Levitico 8:23 - Chol: I T’an Dios

²³ Che' jini Moisés tsi' tsʌnsa jini tat tiñʌme'. Tsi' ch'ʌmbe lamital i ch'ich'el. Tsi' bombe ñoj bʌ i chiquin Aarón yic'ot ñoj bʌ i ña'al i c'ʌb yic'ot jini ñoj bʌ i ña'al i yoc.

Chol de Tumbalá Bible

²³ Che' jini Moisés tsi' tsʌnsa jini tat tiñʌme'. Tsi' ch'ʌmbe lamital i ch'ich'el. Tsi' bombe ñoj bʌ i chiquin Aarón yic'ot ñoj bʌ i ña'al i c'ʌb yic'ot jini ñoj bʌ i ña'al i yoc.

Jiñi Tsiji' bʌ Wen T'añ cha'añ Estudio

²³ che' jiñi Moisés tsi' tsʌnsa jiñi tat tʌñʌme', tsi' ch'ʌmbe lamital i ch'ich'el, tsi' c'ʌñʌ i bomben ñoj bʌ i chiquin Aarón yic'ot ñoj bʌ i ña'al i c'ʌb yic'ot jiñi ñoj bʌ i ña'al i yoc.

Levitico 8:23 Iomraidhean Croise

Exodo 29:20

Tsʌnsan ja'el. Yom ma' ch'ʌmben i ch'i'ch'el ti a c'ʌb cha'an ma' bomben ti' ñoj bʌ i c'unlel i chiquin Aarón. Che' ja'el i yalobilob yom ma' bombeñob ja'el. Yom ma' bombeñob ja'el ñoj bʌ i ña'al i c'ʌb yic'ot ñoj bʌ i ña'al i yoc. Tsijcan i colojbal jini ch'ich' ti' joytʌlel jini pulʌntib.

Exodo 29:21

Yom ma' c'ʌn lamital jini ch'ich' am bʌ ti pulʌntib yic'ot ts'ita' jini aceite mu' bʌ i c'ʌjñel ti Tabernáculo cha'an ma' tsijcañob Aarón yic'ot i yalobilob che' yic'ot i pislelob. Che' jini sʌq'uesʌbilobix mi' cʌytʌl jini Aarón yic'ot i yalobilob. Sʌq'uesʌbilix mi' cʌytʌl i pislel ja'el.

Levitico 14:14

Jini motomaj mi caj i ch'ʌmben i ch'ich'el jini tiñʌme' cha'an mulil, cha'an mi' bon ya' ti' c'unlel ñoj bʌ i chiquin jini winic, yic'ot ya' ti ñoj bʌ i ña'al i c'ʌb yic'ot ja'el ti ñoj bʌ i ña'al i yoc.

Levitico 14:17

Jini motomaj mi caj i ch'ʌm lamital jini i ts'ajquil aceite mu' bʌ i cʌytʌl ya' ti mal i c'ʌb. Yom mi' bomben ti' c'unlel ñoj bʌ i chiquin yic'ot ti ñoj bʌ i ña'al i c'ʌb yic'ot ti ñoj bʌ i ña'al i yoc che' bajche' tsi' mele yic'ot i ch'ich'el jini majtañʌl cha'an bʌ mulil.

Levitico 14:25

Ti wi'il yom mi' tsʌnsan jini tiñʌme' cha'an i tojol mulil. Mi caj i lotben i ch'ich'el cha'an mi' bon jini winic mu' bʌ caj i sʌq'uesʌntel. Yom mi' bomben ti' c'unlel ñoj bʌ i chiquin jini winic, yic'ot ti ñoj bʌ i ña'al i c'ʌb, yic'ot ti ñoj bʌ i ña'al i yoc.

Levitico 14:28

Che' ja'el jini motomaj mi' c'ʌn ts'ita' jini aceite am bʌ ti ts'ej bʌ i c'ʌb cha'an mi' bomben i c'unlel i chiquin jini winic yic'ot i ña'al i c'ʌb yic'ot i ña'al i yoc ti' tojel i ñoj che' bajche' tsi' mele yic'ot i ch'ich'el jini majtañʌl cha'an tsi' taja i mul.

