Levitico 8:15 - Chol: I T’an Dios

^15-16 Moisés tsi' tsʌnsa jini alʌ tat wacax. Tsi' ts'aja i yal i c'ʌb ti' ch'ich'el. Tsa' caji i bomben i xulub am bʌ ti' xujc tac jini pulʌntib cha'an mi' sʌq'uesan. Tsi' beq'ue i colobal jini ch'ich' ya' ti' yebal jini pulʌntib. Che' jini tsi' sʌq'uesa yic'ot majtañʌl cha'an i tojol mulil. Moisés tsi' laj ch'ʌmbe i lewil i soyta', yic'ot i lewil i yolmal, yic'ot am bʌ ti cha'p'ejlel i cuchi'tun. Tsi' yʌc'ʌ ti pulel pejtelel i lewil ya' ti pulʌntib.

Chol de Tumbalá Bible

^15-16 Moisés tsi' tsʌnsa jini alʌ tat wacax. Tsi' ts'aja i yal i c'ʌb ti' ch'ich'el. Tsa' caji i bomben i xulub am bʌ ti' xujc tac jini pulʌntib cha'an mi' sʌq'uesan. Tsi' beq'ue i colobal jini ch'ich' ya' ti' yebal jini pulʌntib. Che' jini tsi' sʌq'uesa yic'ot majtañʌl cha'an i tojol mulil. Moisés tsi' laj ch'ʌmbe i lewil i soyta', yic'ot i lewil i yolmal, yic'ot am bʌ ti cha'p'ejlel i cuchi'tun. Tsi' yʌc'ʌ ti pulel pejtelel i lewil ya' ti pulʌntib.

Jiñi Tsiji' bʌ Wen T'añ cha'añ Estudio

¹⁵ che' jiñi Moisés tsi' tsʌnsa jiñi alʌ tat wacax, tsi' ts'aja i yal i c'ʌb ti' ch'ich'el, tsa' caji i bomben i xulub am bʌ ti' xujc tac jiñi pulʌntib cha'añ mi' sʌc-esan. Tsi' beq'ue i colojbal jiñi ch'ich' ya' ti' ye'bal jiñi pulʌntib. Che'ʌch tsi' sʌc-esa cha'añ i ñusʌntel mulil.

Levitico 8:15 Iomraidhean Croise

2 Cronicas 29:24

Jini motomajob tsi' tsʌnsayob jini alʌc'ʌl. Tsi' yʌc'ʌyob yic'ot i ch'ich'el ya' ti pulʌntib cha'an i ñusʌbentel i mul Israel. Come jini rey tsi' yʌc'ʌ mandar cha'an mi' yʌc'ob jini majtañʌl cha'an i ñusʌbentel i mul pejtelel Israel.

Ezequiel 45:20

Che'ʌch mi caj la' mel c'ʌlʌl ti' wucp'ejlel q'uin cha'an jini tsa' bʌ i cha'le mulil o i sajtemal o mi cha'an mach c'ajalic i cha'an. Che' jini mi caj i sʌq'uesʌntel jini Templo.

Daniel 9:24

Mu' to caj i ñusañob wocol a pi'ʌlob yic'ot i tejclum lujump'ejl i chʌnc'al (70) semana jinto mi' laj cʌyob i mul, jinto mi' cha' sʌq'uesʌntelob. Che' jini mi caj i tejchel i yumʌntel jini toj bʌ mu' bʌ caj i yajñel ti pejtelel ora che' bajche' tsi' wʌn subuyob jini x'alt'añob. Mi caj i cha' sʌq'uesʌntel jini C'ax Ch'ujul bʌ Ajñibʌl am bʌ ti Templo.

Levitico 1:11

Jini mu' bʌ i pʌy tilel mi caj i tsʌnsan tic tojlel ya' ti' t'ejl i pulʌntib ti' tojel norte. Jini motomajob i yalobilob Aarón mi caj i ch'ʌmbeñob i ch'ich'el cha'an mi' tsijcañob i joytʌlel jini pulʌntib.

