʌme' am bʌ jump'ejl i jabilel mach bʌ wis anic i c'amʌjel mi i lojwel, yic'ot lujump'is jini harina wen juch'bil bʌ, xajc'ubil bʌ yic'ot olivo aceite, yic'ot ojlil litro olivo aceite.

Levitico 16:15

Ti wi'il mi caj i tsʌnsan jini chivo cha'an i mulob pejtelel winicob. Jini i ch'ich'el yom mi' ch'ʌm majlel ya' ti junwejlel tsalʌl bʌ pisil, cha'an mi' tsijcan ya' ti' pam yic'ot ti' tojel jini ajñibʌl ba' mi' ñusʌntel mulil che' bajche' tsi' mele yic'ot i ch'ich'el wacax.

Levitico 16:5

Jini israelob la' i ch'ʌmbeñob tilel cha'cojt i tat chivo cha'an i ñusʌntel mulil, yic'ot juncojt i tat tiñʌme' cha'an mic pulbentel.

Levitico 23:12

Ti jini jach bʌ q'uin yom mi la' wʌq'ueñon pulbil bʌ c majtan, juncojt alʌ tat tiñʌme' am bʌ jump'ejl i jabilel mach bʌ wis anic i c'amʌjel mi i lojwemal.

Levitico 4:23

mi tsi' ña'ta an i mul, la' tilic ti ora cha'an mi' yʌq'ueñon juncojt i tat chivo mach bʌ wis anic i c'amʌjel mi i lojwemal.

Levitico 4:3

Mi an juntiquil motomaj mu' bʌ i cha'len mulil che' mach tsajalic i cha'an, mi' tajob i mul pejtel winicob ti' caj. La' i yʌq'ueñon juncojt alʌ wacax i tat bʌ mach bʌ wis anic i chʌmel mi i lojwel, cha'an mi' ñusʌntel mulil.

Levitico 9:2

Moisés tsi' sube Aarón: Yajcan tilel juncojt alʌ tat wacax cha'an i tojol mulil. Yom juncojt tat tiñʌme' cha'an pulbil bʌ i majtan lac Yum. Mach yomic jini am bʌ i c'amʌjel mi i lojwemal.

Levitico 9:4

Che' ja'el pʌyʌla tilel juncojt i tat wacax yic'ot tat tiñʌme' cha'an mi la' tsʌnsʌben lac Yum cha'an mi la' taj i tijicñʌyel la' pusic'al. Yom i ñujp ti ac'ol, jiñʌch majtañʌl bʌ harina xajc'ubil bʌ yic'ot olivo aceite. Come lac Yum mi caj i pʌs i bʌ ti la' tojlel wʌle”. Che' yom mi la' subeñob israelob, che'en Moisés.

Romanos 8:3

Jini mandar ma'anic tsa' mejli i coltañonla, come c'uñonla cha'an lac tsucul pusic'al, pero tsa' mejli i coltañonla Dios che' bʌ tsi' choco tilel i Yalobil cha'an mi' toj lac mul. I Yalobil Dios tsi' ch'ʌmʌ i bʌc'tal lajal bajche' lac cha'an am bʌ i pʌyol ti mulil. Tsi' yʌc'ʌ i bʌ ti chʌmel cha'an mi' toj lac mul, cha'an mi' jilel i p'ʌtʌlel mulil am bʌ ti lac bʌc'tal.

2 Corintios 5:21

Come Cristo ma'anic tsi' wis ñopo mulil, pero Dios tsi' yʌq'ue i cuch pejtelel lac mul ti' bʌc'tal ya' ti cruz cha'an mi' yʌq'ueñonla toj bʌ lac pusic'al ti Cristo.

Tito 2:14

Tsi' yʌc'ʌ i bʌ ti chʌmel cha'añonla cha'an mi' mʌñonla loq'uel ti pejtelel lac jontolil, cha'an mi' sʌq'uesañonla, cha'an mi' yotsañonla ti' cha'an, cha'an mi lac bʌx'an ti' melol pejtelel chuqui wen.

1 Pedro 2:24

I bajñel jach tsi' cuchu lac mul ti' bʌc'tal che' bʌ tsa' chʌmi ti te', cha'an mi' jilel i p'ʌtʌlel mulil ti lac tojlel. Cuxulonixla cha'an yom mi lac mel chuqui toj. Lajmesʌbiletla cha'an tsa' lojwi lac Yum.

1 Pedro 3:18

Come Cristo ja'el ti junyajlel tsi' yubi wocol cha'an mulil. Jini Toj bʌ tsi' yʌc'ʌ i bʌ ti chʌmel cha'an jini mach bʌ tojobic, cha'an mi' pʌyonla ti' tojlel Dios. Isujmʌch tsa' tsʌnsʌnti ti' bʌc'tal, pero tsa' cha' cuxtiyi ti jini espíritu.

Apocalipsis 5:9

Tsi' c'ʌyiyob tsiji' bʌ c'ay: Wen uts'atet. Uts'at ma' ch'ʌm jini jun cha'an ma' tsilben i sellojlel tac, come tsa' tsʌnsʌntiyet, tsa' mʌñʌyon lojon ti a ch'ich'el cha'an mic ñop lojon Dios. Loq'uemon lojon ti jujunchajp winicob, yic'ot ti pejtelel t'an tac, yic'ot ti pejtelel tejclum tac.