Levitico 9:24 - Chol: I T’an Dios

²⁴ Tsa' loq'ui tilel c'ajc ti' tojlel lac Yum. Tsi' laj pulu jini majtañʌl yic'ot i lewil tac am bʌ ti' pam jini pulʌntib. Che' bʌ tsi' q'ueleyob jini winicob, tsi' cha'leyob c'am bʌ t'an. Tsi' pʌcchocoyob i bʌ ti' tojlel lac Yum.

Chol de Tumbalá Bible

²⁴ Tsa' loq'ui tilel c'ajc ti' tojlel lac Yum. Tsi' laj pulu jini majtañʌl yic'ot i lewil tac am bʌ ti' pam jini pulʌntib. Che' bʌ tsi' q'ueleyob jini winicob, tsi' cha'leyob c'am bʌ t'an. Tsi' pʌcchocoyob i bʌ ti' tojlel lac Yum.

Jiñi Tsiji' bʌ Wen T'añ cha'añ Estudio

²⁴ Tsa' loq'ui tilel c'ajc ti' tojlel lac Yum. Tsi' laj pulu jiñi majtañʌl yic'ot i lewil tac am bʌ ti' pam jiñi pulʌntib. Che' bʌ tsi' q'ueleyob jiñi wiñicob x'ixicob, tsi' ch'ujutesayob lac Yum yic'ot tsa' ñocleyob, tsi' ñucchocoyob i bʌ ti' tojlel.

Levitico 9:24 Iomraidhean Croise

Genesis 15:17

Che' bʌ tsa' bʌjli q'uin, che' ac'ʌlelix, awilan, jump'ejl tic'ʌjib am bʌ i buts'il yic'ot xutunte' woli bʌ ti lejmel tsa' ñumi ti ojlil, ba' t'oxbil ti ojlil jini majtan tac.

2 Reyob 19:15

Che' jini tsa' caji ti oración Ezequías. Tsi' yʌlʌ: C Yum i Dioset bʌ Israel, mu' bʌ a yumʌntel ti tojlel ángelob, jatet jach i Dioset jini reyob ti pejtelel pañimil. Jatet tsa' mele panchan yic'ot pañimil.

1 Cronicas 21:26

Che' jini David tsa' caji i wa'chocoben i pulʌntib i majtan lac Yum. Tsa' caji i pulben tsʌnsʌbil bʌ i majtan lac Yum yic'ot yambʌ majtañʌl cha'an i tijicñʌyel i pusic'al. Tsa' caji i pejcan lac Yum ti oración. Lac Yum tsi' choco tilel c'ajc ti panchan cha'an mi' pul jini majtañʌl.

2 Cronicas 6:2

Pero tsa'ix c melbeyet a Templo ba' ma' chumtʌl ti pejtelel ora, che'en.

Esdras 3:11

Tsi' jeleyob i bʌ ti c'ay. Tsi' subeyob wocolix i yʌlʌ lac Yum. Tsi' ñuq'uesʌbeyob i c'aba'. Tsi' yʌlʌyob: Wen uts lac Yum. Ti pejtelel ora an i c'uxbiya yic'ot i yutslel i pusic'al ti' tojlel Israel, che'ob. Pejtelel winicob tsi' subuyob i ñuclel lac Yum ti c'am bʌ t'an cha'an tijicñayob i pusic'al che' melbilix i c'ʌclib i yotot lac Yum.

Salmos 80:1

Xcʌnta tiñʌme' i cha'an Israel, ñich'tañon. Tsa'ix a pʌyʌ majlel José che' bajche' tiñʌme'. Buchuletix ti' t'ejl querubiñob ya' ti chan.

Exodo 3:2

I yAngel lac Yum tsi' pʌsʌ i bʌ ba'an Moisés ya' ba' woli ti lejmel c'ajc ba' wa'al alʌ te'. Tsi' q'uele woli ti lejmel jini alʌ te', pero ma'anic woli' jilel.

