Levitico 8:30 - Chol: I T’an Dios

³⁰ Tsi' ch'ʌmʌ ja'el jini aceite yic'ot jini ch'ich' am bʌ ti pulʌntib. Tsa' caji i tsijcan Aarón yic'ot i yalobilob yic'ot i pislelob. Che' jini Moisés tsi' yʌc'ʌ ti' c'ʌb Dios jini motomaj Aarón yic'ot i yalobilob yic'ot pejtel i pislelob.

Chol de Tumbalá Bible

³⁰ Tsi' ch'ʌmʌ ja'el jini aceite yic'ot jini ch'ich' am bʌ ti pulʌntib. Tsa' caji i tsijcan Aarón yic'ot i yalobilob yic'ot i pislelob. Che' jini Moisés tsi' yʌc'ʌ ti' c'ʌb Dios jini motomaj Aarón yic'ot i yalobilob yic'ot pejtel i pislelob.

Jiñi Tsiji' bʌ Wen T'añ cha'añ Estudio

³⁰ Tsi' ch'ʌmʌ ja'el jiñi olivo aceite cha'añ bojñibʌl yic'ot jiñi ch'ich' am bʌ ti pulʌntib, tsi' tsijca Aarón yic'ot i yalobilob yic'ot i pislelob. Che'ʌch tsa' sʌc-esʌntiyob Aarón yic'ot i yalobilob yic'ot pejtelel i pislelob.

Levitico 8:30 Iomraidhean Croise

Exodo 28:2

Yom la' melben i pislel a wʌscun Aarón, ch'ujul bʌ, sʌc bʌ, yic'ot i t'ojol bʌ, cha'an mi' q'uejlel ti ñuc.

Exodo 29:21

Yom ma' c'ʌn lamital jini ch'ich' am bʌ ti pulʌntib yic'ot ts'ita' jini aceite mu' bʌ i c'ʌjñel ti Tabernáculo cha'an ma' tsijcañob Aarón yic'ot i yalobilob che' yic'ot i pislelob. Che' jini sʌq'uesʌbilobix mi' cʌytʌl jini Aarón yic'ot i yalobilob. Sʌq'uesʌbilix mi' cʌytʌl i pislel ja'el.

Exodo 30:30

Boño ja'el jini Aarón yic'ot i yalobilob. Sʌq'uesañob cha'an mi' melbeñoñob que'tel ti motomaj.

Isaias 61:1

An i yEspíritu lac Yum Dios tic pusic'al, come lac Yum tsi' yajcayon cha'an mic subeñob jini wen t'an jini utso' bʌ. Tsi' chocoyon tilel cha'an mic lajmesʌbeñob i ch'ijiyemlel i pusic'al jini ch'ijyemo' bʌ, cha'an mic subeñob loq'uel jini ñup'ulo' bʌ, cha'an mic jambeñob i ti' mʌjquibʌl ba' ñup'ulob,

Isaias 61:3

Mi caj j coltan jini woli bʌ i tsicob i pusic'al ti Sion. Mi caj cʌq'ueñob i ch'ʌjlil i jol i wenta tʌñil c'ajc. Mi caj cʌq'ueñob i tijicñʌyel i pusic'al i wenta uq'uel. Mi caj c lajmesʌbeñob i wocol cha'an mi' cajelob ti c'ay cha'an ñucon. Toj mi caj i q'uejlelob. P'ʌtʌl mi caj i yajñelob che' bajche' c'olol wen chucul bʌ i wi'. Tsac pʌc'ʌyob cha'an mi' tsictesañob c ñuclel.

Levitico 10:3

Moisés tsi' sube Aarón: Jiñʌch tsa' bʌ i yʌlʌ lac Yum: “Jini mu' bʌ i lʌc'tesañoñob, wersa mi' q'ueloñob ti ch'ujul. Wersa mi cʌq'uentel c ñuclel ti' tojlelob winicob x'ixicob”, che'en lac Yum. Che' tsi' yʌlʌ Moisés. Che' jini ñʌch'ʌl tsa' cʌle Aarón.

Levitico 7:35

Ti pejtelel majtañʌl mu' bʌ c pulbentel jiñʌch mu' bʌ caj i yʌq'uentel Aarón yic'ot i yalobilob come tsac wa'chocoyob ti' ye'tel motomaj tic tojlel.

Levitico 7:36

Jiñʌch c mandar c'ʌlʌl che' bʌ tsac wa'chocoyob ti' ye'tel ti' tojlel Israel. Yom chʌn c'ajalob i cha'an israelob yic'ot i yalobilob ti pejtelel ora, che'en lac Yum.

Levitico 8:12

Moisés tsi' mulbe aceite ti' jol Aarón cha'an mi' wa'chocon ti' ye'tel.

Numeros 3:3

Ti' pejtelelob tsa' wa'chocontiyob ti' ye'tel ti motomaj.

Hebreos 2:11

Jini mu' bʌ i sʌq'uesan winicob x'ixicob yic'ot jini mu' bʌ i sʌq'uesʌntelob an jach juntiquil i Tat ti pejtelob. Jini cha'an ma'anic mi' cha'len quisin Jesús che' mi' yermanojiñob.

1 Pedro 1:2

Yajcʌbiletla che' bajche' tsi' wʌn ña'ta Dios lac Tat. Jini Espíritu woli' sʌq'uesañetla cha'an mi la' jac'ben Jesucristo, yic'ot ja'el cha'an mi la' mujlel ti' ch'ich'el Jesucristo. La' p'ojlesʌntic i yutslel yic'ot i ñʌch'tʌlel la' pusic'al.

1 Juan 2:27

Tsa'ix aq'uentiyetla jini Ch'ujul bʌ Espíritu woli bʌ i chʌn ajñel ti jatetla. Jini cha'an mach wersajic mi' cʌntesañetla yambʌ, come cʌntesʌbiletla ti Espíritu ti pejtelel chuqui yom. Isujmʌch i cʌntesa, mach lotic. Che' bajche' tsi' cʌntesayetla, che'ʌch yom mi la' chʌn ajñel ti Jesús.

Apocalipsis 7:14

Tsac sube: C yum, a wujil jatet, cho'on. Tsi' subeyon: Tsa' loq'uiyob ti ñuc bʌ wocol. Tsa'ix i wuts'uyob i pislel. Tsi' sʌq'uesayob ti' ch'ich'el jini Tiñʌme'.