Levitico 7:16 - Chol: I T’an Dios

¹⁶ Pero mi an juntiquil mu' bʌ i yʌc' majtañʌl tilem bʌ ti' pusic'al che' bajche' tsi' ña'ta i yʌc', mach bʌ cha'anic wocolix cʌlʌ, mi tsa' to colobaji, mi mejlel i cha' c'uxtʌl che' ti yijc'ʌlal.

Chol de Tumbalá Bible

¹⁶ Pero mi an juntiquil mu' bʌ i yʌc' majtañʌl tilem bʌ ti' pusic'al che' bajche' tsi' ña'ta i yʌc', mach bʌ cha'anic wocolix cʌlʌ, mi tsa' to colobaji, mi mejlel i cha' c'uxtʌl che' ti yijc'ʌlal.

Jiñi Tsiji' bʌ Wen T'añ cha'añ Estudio

¹⁶ Pero mi jiñi majtañʌl woli bʌ i yʌjq'uel cha'añʌch tsi' yʌc'ʌ xuc'ul bʌ i t'añ o cha'añ tilem ti' bajñel pusic'al, mi' mejlel ti c'uxtʌl ti jiñi jach bʌ q'uiñ che' bʌ tsa' ajq'ui, pero mi tsa' to colojbaji, mi' mejlel i cha' c'uxtʌl che' ti yijc'ʌlal.

Levitico 7:16 Iomraidhean Croise

Salmos 116:14

Ya' ti' tojlel i cha'ano' bʌ Mi caj c ts'ʌctesan c t'an tsa' bʌ c sube c Yum.

Salmos 116:18

Ya' ti' tojlel pejtel i cha'año' bʌ Mi caj c ts'ʌctesan c t'an tsa' bʌ c sube c Yum

Salmos 66:13

Mi caj cochel ti a wotot. Mi caj c ch'ʌmbeñet tilel pulbil bʌ a majtan. Mi caj c ts'ʌctesan jini t'an tsa' bʌ c subeyet.

Exodo 35:29

Jini israelob winicob yic'ot x'ixicob pejtelel tsa' bʌ i bajñel c'ʌñʌyob winicob yic'ot x'ixicob pejtelel tsa' bʌ i bajñel c'ʌñʌyob i pusic'al tsi' ch'ʌmʌyob c'otel majtañʌl tac tilemo' bʌ ti' pusic'al. Tsi' ch'ʌmʌyob c'otel che' bajche' lac Yum tsi' sube Moisés ti mandar.

Proverbios 7:14

Sajmʌl tsa cʌq'ue Dios tsʌnsʌbil bʌ i majtan cha'an mi' ts'ʌctiyel c t'an tsa' bʌ c sube.

Ezequiel 46:12

Baqui jach bʌ ora mi' yʌc' yambʌ majtañʌl jini yumʌl cha'an pulbil bʌ c majtan o mi cha'an mi' subeñon wocolix cʌlʌ, yom mi' poj jajmel jini puerta am bʌ ti' pasibal q'uin cha'an mi' yochel i yʌc' jini majtañʌl tac che' bajche' ti' yorajlel c'aj o. Che' loq'uemix mi caj i cha' ñujp'ejl i puertajlel.

Levitico 22:23

Che' tilem ti la' bajñel pusic'al mi la' wʌq'ueñon tat wacax mi i tat tiñʌme', uts'at mi mejlel la' wʌc' che' c'ax ñuc o che' c'ax ch'o'ch'oc i bʌc'tal ti junwejl, pero mach uts'atic mi tsa' la' wʌc'ʌ cha'an i tojol jini majtañʌl che' wʌn subil bʌ la' cha'an.

Levitico 22:29

Che' ma' tsʌnsʌbeñon c majtan che' bajche' yom a pusic'al cha'an ma' subeñon wocolix cʌlʌ, aq'ueñon wen sʌc bʌ cha'an uts'at mij q'uel jini a wofrenda. Ti jini jach bʌ q'uin yom mi' laj c'uxtʌl, mach yomic mi' cʌytʌl c'ʌlʌl ti' yijc'ʌlal. Joñoñʌch a Yumon.

Levitico 23:38

Ti jujump'el jab yom mi la' mel ili q'uin tac. Che' ja'el yom jini ch'ujul bʌ c'aj o ti jujump'el semana. Parte mi caj la' wʌq'ueñon c majtan tac che' ti' yorajlel j q'uiñilel tac. Parte jini yan tac bʌ c majtan mu' bʌ la' wʌq'ueñon ti pejtelel ora.

Nahum 1:15

Awilanix tilel ti wits tac jini mu' bʌ i cha'leñob subt'an. Talob ti ajñel cha'an mi' subob jini tijicña bʌ t'an cha'an tsa'ix lajmi guerra. Jini cha'an, cha'lenla q'uiñijel añet bʌ la ti Judá. Ts'ʌctesan la' t'an tsa' bʌ la' subu ti' tojlel Dios. Come ma'anix mi caj i cha' ñumelob ti jisaya la' contrajob. Jini jontolo' bʌ mi caj i junyajlel jisʌntelob. Suben la' Yum wocolix i yʌlʌ.

Numeros 15:3

mi yomob i yʌq'ueñon pulbil tac bʌ c majtan, yic'ot jini tsʌnsʌbil tac bʌ c majtan tilem bʌ ti' pusic'al, che' mi' ts'ʌctesañob i t'an, o che' ti' yorajlel tac la' q'uiñijel, la' i yʌq'ueñoñob xojocña bʌ i yujts'il tic tojlel.

Deuteronomio 12:11

Yom ts'ʌcʌl mi la' ch'ʌm majlel chuqui mic subeñetla ya' ti' yajñib lac Yum Dios yajcʌbil bʌ i cha'an. Ya' yom mi la' ch'ujutesan. Ya' yom mi la' wʌq'uen jini pulbil tac bʌ majtañʌl, yic'ot tsʌnsʌbil bʌ majtañʌl, yic'ot la' diezmo, yic'ot la' wofrenda tac, yic'ot ja'el pejtel mu' bʌ la' wʌq'uen lac Yum.

Deuteronomio 12:17

Mach yomic mi' la' c'ux ti la' wotot i wut la' pʌc'ʌb tsa'ix bʌ la' wʌc'ʌ cha'an la' diezmo, mi la' ts'usub, mi la' waceite, mi jinic i yʌx'al la' wacax, mi la' tiñʌme', mi jinic tsa'ix bʌ la' wʌlʌ cha'an mi caj la' wʌq'uen lac Yum. Mach yomic la' bajñel c'ʌn jini majtañʌl mi ofrenda tilem bʌ ti la' pusic'al.

Deuteronomio 12:26

Pero yom mi la' ch'ʌmben majlel lac Yum jini ch'ujul bʌ majtañʌl yic'ot jini ofrenda tac tsa' bʌ la' wʌlʌ mu' bʌ caj la' wʌq'uen lac Yum. Yom mi la' ch'ʌm majlel ti' yajñib lac Yum yajcʌbil bʌ i cha'an.

Deuteronomio 12:6

Ya' yom mi la' pʌyben tilel i majtan mu' bʌ caj i laj pulel, yic'ot i majtan mu' bʌ caj i tsʌnsʌntel, yic'ot la' diezmo, yic'ot la' wofrenda, yic'ot ja'el jini t'an mu' bʌ caj la' wʌc', yic'ot jini majtañʌl tilem bʌ ti la' pusic'al, yic'ot i yʌx al la' wacax, yic'ot i yʌx al la' tiñʌme'.