Levitico 7:21 - Chol: I T’an Dios

²¹ Majqui jach mi' tʌl chuqui bibi' tic wut mi i bibi'lel winic, mi i bibi'lel alʌc'ʌl tac, mi' taj i bibi'lel ja'el. Mi tsi' c'uxu jini majtañʌl tac aq'uebilon bʌ cha'an mic subentel wocolix cʌlʌ, wersa yom mi' chojquel loq'uel ya' ti' tojlel i pi'ʌlob, come tsi' bib'esa jini ch'ujul bʌ, che'en lac Yum.

Chol de Tumbalá Bible

²¹ Majqui jach mi' tʌl chuqui bibi' tic wut mi i bibi'lel winic, mi i bibi'lel alʌc'ʌl tac, mi' taj i bibi'lel ja'el. Mi tsi' c'uxu jini majtañʌl tac aq'uebilon bʌ cha'an mic subentel wocolix cʌlʌ, wersa yom mi' chojquel loq'uel ya' ti' tojlel i pi'ʌlob, come tsi' bib'esa jini ch'ujul bʌ, che'en lac Yum.

Jiñi Tsiji' bʌ Wen T'añ cha'añ Estudio

²¹ Majqui jach mi' tʌl chuqui tac bi'bi' tic wut, mi i bi'bi'lel wiñic, mi bi'bi' bʌ alʌc'ʌl tac, o chuqui jach bi'bi' tac bʌ; mi tsi' c'uxu jiñi majtañʌl tac aq'uebilon bʌ cha'añ mic su'bentel wocolix cʌlʌ, wersa yom mi' chojquel loq'uel ya' ti' tojlel i pi'ʌlob.”

Levitico 7:21 Iomraidhean Croise

Genesis 17:14

Mi an juntiquil winic mach bʌ anic tsa' tsepbenti i pʌchʌlel i bʌc'tal, mi caj i chojquel loq'uel ti' tojlel i pi'ʌlob cha'an tsi' ñusa jini xuc'ul bʌ c t'an. Che' tsi' yʌlʌ Dios.

Exodo 12:15

Wucp'ejl q'uin mi caj la' c'ux waj mach bʌ anic i levadurajlel. Che' ti' tejchibal jini q'uiñijel mach yomic mi' tajtʌl mi ts'ita'ic levadura ti la' wotot. Mi an majqui mi' c'ux levadura che' woli jini q'uiñijel mach mejlic i yajñel yic'ot c winicob ti Israel mu' bʌ i tempañob i bʌ.

Exodo 12:19

Wucp'ejl q'uin mach yomic levadura ti la' wotot, mi ti' yotot tac jini ñajt bʌ ch'oyolob año' bʌ ti la' tojlel. Come mi an majqui mi' c'ux waj am bʌ i levadurajlel, mach mejlic i yajñel yic'ot c winicob ti Israel mu' bʌ i tempañob i bʌ.

Ezequiel 33:25

Jini cha'an yom ma' subeñob: “Lac Yum Dios woli' yʌl: Mach mejliquetla come cabʌl la' mul. Mi la' c'ux we'elʌl yic'ot i ch'ich'el. Mi la' ch'ujutesan dioste' tac. Mi la' cha'len tsʌnsa. Ma'anic mi caj j coltañetla.

Ezequiel 4:14

Che' jini tsa cʌlʌ: ¡C Yum Dios! Ma'anic ba' ora tsaj c'uxu chuqui bibi' c'ʌlʌl che' bʌ tsaj q'uele pañimil c'ʌlʌl wʌle. Ma'anic ba' ora tsaj c'uxu chuqui tic'bil mi chuqui leco, cho'on.

Levitico 12:1

Lac Yum tsi' sube Moisés: Suben pejtelel jini israelob: Jini x'ixic che' mi' yʌc' ti pañimil ch'iton, wucp'ejl q'uin bibi' mi caj i q'uejlel che' bajche' ba' ora mi' q'uel i c'amʌjel.

Levitico 17:10

Che' ja'el mi an majqui mi' c'ux jini ch'ich', mi israel mi ñajt bʌ ch'oyolob, mi caj c choc loq'uel ti tejclum.