Levitico 7:37

Jiñʌch mandar cha'an majtañʌl tac ti chajp ti chajp: jini pulbil bʌ majtañʌl, jini majtañʌl bʌ harina, jini majtañʌl cha'an i tojol mulil yic'ot majtañʌl che' mi' ñusʌntel mandar, yic'ot che' an majqui mi' sʌq'uesan i bʌ, yic'ot cha'an i tijicñʌyelelob i pusic'al.

Romanos 12:1

Jini cha'an hermanojob, a wocolic mic subeñetla cha'an tsi' p'untayetla Dios, aq'uenla Dios la' bʌc'tal che' bajche' tsʌnsʌbil bʌ i majtan Dios anquese cuxulet to la. Jiñʌch ch'ujul bʌ i majtan Dios, uts'at bʌ mi' q'uel. Jiñʌch i ch'ujutesʌntel Dios ti isujm.

Romanos 6:13

Mach mi la' wʌc' la' bʌc'tal cha'an mi' cha'len jontolil. Aq'uen la' bʌ Dios, come tejchemetixla ch'ojyel ti chʌmel cha'an mi' c'ʌjñel la' bʌc'tal ti' melol chuqui toj cha'an mi la' ñuq'uesan Dios.

Romanos 6:19

Wocol mi la' ch'ʌmben isujm come winiquetla. Jini cha'an mic cha'len t'an ti lajiya. Che' bajche' tsa' la' wʌc'ʌ la' bʌc'tal cha'an mi la' cha'len chuqui tac bibi' yic'ot chuqui tac jontol, che' yom mi la' wʌc' la' bʌc'tal wʌle cha'an mi la' jac' chuqui toj cha'an mi la' wochel ti ch'ujul.

1 Corintios 1:2

Wolic ts'ijbubeñetla ili jun, xñopt'añet bʌ la i cha'an Dios ya' ti Corinto. Tsa'ix ajq'uiyetla ti' wenta Dios. Pʌybiletla cha'an mi la' wochel ti Cristo Jesús la' wic'ot pejtel mu' bʌ i pejcañob lac Yum Jesucristo ti' c'aba', baqui jach añob. Jini lac Yum i yumʌch ja'el.

1 Corintios 1:30

Come Dios tsi' yʌq'ueyetla la' wajñel ti Cristo Jesús. Dios tsi' yʌq'ueyonla Cristo. Jiñʌch lac ña'tʌbal tilem bʌ ti Dios. Jiñʌch tsa' bʌ i yʌc'ʌyonla ti' wenta Dios, tsa' bʌ i q'ueleyonla ti toj. Jiñʌch tsa' bʌ i yʌc'onla ti libre.

1 Corintios 6:20

Come tsa' mʌjñiyetla, tojbiletla. Tsictesanla i ñuclel Dios ti la' bʌc'tal yic'ot ti la' ch'ujlel, come i cha'añʌch Dios.

Filipenses 1:20

Come che'ʌch com ja'el ti pejtelel c pusic'al. Mi cʌl ma'anic mi caj cʌjq'uel ti quisin mi ts'ita'ic, pero ti pejtelel c ch'ejlel che' bajche' ti yambʌ ora, che' ja'el wʌle, mi caj i pʌstʌl i ñuclel Cristo tic tojlel mi cuxul to mi cajñel, o mi mux c chʌmel.

Filipenses 2:17

Tsa'ix la' ñopo Cristo tsa' bʌ i yʌc'ʌ i bʌ i wenta tsʌnsʌbil bʌ i majtan Dios. Mi che'ʌch yom mic chʌmel ja'el cha'an xuc'ul mi la' ñop, tijicñayon mi tsa' mejli c ñuq'uesʌbeñetla la' pusic'al.

1 Tesalonicenses 5:22

Mach la' ñop jontolil mi junchajpic.

Hebreos 2:10

Dios tsi' mele pejtel chuqui tac an. Woli' cʌntan cha'an mi' tsictesan i ñuclel. Yom mi' yʌq'ueñob i ñuclel pejtel i yalobilob. Jini cha'an tsi' ts'ʌctesa i ye'tel ti Jesucristo la caj Coltaya che' bʌ tsi' yʌc'ʌ ti wocol cha'an mi' coltañonla cha'an mi lac taj lac ñuclel ti' tojlel.

Hebreos 5:8

Pero anquese i Yalobilʌch, ti' caj i wocol tsi' wen ñopo ch'ujbiya.