Levitico 10:2

Jini cha'an tsa' loq'ui tilel c'ajc ba'an lac Yum cha'an mi' jisañob. Che' jini tsa' chʌmiyob ti' tojlel lac Yum.

Levitico 6:13

Ti pejtelel ora yom mi' lejmel jini c'ajc ya' ti' pam jini pulʌntib. Mach yomic mi' wis yajpel.

Numeros 14:5

Tsi' yubiyob Moisés yic'ot Aarón. Tsi' pʌcchocoyob i bʌ ti' tojlel pejtelel israelob ya' ba' much'ulob.

Numeros 16:22

Pero tsi' pʌcchocoyob i bʌ. Tsi' yʌlʌyob: C Dios, C Dios, jatet mu' bʌ a wʌq'ueñob i ch'ujlel pejtelel winicob, ¿mach ba juntiquilic jach jini tsa' bʌ i cha'le mulil? ¿Chucoch woli a laj mich'leñob ti pejtelelob? che'ob.

Numeros 23:21

Come ma'anic mi' tajbeñob i mul i p'olbalob Jacob ti' tojlel lac Yum. Ma'anic mi' q'uelbeñob i jontolil jini israelob. Come ya' añob yic'otob lac Yum Dios cha'an mi' yumañob.

Mateo 26:39

Tsa' to i ts'ita' xʌñʌ majlel. Tsi' pʌcchoco i bʌ. Tsi' cha'le oración. Tsi' yʌlʌ: C Tat mi che'ʌch yom, tʌts'beñon ili wocol. Pero mach a mel che' bajche' com. Mele che' bajche' yom a pusic'al, che'en Jesús.

Apocalipsis 4:9

Ti pejtelel ora jini chʌntiquil querubin mi' tsictesañob i ñuclel jini buchul bʌ ti' yumʌntel. Ti jujunyajl che' mi' c'ʌyibeñob i ñuclel, che' mi' subeñob wocolix i yʌlʌ jini cuxul bʌ ti pejtelel ora,

Apocalipsis 5:8

Che' bʌ tsi' ch'ʌmʌ jini jun, jini chʌntiquil querubiñob yic'ot chʌntiquil i cha'c'al ancianojob tsi' pʌcchocoyob i bʌ ti' tojel jini Tiñʌme'. Ti jujuntiquil an i cha'an arpa yic'ot taza melbil bʌ ti oro but'ul bʌ ti pom. Jiñʌch i yejtal i yoración i cha'año' bʌ Dios.

Apocalipsis 7:11

Pejtelel ángelob tsa' wa'leyob ti' joytʌlel i buchlib, ti' joytʌlel ancianojob yic'ot jini chʌntiquil querubiñob. Tsi' pʌcchocoyob i bʌ ti' tojel i buchlib Dios. Tsi' ch'ujutesayob Dios.

Juezob 13:23

Pero i yijñam Manoa tsi' yʌlʌ: Yomic i tsʌnsañonla lac Yum, ma'anic tsi' ch'ʌmʌ ti' wenta jini pulbil bʌ i majtan, yic'ot jini majtañʌl melbil bʌ ti trigo tsa' bʌ la cʌq'ue. Che'ic jini ma'anic tsi' pʌsbeyonla ili i yejtal tac i p'ʌtʌlel, ma'anic tsi' subeyonla chuqui tac mi caj i yujtel ti lac tojlel, che'en.

Juezob 6:21

I yAngel lac Yum tsi' sʌts'ʌ i c'ʌb yic'ot jini te' chucul bʌ i cha'an. Che' bʌ tsa' c'ʌlʌ c'oti jini te' ya' baqui an jini we'elʌl yic'ot jini waj, tsa' loq'ui c'ajc ya' ti xajlel. Tsi' pulu jini we'elʌl yic'ot jini caxlan waj mach bʌ anic i levadurajlel. Che' bʌ tsa' ujti jini, tsi' cha' sʌtʌ i bʌ i yAngel lac Yum ti' wut.