Levitico 17:14

Come i cuxtʌlel pejtelel cuxul tac bʌ an ti' ch'ich'el. Jini cha'an tsac subeyob jini israelob mach mejlic i wis c'uxob jini ch'ich', come jiñʌch i cuxtʌlel pejtel cuxul tac bʌ. Jini cha'an mi caj i wersa chojquel loq'uel ti jini tejclum majqui jach mi' c'ux.

Levitico 18:29

Come majqui jach mi' cha'len ili mulil tac, wersa mi caj i chojquel loq'uel ti' tojlel i pi'ʌlob. Jini cha'an yom chʌn c'ajal la' cha'an la' tic'ol, cha'an ma'anic mi la' tsajcan jini leco jax bʌ i melbalob jini ñaxan xcolelob, ame yajliquetla ti mulil. Come joñon la' Yumon la' Dioson, che'en.

Levitico 19:8

Majqui jach mi' c'uxe' ti yuxp'ejlel q'uin mi' taj i mul, come ma'anic mi' p'is ti wenta jini ch'ujul bʌ j c'aba'. Awilan jini winic wersa mi caj i chojquel loq'uel ti' tojlel i pi'ʌlob.

Levitico 20:3

Joñon ja'el mi caj j contrajin jini winic. Mi caj c choc loq'uel ti' tojlel i pi'ʌlob, come tsa'ix i yʌc'ʌ i yalobil cha'an i majtan Moloc. Tsa'ix i bib'esa jini Ch'ujul bʌ Ajñibʌl. Tsi' juch' teq'ue jini ch'ujul bʌ j c'aba'.

Levitico 22:3

Subeñob ja'el, majqui jach an ti' wenta cha'an mi yʌq'ueñon ch'ujul bʌ c majtan tsa' bʌ i ch'ʌmʌyob tilel israelob, mi tsa' ochi ba' añon jini motomaj che' an i bibi'lel, mi caj i chojquel loq'uel tic tojlel.

Levitico 22:4

Che' ja'el mi an leco bʌ i tsoy ti' pʌchʌlel motomaj, o mi woli' loq'uel i ya'lel i tsoy, mach mejlic i c'ux chuqui tac ch'ujul jinto che' cha' sʌquix. Majqui jach mi' tʌl ch'ujulelʌl o mi winic woli bʌ i q'uel i c'amʌjel, bibi' mi' cʌytʌl c'ʌlʌl ti ic'ajel.

Levitico 23:29

Mi an jujuntiquil winic x'ixic mach bʌ anic mi' peq'uesan i bʌ ti ili q'uin, la' chojquic loq'uel ti' tojlel i pi'ʌlob.

Levitico 7:20

Pero jini motomaj mu' bʌ i c'ux c majtan che' mic subentel wocolix cʌlʌ, mi max to sʌq'uesʌbilic jini motomaj tic wut, wersa yom mi' chojquel loq'uel ti' tojlel i pi'ʌlob.

Levitico 7:22

Lac Yum tsi' cha' sube Moisés: Subeñob jini israelob: Mach mejlic la' c'ux i lewil wacax, mi i lewil tiñʌme' mi i lewil chivo.

Levitico 7:25

Come majqui jach mi' c'uxben i lewil alʌc'ʌl mu' bʌ cʌq'uentel cha'an c majtan, wersa mi caj i chojquel loq'uel ti' tojlel i pi'ʌlob.

Numeros 19:22

Che' bibi' juntiquil winic, chuqui tac jach mi' tʌl, bibi' mi' yajñel ja'el. Mi tsi' tʌlʌ yambʌ, bibi' mi' cʌytʌl ja'el c'ʌlʌl mi' bʌjlel q'uin. Che' tsi' yʌlʌ lac Yum.

Deuteronomio 14:10

Pero pejtelel jini mach bʌ anic i welo' ja' yic'ot i sujl mach yomic mi la' c'ux, come bibi'.

Deuteronomio 14:3

Mach yomic mi la' c'ux jini bibi' tac bʌ bʌte'el. Ts'a' mi' q'uel Dios. Yom mi la' c'ux iliyi: wacax, tiñʌme', chivo, me', gacela, corzo, mate' chivo, íbice, antílope, mate' tiñʌme'.

1 Samuel 20:26

Ti jim bʌ q'uin ma'anic chuqui tsi' yʌlʌ Saúl come tsi' lon ña'ta an chuqui tsa' ujti: Tic'ʌl mach sʌq'uesʌbilic David. Isujm mach sʌq'uesʌbilic, lon che'en ti' pusic'al.