Levitico 1:5

Jini motomajob i yalobilob Aarón mi caj i tsʌnsañob jini alʌc'ʌl tic tojlel. Mi caj i ch'ʌmob jini ch'ich' cha'an mi' tsijcañob i joytʌlel i pulʌntib jini majtañʌl am bʌ ti' tojel i ti' jini Tabernáculo.

Levitico 16:20

Che' laj ujtemix i sʌq'uesʌntel jini Ch'ujul bʌ Ajñibʌl yic'ot jini Tabernáculo, yic'ot jini pulʌntib, la' i pʌy tilel jini chivo che' cuxul to.

Levitico 3:2

La' i c'ʌcchocon i c'ʌb ti' jol jini alʌc'ʌl. La' i tsʌnsan ya' ti' ti' jini Tabernáculo. An ti' wenta jini motomajob i yalobilob Aarón cha'an mi' tsijcañob jini ch'ich' ti' joytʌlel jini pulʌntib.

Levitico 4:25

Jini motomaj mi caj i ts'aj i c'ʌb ya' ti' ch'ich'el chivo. Mi caj i bomben i xulub jini pulʌntib ba' mi' pulel jini majtañʌl. La' i bec' i colobal i ch'ich'el ya' ti' yebal jini pulʌntib.

Levitico 4:30

Ti wi'il jini motomaj mi caj i ts'aj i c'ʌb ya' ti' ch'ich'el jini chivo, cha'an mi' bon tac ya' ti' xulub pulʌntib ba' mi' pulel majtañʌl. La' i bec' i colobal ya' ti' yebal jini pulʌntib.

Levitico 4:7

Jini motomaj mi caj i c'ʌn lamital jini ch'ich' cha'an mi' bomben i xulub tac pulʌntib ba' mi' pulel pom tic tojlel ya' ti Tabernáculo. Jini i colobal jini ch'ich' la' i col ya' ti' yebal jini pulʌntib ya' ti' ti' jini Tabernáculo.

Levitico 6:30

Pero mach yomic mi' wis c'uxtʌl jini majtañʌl cha'an i tojol mulil. Mi' ch'ʌjmel ochel i ch'ich'el ili majtañʌl ti Tabernáculo ya' ti Ch'ujul bʌ Ajñibʌl. Yom mi' laj pulel ti c'ajc.

Numeros 8:12

Jini levíjob mi caj i yʌc'ob i c'ʌb ya' ti' jol cha'cojt alʌ tat wacax. Muq'uix a tsʌnsan juncojt cha'an mulil. Yambʌ mi caj a tsʌnsan cha'an pulbil bʌ c majtan, cha'an che' jini tojbil mi' cʌytʌl i mul jini levíjob.

Romanos 5:10

Che' i contrajonla Dios, tsa' chʌmi i Yalobil cha'an mi' yutsesan lac pusic'al yic'ot Dios. Wʌle che' lac pi'ʌlix lac bʌ la quic'ot Dios, ñumen mi caj laj coltʌntel cha'an tsiji' bʌ i cuxtilel Cristo.

Efesios 2:16

Ya' ti cruz, Cristo tsi' yuts'esʌbeyonla lac pusic'al yic'ot Dios. Tsi' mele jini cha'mojt winicob ti junmojt che' bʌ tsi' jisʌbeyonla lac ts'a'leya.

Hebreos 2:17

Jini cha'an wersa tsi' ch'ʌmʌ i bʌc'tal Jesús lajal bajche' i bʌc'tal i yermanojob cha'an mi' yochel ti c'ax ñuc bʌ motomaj yujil bʌ p'untaya. Xuc'ul i pusic'al ti' ye'tel Dios cha'an mi' tojbeñob i mul pejtelel winicob x'ixicob.